انا العشت وياهم كفر موتوني
وكل واحد يجي يعتذر راح افر متوني 😤
عادي اعذرهم بس يفرمتوني
مو طلع فايروس حقووود بية
بجت العجوز ولزمت ائيدي بقت تبجي
ريتا :-بيبي ائني ااسفة انسي السؤال
العجوزة :-بنتي لا عادي لا تتئسفين . سئلتيني ليش ائني هنا لوحدي رغم عمري الجبير
ريتا :-ائي
كامت تضحك بستهزاء
العجوزة:-اوووووف بنتي و ائني عمري 15 تزوجت
صارو عندي جهال 4 اولاد اسمائهم الجبير فهد الثاني علي و الثالث حيدر و الرابع يوسف ربيتهم وكبرتهم اصلا هذة واجبي اربيهم
ريتا :-ائي صح
العجوزة:-بس ائني كلش تعبت عليهم
ريتا :-شلوون
العجوزة:- بوقتها جانت حالتنة كلش تعبانة و ابوهم توفة الله يرحمة
ريتا :-الله يرحمة
العجوزة:- وائني كمت اشتغل وبنفس الوقت ادرسهم واربيهم و بعدين كبر كلهم زوجتهم
ريتا :-الله يساعدج والله
العجوزة:-كل هذة عادي بالنسبة الي المصيبة
بقت تبجي
ريتا:-شنو المصيبة
العجوزة:-تعينو
ريتا بنفسة :-ما فهمت شدكول
العجوزة :-تعينو و نسوني
ريتا :-شلون نسوج انتو مو كاعدين بنفس البيت
العجوزة:-ائي بس محد يسئل عني وتمرضت محد اجة وكلي شبيج كلت بعد خل ائني اروح اكلهم ائني مريضة وكتلهم
ريتا :-ائي كتيلهم ؟
العجوزة:-كتلهم كالو ما عدنة فلوس و انتي كبرتي والمرض شي عادي وكلنة راح نموت يعني تردين بعد زيادة لعمرج لبعمرج هسة كلاهم الدود
ريتا :-ما عدهم ضمير هذولة حقراء
العجوزة:- وي الايام كامن حتة زوجاتهم يصيحن علية
ريتا :- لا حولة ولا قوة الا بالله
العجوزة :-كلت بعد خل اعيش بحدي واجيت كعدت هنا و اشتغل بدار الايتام . انضف
ريتا :-الحمد الله
العجوزة :-الحمد الله . بنتي ائني عذبتج خاف اهلج ضل بالهم عليج روحي بنيتي
ريتا :-خالة ائني ما عدي اهل
العجوزة :-وين عايشة
حجيتلها قصتي *** وكتلها ليوم انطردت
العجوزة :- وهسة وين تروحين
ريتا :-ما ادري
العجوزة :-ابقي وياي ائني هم اضوج ابقة ابحدي بس شسوي واريد واحد يحجي وياي واحجي ويا
ريتا بنفسة :-ليش ما ابقة
ريتا :-ابقة وياج ع ما اشوف وين اروح
فرحت العجووز كلش وبقينة نسولف ونضحك رغم مشاكلنة و رغم الفرق لبلعمر لبيناتنة طبعا كلتلي هذة لبيت لهية ساكنة بي إجار
ورة شهر طلعت مريضة راحت للطبيب طلع عدهة جلطة
فعلاجات و ما ادري شنو بقت شهرين وتوفت الله يرحمهة
دزو علية للملجئ لتشتغل بي العجوز . رحت
كلولي هذي لعجوز كاتبة و صية و ناطيتة لمدير دار الايتام
كاتبة بالوصية
العجوزة **هسة ائني متت
و ائنتي بحدج كاعدة ائني حجيت وي مديرة دار الايتام حتة تروحين عدها بما انو انتي يتيمة
و اكو شي ثاني مراح اكتبة خلي مفاجئة
اذا رحتي لدار الايتام راح دكلج عنة المديرة اماني
ريتا بنفسه:-الله يرحمج
رحت و كعدت بدار الايتام و تعرفت على صديقات و بدة الدوام طبعا ائني بالرابع علمي
وداومت صارت عندي صديقة وياي بالملجئ حبيتهة كلش وحبتني حجتلي قصتها
اسمها :-زينب
ائني زينب اعرفكم بنفسي
مواليد 2002/4/12
ولادتي الموصل
عدي اخوة ثني احمد و حسين و اخت و حدة اسمها تغريد
راح احجيلكم شلون اجيت هنا
فد يوم بسنة 2015
و داعش كاعد بالموصل اجو علينة بليلة ضلمة جان بابا ما موجود ائني لبدت جوة الجرباية من كد الخوف. اخذو ماما وخوتي ثنينهم و اختي
رجع بابا للبيت و لكاني بس ائني حجيتلة الصار
جابني للبصرة خلاني بدار الايتام و راح يدور على ماما و اخواني
ولحد الان ما اجة خبر من بابا
ريتا :-زينب
زينب :-ها
ريتا :-وجعاا
زينب :-بايخة
ريتا :-ههه
خل اكمللكم ائني ريتا
ائني وزينب صرنة اخوات بحيث كمت ما اكدر انام الة نسولف شوي ونام
*مدرستنة ولد وبنات سوة. فد يوم خميس عدنة امتحان كيمياء امتحنت وائني ما امجاوبة طلعت بالساحة ضايجة
وجانت زينب ما مداومة مريضة ماخذة إيجازة
اجة ولد كعد بصفي كال هلاو م حجيت .جنت كاعدة ومدنكة راسي لان ما مجاوبة ضايجة
كال شدعوة ماكو هلا ترة ائني طالب جديد وراح اخذ عنج نضرة مغرورة
ائني كمت بعصبية بدون م اباوعلة ولا حاجيتة عفتة وكمت
اجة وراي كمت اصيح علي ودرت وجهي طلع ابن جيرانة السابق عباس اذا تذكرونة
ريتا :-اوو اسفة
عباس:-ههه شبيج
نكمل ع البارت الجاي
