الحلقه الثانيه
انا من يلي يبي يجوز انا ولا انتم كيف تقولي انا موافقه وانا تو كيف عرفت ها وليش ماقلتيلي عات خالتي جاين يخطبو معقوله الموقف يلي تخلوني فيه بعدين انا مش موافقه وماعندش اسلوب بكل وماتريحتلش
ماما اختي ومش حنردها وانتي عارفتك هكي
انا قتلك مش حنوافق وحنحكي مع بابا مابيتش نكذبك قدامه انا بس ونقوله تو كيف عرفت كان مش حترفضو حنقولها له انا
ماما عليش باهي عليش
انا قتلكم مانبش مانبش كيف تفهمو انتم ورحت نبكي وجيت نبي نطلع نركب فوق خبطت ف خالد
خالد فردوس كنك
انا شي شي
خالد شن شي كنك
انا خليني ياخالد نبي نركب فوق
خالد باهي هي نركب انا وياك
طبعا. خالد اصغر واحد في خوتي وقريب مني بكل اكبر مني ب 4سنين
ركبت انا وخالد وانا منهره ونبكي
خالد وسعي بالك بس وقوليلي كنك
انا خالد مانبش مانبش وامك ماتبش تعدل عليا وقايلتلهم اني موافقه وانا تو كيف عرفت أن هما يلي يخطبو لين جو
خالد حتي نحنا قالتلنا انك موافقه تصدقي اني استغربت كيف وافقتي وانتي لك فتره رافضه
انا زدت نبكي وحطيت رأسي ع كراع خالد ورحت نبكي وخالد يمسح ع رأسي لين رقدت جت شمس ونور
نور ياروحي فردوس كنك ❤😢
خالد خلنها بس تو ترقد وماحد يسألها كنك
انا غفيت معش فطنت شي لعند ساعه 2ونص بحتت الموبايل لقيت قيس رن عليا قريب 8مكالمات رحت نبكي نبكي ونفكر في شن نقوله جيت نبي نرن عليه ف رنت رقم استغربت انا رديت
انا الو
الرقم الو نوضتك
انا لا نضت تو من؟
الرقم مش قتلك سجلي دغري عرفته احمد
انا اها نسيت ولله
احمد باهي شن جوك تو
انا تمام
احمد وين ع لخبطه كنك راقده
انا شي اتكيت ع خالد راح يلعبلي ع شعري لقيت روحي راقده
احمد اممم هكي حنغير انا
انا نعم؟تغير عليش أن شاءالله
احمد وسعي بالك بس نبصر معك
انا اها به تبي حاجه
احمد اها
انا شن
احمد نبيك تكوني ليا تكوني مراتي ودنيتي كلها ❤😢
انا هههه باهي نبي نصكر نبي نقرا
احمد عندك امتحان
انا لابس نقرا ف كل محاضره
احمد اها باهي خليك اليوم معاي
انا مره ثانيه أن شاءالله اليوم كله ماقريتش
احمد باهي تمام ربي يوفقك تصبحي علي خير
انا وانت بخير
صكرت ورنيت طول ع قيس
قيس حبيبي وينك نرن عليك ماتردش
انا وخلاص نبي نبكي كنت راقده
قيس باهي ياعمري كنك
انا قيس انا انخطبت 😭😭😭😭😭😭.
قيس كيف كيف ؟😤
انا اقسم بالله 😢
قيس باهي من وكيف فهميني بدون بكى فردوس وانا نبيك مش انتي ليا انا كيف كيف تنخطبي للغيري انتي مراتي انا وليا انا
انا زدتت بكى وكلامه تقول آموس في قلبي 😭😭😭😭
قيس ركز وهدى خلاص ي قلبي اهدي وفهميني كيف صار
انا حكيتلا يلي صار كله بالتفصيل حتي المكالمه يلي تو
قيس 😂😂😂😂
انا عليش تضحك
قيس انا نحبك وصاحبي يخطبك
انا رحت نضحك 😂😂😂عليك البارد تو وقت هذ
قيس باهي ترا حلي الكاميرا وخليني نشوفك
انا ظلام باهي اصبر شوي
حليت الضي بحتت ف روحي لقيت عيوني منفخات من كثر البكى صقمت شعري وغيرت توتي لبست توته سمحه وكت وطلقت شعري ومزال ملوي وحليت الكاميرا
قيس اوووف شن دايره ف روحك انتي معقوله ي هبله عيونك
انا شن نبي اندير 😢 مانبش نكون لغيرك
قيس ومش حتكوني لغيري
انا ان شاءالله خايفه بكل ياقلبي 😭😭❤
قيس خلاص اهدي وخليني ف السماحه يلي قدامي
قعدت نحكي انا وقيس ونسيت اليوم كله وقعدت متريحه وجوي تمام بعد ساعه ونص هكي خش احمد انتظار
انا اوووف
قيس كنك
انا احمد خش انتظار وانا قتله بنقرا
قيس 😂😂😂صكري ردي ع صاحبي قصدي خطيبك
انا 😂😂😂😂قصدك ولد خالتي
قيس ولله ماعرفت كيف
انا مش حنرد وع أساس كنت نحكي مع نور تعرف ياقلبي جعانه امبدري دايرين موالح خيال ماجتنش نيا بكل حطولي معه ماقدرتش ناكل
قيس باهي حبيبي عدي كولي وانا نغير دبشي ونخش ندوش بعد يلي درتي فيا بالتوته والسماحة هذي 😂❤❤
انا 😂😂😂😂شن درت فيك يعيني 😉
قيس ي سخيفه يلا اس اوكي
انا اوكي
صكرت ونزلت للمطبخ
نسخن ف مولح وحطيت تبسي وحطيت تشيز كيك وعصير ف صفره رن تيلفوني احمد انا خليته شوي ورديت
أحمد مع من كنتي تحكي
انا نعم؟
احمد نسأل فيك
انا شن دخلك
احمد.انا خ وسكت صح كملتي؟
انا لا مزالت نزلت ناكل وبنركب
احمد اها واضح انك تقري كنتي ع موبايل
انا اها نقرا ع موبايل
احمد باهي مايهمنش
انا باهي أساس ماكنتش نبي نقولك المهم كنك
احمد شي شفتك اونلاين قلت شكلها كملت
انا اها لا نقرا مع البنات ع نت
احمد اووه اها اسف
انا ع شن
احمد ع سوء الفهم
انا به تصبح على خير
أحمد تبي تصكري
انا اها
احمد عليش
انا هكي نبي نركب نكمل قرايتي والبنات بايتت ماشفتهنش بكل
احمد باهي تمام تصبح على خير ياعمري
انا نعم؟
احمد شن
انا من عمرك
احمد ههههه انتي ❤
انا لا امك هي بطل ماتقعدش خفيف
احمد خفيف تي كنك انتي أ**
انا انا هكي تبي ترضى باهي ماتبش افسخه مزالت فيه
احمد انتي هذ يلي تبي بس مش حنفسخ هكي وخليك كيف ما انتي انا حبيتك بدون مانعرفك وحنحبك حتي وانا نعرفك هكي
انا عليش عليش تحبني
والحق احمد طريقه دوته وصوته خيال بكل قعدت نحكي انا وياه لعند كملت وكالي طولنا شوي ضحكت معه وهو كملها يحكيلي كيف يحبني وانا نتهزا ونسمط مافطنتش للوقت بكل لقيت روحي حاكيه معه قريب ساعه الا ربع رقد هو ويحكي انا صكرت وغسلت المواعين ودرت قهوه وقمعزت ع طوله المطبخ وانا دايخه بكل ومش عارف شن اندير وقعدت نبكي في خشت نور وشمس عليا
نور تي انتي هنا ونحنا يلي نحسابوك راقده ي سايعه😂
انا اهمم من امبدري نايضه
شمس فردوس كنك ياعمري ❤.
انا لا شي
نور حي ولله مافطنتش انها تبكي
انا 😂😂تي مش موضوع المهم انتن كنكن واعيات
شمس كنت نقرا ونور تهدرز تتفرج ع موبايل .
انا اها تعالن درت قهوه نشربوها برا
نور اطلعن انتن تو انا انوتي صفره وانجيكن
طلعت انا وشمس قمعزنا برا
شمس خلاص ياعمري وانتي منكده ع روحك هكي قيس اكيد حيدير حل
انا ساكته وابتسمتلها
نور هي هي تعالن قربن عمركن ماشفتن فتلك كيف هذ 😂
نحنا 😂😂😂
قعدنا نهدرزو ونضحكو لون رن قيس
انا الو
قيس اه ياعمري اسف طولت عليك دوشت وتعشيت ونزلت يلا امي خذاني الوقت
انا لا عادي مش مهم
قعدت نفكر نقوله اني حكيت مع احمد ولالا بعدها قرارت مانحكيش مش عارفه ليش بس هكي ماحكيتش لا لقيس ولا للبنات ماجتنش نيا أو اهميه اني نحكي لحد
قيس صوت البنات جنبك مازالتي لوطه
انا اها طلعنا لجنان نشربو ف قهوه
قيس قهوه ساعه 4 الفجر
انا 😂😂😂😂اها ماعندش لها وقت القهوه انا
قيس 😂😂انا يلي عارفك خلاص معناها ي عمري خليني نرقد وانتي كسدي مع البنات
انا خلاص تمام تصبح على خير يا قلبي
قيس وانتي بخير حبيبي ❤
صكر قيس وانا والبنات قعدنا هداريز وضحك لعند الصبح طلع ركبنا رقدنا طبعاً ماعندنش جامعه ثاني يوم قعدنا لعند قريب العصر ونحنا راقدات رن موبايلي كنت نحسابه قيس انا من تحت الفوطه وراقده ومغمضه عيوني ودوبني نحكي
انا الو حبيبي
احمد وين ي كسوله معقوله لعند تو راقده
انا اهممم وطافيه بكل لقيت روحي راقده معش فطنت لعند بعد العصر بواجد البنات ناضن وصوت هرجتهن حليت عيوني وفطنت أن احمد مزال ع خط بحتت ف مده المكالمه لقيتها ساعتين
انا اففف
احمد كنك بسم الله
انا انت مزالت ع خط وانا رقدت مافطنت شي بكل
احمد 😂😂اها ولله انسجمت ع خط مره مره تحكي انتي
انا 😂اها ولله نحكي ونتحرك
احمد يااساتر ياساتر 😂
انا 😂😂 بس شكلي كيوت انا وراقده بكل
احمد لا واضح بعد هذ كله
نور هابا وانتي حتي اول ما تنوضي تحكي أن شاءالله تشبعو بس
انا نفنص ونخبط فيها لاني عارفه تحسابه قيس
احمد 😂😂 هو نحنا امس كيف حكينا ولا تحكي مع حد ثاني 😉
انا تلكلكت تيتيتيت تحسابك ااااه
احمد 😂😂 نبصر را
انا اه عارفه حتي هي تبصر ☺
احمد باهي خلاص تمام خليني نمشي نصلي العصر وصبي صحصحي انتي وكولي مانحبش الكسل انا بكل را
انا 😂 شن دخل الكسل تو انا مش راقده الا الصبح
احمد انتي حياتك مخبطه بكل وانا مانحبش الروتين يلي هكي
انا اهم باه كويسس
احمد خلاص هي اوكي حديري عركه حاس بيك
انا 😂😂 اوكي
صكرت وصبيت خشيت الحمام وغيرت توتي ونزلت لقيت البنات يشربن ف قهوه
انا طح سعدكن عليك قهوه ف هل وقت هي نتغدو
شمس ماعندش نيا
نور انا بنكمل قهوتي ونبي نروح
شمس حتي انا
انا كنكن الستر بعدين ماما وين
شمس طلعت تو ماشيه للجدتك مافش حد
انا خلاص معناها كنت نبي انطيب بس تو نرن ع قيس نخلي يجيبلي غداء ومنها نشوفه
شمس ادبالك را يجي سفيان تو يروح هو
طبعا خالد حكيت عليه وندى سفيان اكبر من خالد م 90 يشتغل ف المطار اغلب وقته مش قاعد و ايمن م 86اكبر من ندى ايمن متجوز وعايش ف طرابلس وعند وليدين وبنيه
انا تي مش مروح اليوم سفيان الاسبوع هذ كله ماسك مسكت الموبايل ورنيت ع قيس ماردش بعدها بشويه رن
انا حبيبي
قيس عيون حبيبك شن جوك
انا بدلع تمام وانت
قيس بعد سمعت صوتك اكيد حنكون تمام
انا ياعمري نبي نطلب منك طلب
قيس تبي روحي نعطيها لك اطلبي
انا بيبي الحوش مافي حد وانا ليا فتره ماشفتك وجعانه ومتنبله اني اندير غداء يعني تعال هنا ع اساس انك دليفري
قيس 😂😂 اخرتي دليفري ياعيني .
انا لا ياعمري بس هك خطر ف بالي .
قيس خلاص تمام شوي ونكون عندك قوليلي بس شن تبي نجيب معاي
انا اي حاجه شوفتك تكفيني
قيس نعلي 😔❤ خلاص تمام باي ي عمري
انا باي
شمس خلاص خلينا نحنا نروحو وانتي اركبي صقمي روحك
انا لالا خليكن نتغدو ونروح بيكن ونمشي لل جدتي بيش نروح بماما
شمس ونور باهي تمام
بعد نص ساعه رن قيس
قيس ها حبيبي قريب نوصل فيكم را وصلت عند الفيلا الصفره
انا باهي حنطلع درس سيارتك ف الوسعايه وتعال ع كرعيك
قيس تمام
وصل قيس حليتله
انا هييي😱 قتلك غداء انا شنو هذ كله
قيس 😂 تي خليني من هذ كله وخليني من السماحه هذي كلها
انا 😆عمري عااد❤
خشينا للصالون وطبعا كل عاد قيس مايشوفنش الا وهو معه هديه ليا خذيت من الحاجات وشلتهن للبنات ف المطبخ
قيس حبيبي الجميل 💕
انا بدلع ي نعم
قيس ليش ياعمري خيال بكل هكي
انا 😄😄
مسك يدي قيس وقدمني عليه وحطني ع صدره طبعا انا طشه بكل يليى يشوفني انا وقيس مايقولوش حبيبي قيس طويل وعضلات ولحيه سوظه وعيون سود وابيض بكل وشعره واجد دايره ع لاورا اسود وخشمه معنقر جميل بمعني الكلمه
انا حبيبي عاد اطلقني
قيس ليا زمان ماشتفك خليني نشبع من شوفتك
نور دقت الباب انا وقييس وخرنا من بعضنا
انا خشي
نور سلام عليكم
قيس 😂 وعليكم السلام وين الادب هذ كله
نور 😂😂😂 شن رايك بس
قيس لا ولله ماعرفتك 😂 حطت نور الصفره وطلعت كليت انا وقيس وهدرزنا مع رومانسيه وحركات
انا قيس
قيس اووو قيس؟
انا 😂😂😂 مش عارفه كيف قلتها فوت بس خليني نحكي
قيس 😂😂 نعم ي عيون قيس
انا كيف انديرو ع قصه احمد
قيس باتك امتى مروح
انا بابا مطول بكل بعد ثلاث شهور
قيس خلاص نراجو هما مش حيديرو حاجه وباتك مش قاعد
انا اهممم تمام
روح قيس وانا وصلت البنات وعديت للماما وكسدت غادي وماما باتت عندها روحت انا ساعه 10الا وطول رقدت لا حكيت مع احمد ولا قيس رن موبايلي ساعه 2 نضت بحت ف الموبايل لقيت A💍💦 يتصل بك غمضت عيوني وحاولت نرقد سكن نضت رديت
احمد الو
انا الو
احمد أن شاءالله راقده
انا 😂😂 اها راقده
احمد مشاء الله لا وشكلك خاشه ف النوم مش تو كيف راقده
انا 😂 ساعه كم تو رقدت قريب 10
احمد اووو 10 تو ساعه 2😂
انا لنقاني بكل ماحسيت بشي
احمد قصه انتي
خش قيس ف انتظار
انا احمد عندي مكالمه نشوفها ونحكي معك بعدها
احمد خلاص تمام نراجيك
انا ان شاءالله وانت طيب
رديت على قيس
قيس كنتي تحكي معه .
انا اها كنت قطعني ف نص دوتي
قيس مانعطلش عليكم شوفي
انا حبيبي
قيس قتلك عديلا نبي نصكر اوكي
انا قيس
قيس فردووووس قتلك صكري وعدي احكي معه
انا سكتت ومابيتش نصكر وهو ماصكرش قعدت نص ساعه وحكيت
انا عمري كنك
قيس شي مش قتلك صكري
انا مانبش نصكر بنحكي معك
قيس كان بتحكي را رديتي عليا من امبدري
انا كنت راقده ولله رقدت من اول ماروحت تو نضت ع رنت احمد صكرت عليه ورديت عليك
قيس سكت شوي باه عدي كملي معه
انا خلاص عاد مانبش
قيس باهي بنصكر نرقد
انا كنك ي عمري
قيس شي مضايق شوي وزدها احمد عليا
انا من شن مضايق
قيس خلاص فوتي ياعمري وقعدنا نحكو..
