جمعة بنات

part1

نزلت (ليال) مسرعة من على الدرج فاصطدمت بوالدتها

_اووه ، اسفه ماما

ضحكت والدتها ، ثم قالت

_هههههههه شيج؟ شكو ؟ ليش هيجي مستعجله؟

فقالت (منال) التي كانت تجلس مع والدها واخيها (توفيق) على الطاولة لتناول طعام الافطار

_اليوم يوم سعدها مو راح تجتمع ويه الحبايب

( وهي كلمة تقال للسخرية عادة )

فردت (ليال)

_اي (منال) نجتمع علمود نسولف ونتونس

فابتسم والدها قائلا

_( منال ) عيفي (ليال) تعاي حبيبتي معليج بيهه، تعاي تريكي

_اوك بابيتو

فاخرجت لسانها لاتغيض (منال )

لم تعرها (منال ) اهتماماً اكتفت بابتسامه طفيفه قائلةً

_هه ، مخبله

كانت (شهد) كعادتها ترتب غرفتها ، ثم تباشر بمساعدة والدتها يوم الجمعه في اعمال المنزل كونها وحيدتهم ، وبينما كانت ترتب السرير دخلت والدتها بابتسامة قائلةً

_صباح الخير (شهوده)

_صباح النور ماما

_ماخلصتي ترتيب غرفتج ؟

_بس بقت الجربايه (السرير) تريدين شي ؟

_اي اريدج تخلصين بسرعه علمود تنزلين تتريكين وبعدين يوصلج ابوج لبيت خالتج (ليلى )

استائت (شهد ) ثم قالت بضجر

_بس اني ما اريد اروح

_ليش حبيبتي هذني بنات خالتج وكرايبج واحنه نسوي هاي الجمعه كل اسبوع علمود تتقوى الروابط بينجن

_بس ماما تعرفيهن مزعجات وهم تدرين هنه ميحبني

_لا حبيبتي لاتكولين هيج يعني هنه ميحبن طبيعتج بس وحيتعودن عليج بمرور الوكت وانتي همين حتتعودين عليهن

_اوك ، ميخالف حروح

ثم رمت الشرشف بضجر شديد وقالت

_اوووف ، ما اريد اروح

وذلك بعد ان غادرت والدتها الغرفه .

بعد قليل نزلت (شهد ) من غرفتها وذلك بعد ان انتهت من ترتيبها ، وبينما هي تنزل من على الدرج استوقفها والدها قائلا .

_( شهوده ) حبيبتي على السريع تعالي تريكي علمود تبدلين واوديج لبيت خالتج لان مستعجل وعندي شغل .

كان يقول ذالك وهو يتناول طعامه بسرعه 

_بابا اول شي صباح الخير