Araw na lang ang binibilang bago ang kasal ni Rudy at ni Tisay pero
hindi mapakali si Tisay. Hindi kasi siya dinatnan nung huling buwan at
nagsisimula siyang makaramdam ng hilo at parang nasusuka
paminsan-minsan. Nagwo-worry si Tisay kaya't nagdecide na ito na bumili
na ng eva test para malaman kung buntis ba siya talaga. Ngunit lingid
sa kaalaman ni Tisay ay namumrublema din ngayon si Rudy. Alam ni Rudy
na si Ellen ay hindi rin dinatnan at natatakot siya na buntis itong si
Ellen ngayon pa kung kelan malapit na ang kasal nila ni Tisay. Katulad
ng nararamdaman ni Tisay, si Ellen ay madalas ding naduduwal at
nahihilo kaya't nagdecide na rin ito na bumili ng eva test.
Halos bagsakan ng langit ang dalawa nang malaman ang katotohanan. One
month pregnant nga sila. Nagsisisi ang dalawa dahil nagpadala sila sa
kamunduhan. Hindi bale sana kung ang nakabuntis sa kanila ay ang
kani-kanilang mga boyfriends, kaso si Kiko na kaibigan ni Tisay at Rudy
ang nakabuntis kay Tisay at si Rudy naman na kaibigan ng mag-syotang
Kiko at Ellen ang nakabuntis kay Ellen. Tinawagan ng dalawa ang mga ama
ng dinadala nila para iparating ang hindi magandang balita. Pero sa
halip na matakot ay natuwa pa itong si Kiko at niyakap pa si Tisay.
Halos ganun din ang nangyari kina Rudy at Ellen. Hindi maintindihan ni
Rudy ang saya na naramdaman niya ng ibalita ni Ellen kay Rudy na buntis
ito. Sa isang sandali ay nawala lahat ng takot na nararamdaman ni Rudy
habang si Ellen naman ay takot na takot.
"Ano ang gagawin natin ngayon?" sabi ni Ellen na humihikbi.
Niyakap ni Rudy si Ellen. "Alam mo nakakapagtaka pero, masaya ako sa
balita mo."
"Masaya? Rudy, ikakasal ka na kay Tisay." sabi ni Ellen. "Siya ang
girlfriend mo hindi ako."
"Alam ko." sabi ni Rudy na nakatingin sa malayo at malalim ang iniisip.
"Meron akong plano pero bago ko sabihin ito sa iyo sagutin mo muna ang
tanong ko.... mahal mo ba ako?"
Nagpako ang kanilang mga mata. Maya-maya'y umiling si Ellen. Hinaplos
ni Rudy ang buhok ng dalaga. "Ganun din ako. Mahal ko si Tisay. Pero
kung magpapakasal naman kami ngayon, baka hindi ko masuportahan ang
bata."
"Ano ang balak mo?" tanong ni Ellen.
Sa kabilang dako naman ay nagkita itong si Kiko at Tisay kung saan
sinabi ni Tisay na si Kiko ang ama ng pinagbubuntis nito.
"Talaga?" sambit ni Kiko na tuwang tuwa.
"Natutuwa ka pa diyan samantalang halos mamatay na ako sa takot." sabi
naman ni Tisay.
"Tisay, pananagutan ko ang bata. Pakasalan mo ako." sabi ni Kiko na
lumuhod pa sa paanan ng dalaga.