جبروني فاحببته ✨

جبروني فاحببته
اسمي فردوس نقرا طب اسنان مواليد 1996 سنه رابعه صغيره هلي وطبعا الصغيره والمدلعه قبلي ثلاث شباب اخت وحده متجوزه
نور : فردوس هي في شن لاهيا المحاضره وقت
انا : باهي هي نشوف في قيس مايردش
نور: اكيد مزال راقد كل عاده هي وقت
انا هي هي
قيس دز مسج عمري صباح الخير اكيد خشيتي للمحاضره نضت وكنت ندوش يومك جميل ياقلبي أن شاءالله انحبك❤🔐
انا ف وسط المحاضره شرين موبايلي قريت المسج وابتسمت
نور: كيف صار ف العريس يلي جايك قيس مايبش ايدير لقطه
انا ماعليك تو انطفشه كيف يلي قبله 😂😂
نور 😂😂😂😂بس لعند أمتي هكي قيس ضروري ايدير لقطه
انا ان شاءالله ها انروح بيك ولا جاينك
نور لا جايني مراد ولد خالتي 😉❤
انا باهي تمام😂😂
نور بس مزال خليك معاي
انا نبي نمشي شور شمس نشوفها وبالك تبي تروح معاي
نور باهي هي نمشي معك
طبعا نور هذي صاحبتي من ايام الاعدادي وشمس بنت عمي واقرب شخص ليا
شمس اهلا شن جوكن
انا ونور بخير وانتي
انا رن موبايلي قيس شوي ونجيكن
شمس عدي عدي وانتم ماتشبعو
انا ونور 😂😂😂😂
قيس حبيبي شن جوك
انا بشوي دلع اهو بخير
قيس كنا سمحي زعلان
انا لا بس نعسانه كل منك
قيس 😂😂😂باهي ياعمري شن اندير كنت مرايف عليك بكل  بعدين كم عندي حبيبيه انا ولا نمشي نشوف وحده ثانيه تسهري معاي وتراضيني
انا بكل برود كان لقيت وحده كيفي مسامحتك
قيس بصوت حنون ورومانسي وانا نقدر نلقى كيفك انتي وحده بس وربي يخليك ليا ❤❤
انا امين ياقلبي وليا يارب
قيس ها حبيبي حنشوفك اليوم كيف مااتفقنا
انا لا ياعمري ماصارش ماقتلكش
قيس لا شن
انا مهو جايني اليوم خطاب ماما تبيني نروح بدري شوي وطالعه
قيس خطاب شن فردوس انتي ليا بس ياقلبي
انا عارفه حبيبي بس ماما شن نبي انديرلها تو نرفض كيف كل مره خلاص خليني نصكر نشوف البنات ونروح
قيس باهي العات من ولا من وين يعرفك
انا مسالتش مش هامني نبي نرفض وخلاص
قيس بس ياعيني مفروض تعرفي قلبي مش متريح بس تو نعرفوه
صكرت من قيس ومشيت للبنات
شمس نسيناك بكل
انا كنت مستكه
شمس كنك شن قالك
انا لا شي بس على خطاب يلي جين
شمس فردوس لعند أمتي هكي باهي ليش مايجي يخطب
انا شمس شفتي المره الاولى جا يبي يخطب توفه باته قالي مانقدرش تو اقل شي سنه يصكر
شمس اها صح نسيت باهي من يلي جينكم
انا ولله مانعرف حتي هو سالني تعالي معاي نبو انديرو كم حاجه
شمس باهي معناها هي عشان وقت
انا هي
روحت انا وشمس للحوش طبعا انا قالبه وجي وراقيلي بكل ماحكيتش مع ماما بكل
شمس شن انديرو ي عميمه
ماما درت عصير مانج وقلت لل خالد يجيب معه شوكولاطه وخلط وقال ماديروش حاجه حلوه تو نجيب تشيز كيك
شمس باهي تمام يعني شن مزال
ماما عجنه بوريك ووتيت البطاطه المبطنه تبيلها قلي تعالي ديري بيتزا وانديرو الدجاج يلي بالجبنه الملبس بس
شمس خلاص تمام هي تتو نبدا فيها نحط حاجتي جو بس
انا جيت نبي نطلع
ماما فردوس كنك ي ماما قالبه وجك في حاجه.
انا ماما انتي عارفه كني كم مره قتلكم مانبش لا خطاب يجو لا نبي نجوز
ماما وسعي بالك بس ي بنيتي عليش هكي انتي مشاءلله عليك هابا عليش كل مره جايتك دار وانتي ترفضي عليش هكي نحنا نبو نفرحو بيك
انا على شوي بكيت وطلعت
شمس كنك تبكي
انا شمس انا مانبش غير قيس ومش عارف ليش نحس ف هلي يبو يعطوني نحس في حاجه تخنق فيا
شمس ي هبله رعشتيني ماعطوكش هما وانتي ارفضي مش حيديرو شي غصب عنك خليني ننزل للامك وانتي دوشي وابدي ف روحك
ندى سلام عليكم
ماما وشمس عليكم السلام
ندى حي بديتو
شمس تقلي ف البطاطه اها ي حنه امالا نراجوك😂😂
ندى معلمتك شكلها
ماما من عاشر قوم 😂😂
ندى وينها هي
شمس فوق تدوش
ندى ماما قتيلها من يلي جينها
ماما لالا قالبه وجهه وحالتها حاله
شمس من يلي جين
ندى تو تعرفي بعدين 😂😂.
شمس خزي
ندى باهي شن مزال
شمس العزومه كلها واتيه الحوش حسيته نظيف امس فردوس دايره حمله عليه ديري الصالون مش بنقمعزو فيه
ندى خلاص تمام
انا طلعت من الدوش مخنوقه بكل واول مره نحس روحي مش متريحه للخطاب يلي جاين في رنت قيس
قيس جميلتي ❤
انا عيونها
قيس كنك ياقلبي صوتك مضايقه 
انا لا شي بس تعاركت مع ماما ع موضوع الخطبه هذي
قيس وسعي بالك ي قلبي امك تبي تفرح بيك بس اهدي ماتزيديهش عليها
انا حاضر. روحت انت ولا مزالت ف العياده
قيس تو راكب للسياره مروح
انا خلاص ياعمري روح بعدين نحكو وخليني نشوفهم ونبدا نوتي روحي
قيس باهي ي قلبي تحرمينش شوفتك بس
انا عليك التافه  تبي تشوفني وانا مفتلكه للخطاب غيرك
قيس 😂😂😂باهي شن اندير عارفك حتطلعي جميله خطرها ماعرفتش من.
انا لا ولله خطرت عليا تو نسأل
قيس خلاص هي اوكي
انا اوكي انحبك ياراحتي الجميله ❤ بعدها حلت ندى الباب وسمعتني
قيس وانا ياقلبي
ندى فردوس انتي تبي حد ؟
انا سكتت ونبحت فيها
ندى نسال فيك ردي
انا لالا عليش السوال هذ
ندى باهي مع من كنتي تحكي
انا كنت نحكي مع نور
ندى نور؟😒
انا اها
ندى باهي قوليلي شن تبي تلبسي
انا مافكرتش اي حاجه مش مهم
ندى عينك مش مهم خليني نشوف
ندى صبت تبي تحل الدولاب تذكرت انا ان قيس امس جايبلي هديه قاعده ف دولاب
انا ندى
ندى نعم
انا وين اسماء
ندى سيبتها مع عمتي
انا اها باهي خلاص تو نشوف انا شنن نلبس وانتي انزلي ديري الصالون ساعه 3 وقت
ندى خلاص تمام
طلعت ندى وانا طلعت اڤارول اسود واقف من فوق توب وطلعت عليه صندل ذهبي وطاقم ذهب وبديت ف شعري درت فيه تلوايات مفتوحات ووخليته مطلوق ع لاورا بس شديته من الأطراف ودرت مكياج ع الوان الترابيه ييجي عليا جميل عشان انا سممره ودرت رسم عين رقيق بكل عشان انا عيوني واسعات بكل
خلاص نزلت لقيتهن مكملات كل حاجه خشيت للمطبخ
ماما كملتي
انا اها خلاص مزال نلبس بس
ندى شن قرارتي تلبسي
انا الاڤارول الاسود يلي خذيته الاسبوع يلي فات
ندي باهي تمام
ماما فردوس ماتقعدش قالبه وجك هكي بعدين
انا ان شاء الله شمس خلاص تعالي فوق غيري
شمس باهي هي
ركبت انا وشمس شمس حلت دولابي تبي تاخذ حاجه تلبسها مني عشان روحت معي ومش جايبه شي
شمس حيحي شن. هذي من وراي
انا😂😂😂😂 تي اسكتي عليك ضحك امس هذي
شمس شن صاير
انا امس ببصاره قتله خاطري ف شوكولاطه قالي ولله قتلا ولله ونحكي انا وياه وعادي لونا قالي حلي الروشن قتلا عليش بسم الله قالي حلي بس حليت لقيته لوطه كان تشوفي كيف خذيتها عليك ضحك😂😂😂 قالي اعزقي فوطه نربطها فيها قالي هابا عليش دايرها  ف سله
شمس هبلين ولله بالي ماحد شافكم 😂😂😂😂😂
انا اسكتي تو خشت عليا ندي وانا نحكي معه
شمس حي عليك باهي
انا مافش باهي قالتلي تبي حد وهكي قتلها لا قالتلي باهي مع من كنتي تحكي قتلها نور
شمس باهي تمام ليش ماتقوليلها
انا لالا ندى دغري للماما وانا نبش هكي نبي يجي يخطب طول احسن
شمس باهي تمام خلاص صبي كملي لبسك وانا نلبس ونفتلك ي خيتي خالد قاعد
انا 😂😂😂😂هبله ولله
شمس 😂😂😂😂مالا شن ي خيتي كنا يزيد سماحه هو بس
انا باهي مافش تطورات
شمس لا
انا معش حكيتو
شمس هو دارلي سين معش رد معش عرفت شن نقول
انا اها باهي هي صبي نكملو وقت ساعه5 الا
انا لبست وشمس كذالك مسكت الموبايل صورت كم صوره للقيس دزيتهن له بعدها لون رن فيديو
قيس وين حبيبي السماحه هذي كلها
انا 😂😂 اين سماحه بالله
قيس اقسم بالله جميله هي جسمك وجك خيال بكل
طبعا انا عيوني واسعات وخشمي صغير ووفمي فيه نفخه بسيطه وجي امدور وسمره شعري طويل كوستنائي فاتح قصيره وطشه بكل
انا نعلي 😔❤✨
شمس قالتلك امك هيا
انا خلاص حبيبي هي اوكي جو تو بعدين نحكو
قيس تمام ياقلبي نحبك ❤
صكرت نزلت لقيت ششمس ف المطبخ ومشيت الصالون لقيت عات خالتي خشيت وانا نضحك
انا 😂😂😂😂نحسابكم العرب
خالتي ابتسام مغير سلمي بس
ماما خبطتني وقالتلي اسكتي
انا سلمت عليهم وطلعت خشيت للمطبخ لقيت شمس توتي ف العصير
انا خليتيني نصكر نحسابهم جو
شمس تي جو
انا تي عات خالتي
شمس فردوس هما يلي جاين يخطبو
انا جتني صدمه وقمعزت شمس جتني تجري كنك
انا شمس مش حنقدر نرفض هكي خلاص
شمس وسعي بالك تو ماتفكرش بس
انا شن مانفكرش انتي عارفه أن احمد صاحب قيس بكل حي عليا كيف اندير 😭😭😭
ندى خشت كنك تبكي
انا ليش ماقتولي عات خالتي هما يلي جاين
ندى باهي هابا عليش تبكي تو امسحي عيونك وهي تعالي قمعزي
شمس عدي انتي. تو انجي انا وياه
ندى باهي تمام
انا صبيت ومخنوقه بكل وخديت لشوكولاطه ومشيت انا وشمس بعدها قمعزت ورحت نهدرز مع بنات خالتي
خالتي تحكي للماما
انتي عارفه أن من زمان وانا عاجبتني فردوس وقديش غاليه عليا بس طلعت مش انا بس يلي عاجبتني حتي احمد معجب بيها وهو يلي قالي احكي مع خالتي وله فتره يبيني نجي من جيت اخر خطاب ياحنه مانعرف نكثر دوه كان ماتردونش جايه ياحنه نبي نأخذ منك بنيتي للوليدي
ماما ولله مانلقى احسن منك ي خيتي ومانلقى حد كيف احمد ومن يوم يلي كلمتي حكيتي معاي قلت لل ناصر وماقال غير ربي يكمل علينا 
انا مقعزه ومنصدمه ومش قادره نجمع شي 😢
راحن البنات يزغرتن وويباركو للبعضهم وهكي وانا خلاص قريب نموت ونبي نبكي ونقول لالا انا نحب قيس
خالتي فردوس كان ماعندكش مانع يبي ييجي احمد يبي يحكي معك ويشوفك انا منصدمه ومارديتش بكل عقلي مش معاي ومانسمع في شي غير ف صوت قيس وهو يقولي جميلتي ❤
ماما فطنت اني مش مركزه قالتلها تمام رني عليه
طلعت انا وشمس من الصاله وركبت طول فوق ورحت نبكي
شمس خلاص ياعمري اهدي حنحلو القصه ونحكو مع هلك
انا شمس انا مانبش مانبش كيف نبي نرفض عات خالتي كيف بس ماما مش حتسمع مني وشوفي كيف وافقو بدون مايخذو رايي
شمس خلاص اهدي وتعالي وصقمي مكياجك تو يبي يجي احمد
انا حنطلع ونقوله مع رنت تيلفوني نور
ردت عليها شمس وحكتلها كل يلي صار
نور لالا نبي نجيكم تو
شمس خلاص تمام
نحنا وفي الدار خشت علينا ياسمين بنت خالتي
ياسمين فردوس احمد جا تعالي هي
انا هي هي نصقم روحي
ياسمين تمام ي كنتنا 😂❤
انا ضحكت ضحكه صفره ونزلت
خشيت لقيت احمد مقمعزه لما خشيت صبا
انا سلام عليكم
احمد وعليكم السلام كيف حالك
انا بخير وانت
احمد الحمدالله
انا قمعزت وهو قمعز انا قعدت ساكته بعد نص ساعه
احمد شن جو قرايتك
انا كويسه
احمد سنه كم تو
انا رابعه
احمد اها ربي يوفقك أن شاءالله
احمد فردوس انتي عارفه اني انا نبيك صح
انا ساكته وانبحتت لوطه
احمد وخالتي قالتلي انك موافقه
انا انصدمت بكل ومعش قدرت نقول لا مش موافقه ونكذب ماما
احمد ف انا نبي نتعرف عليك اكثر ونبي نحكي معك ونتقرب منك ومانبش نطلع العرس لين تاخذي عليا اكثر وتبادليني الحب ❤❤
انا جتني غصه وهزيت رأسي وساكته دقت شمس الباب صبيت حليت الباب لقيتها جايبه صفره فيها موالح وشاهي خذيتها عطيته وجيت نبي نطلع
احمد فردوس
انا نعم
احمد خليكي هنا شوي
انا به وقمعزت
احمد عهدي بيك ماتسكتي بكل كنك ولا عشان قعدتي خطيبتي
انا قريب نبكي وخلاص نبي نموت قهر
ضحكت ضحكه صفره وقتلا ممكن عشان هكي
احمد باهي حتي ع موبايلي حتقعدي هكي
انا مش عارفه ولله
احمد باهي خلينا نعرفو وعطيني رقمك
انا 09********
احمد دارلي رن وخذا موبايلي
انا انصدمت وقتلا هي مانحبش حد يأخذ موبايلي
احمد نبي نسجله بس
انا باهي وتو نسجله شن
احمد وسعي بالك بس ع شن خايفه
انا مش خايفه ع شي بس لقطه مش حلوه
احمد باهي اسفه
انا به وصبيت نبي نطلع
احمد على فكره لقطه مش لائقه يلي تو
انا انت ولاانا  يلي مش لائقه
احمد انتي قاعد نحكي معك وتطلعي وتسيبني
انا قمعزت باهي ها قمعزت احكي
احمد لا ماتقعدش هكي اطلعي خير
انا باهي تمام اوكي
احمد اوكي وقولي للهلي هيا
انا باهي جيت نبي نأخذ الصفره موبايلي رن قيس انا صكرت عليه
احمد من My Comfirt ❤🔐
انا تهيالي مش شورك
احمد انا خطيبك
بحتت فيه قتلا شن خطيبي من ساعه بعدين مزال مش اكيده
احمد كنك انتي
انا ماكني شي اوكي
احمد اوكي بعدين نتفهمو
انا وانت طيب أن شاءالله
احمد وانت طيب؟
انا طلعت وقتلهم قاللكم هي
وركبت بدون مانحكي مع حد حاجه وغيرت دبشي ولفيت شعري فوق ونزلت لقيتهم  مرحين
خشيت لقيتهن ف المطبخ
انا ماما بنحكي معك
ماما باهي شوي بس
انا لا سيبي وبحتي فيا
ماما ها احكي
انا من يلي يبي يجوز انا ولا