ملاكي
الحلقه 7
ذهبت والدتها معها فجاءت امها لتركب بجانبه
فنظر لها شذرا
همام:لع انتي اركبي ع الكنبه شرحه وبرحه وشبابيك بحري هواوها يرد الروح
هاتي ملك جانبي عشان بنتناقش سوا والشباك اهنه قبلي عيكتوم علي مراوحك عاد وممكن تفطسي مني
ابتسام:ياساتر يارب الملافظ سعد
همام:اكدب عليكي يعني وتفيصي منينا
ابتسام :اطلعي يابنتي خلينا نخلص ف الخروجه السودا دي
همام:في نفسه علي دماغك ياشيخه
تعالي ياقشطه جامبي
ملك :ماكانش فيداعي للموشح الطويل ده
همام :اني عاوز مرتي جمبي اخد امها بتاع ايه
ملك:طب بص قدامك بدل ماتعمل حادثه
همام:مالكيش صالح عاد اني بشوف بقفايا انبسطي
ملك :طب معلش ريحني وبص قدامك
همام:اوامرك ياقمر
اؤمر ياقمر امرك بمشي علي نن عيوني وعلي رمشي
ملك:ههههه والله انت ملك تاني شاري دماغك ع الاخر
همام:اني دماغي مكلفه
مافيش ف بلدكو بحالها زييها
ملك:ماشي ياعبقرينو
همام:ابتتمجلتي تاني بكره تعرفي انتي متجوزه مين
اني همام كبير الطحاويه بعد بوي اللي كلمته سيف علي رجبيهم
ملك:ماشي ياكبير
همام:داانت اللي كبير ياكبير
ملك تبتسم وتخفض راسها
وصلو للمول لتاتي بفستان الزفاف
همام:اني هقعد اهنه وشوفو الفستان المناسب ووريهوني افرضي مش مناسب عندينا
المهم اختارو وذهبت تقيس بعض الفساتين وهو يقول لها وهي تقيس ماعيزاش مساعده اجي وياكي
ملك:لا اوعي تيجي
ولكن تاخرو فقلق
ففتح الستاره فكانت بفستان حمالات ابيض رقيق
يانهار مطين بطين ايه ده عاد
عتلبسي العريان ده
ملك :انت مجنون في توب وطرحه ه انا همشي كده
امها:لا كده شبك كده ايه الافلاحوكش بتاعك ده وتوب وتبوظي منظره
همام:خليكي ف حالك ياحاجه سيبنالك المودرن
ربنا يكملك بعقلك يا ملاكي
ملك:انت ازاي تفتح عليا وانا كده
همام:انتو اتاخرتو صراحه شكيت ف امك تكون بتعملك حاجه الوليه دي مش مظبوطه ومش مريحاني
ابتسام :انت اهبل يلا
هعمل ف بنتي ايه
همام:انتي اتجنيتي عاد والله لو ماكنتي حرمه لكنت جبت صف سنانك
وع العموم لا مؤاخذه ياحماتي اللي مايعرفك يجهلك والشيطان ده ابن حرام مصفي بيصور للواحد حاجات مهببه بستين نيله
يلا خلصتو ولا هنبيتو اهنه عاد
ملك :خلاص هقلعه ونجيب التوب والطرحه بتاعته
همام :اجي اقلعهولك
ماني هقلعهولك بكره اهو نعمل بروفه
ملك:امشي ياهمام من هنا وبلاش سفاله وقله ادب
همام:خلاص انتي حره احنا كنا عاوزين نخدم
مالكيش ف الطيب نصيب
وخرج ينتظرهم ويتصل بابوه
همام:ايوه يابوي تاجي باكر منتظركو ف الاوتيل انت وخوي دياب جيبنا فستان الفرح وتجيب ليا جلابيه الفرح
وتتقل الحراسه معاك عاد
لحسن حد من عيله ابو جليل يقطركو وانت عارف بينافسونا ع البضاعه ونفسهم الجو يخلالهم
منصور :حاضر ياولدي
خرجت ملك وامها
همام:خلاص يابوي سلام ماتنساش اللي قلته
منصور:حاضر ياولدي
وقفل
همام:خلاص عاد ولا لسه في شيء
ملك:لا جبنا كل شيء والشوز وكله
مال عليها
يعني مالازمكيش شيء تاني واصل
ملك :لا كده تمام
مش هتشتريلك بدله
يقهقه بدله انتي عاوزه بوي يطخني عاد
ملك امال هتلبس ايه
همام:انتي مفكره عشان بلبس اهنه قميص ومنطالون بلبس اكده ف البلد دا اني كنت ابقي عره ومسخره الكفر ولا يحترموني
اني بعت لبوي يجيب لي جلابيه الفرح
ابتسام :جلا بيه اووووو نووووو اسنديني ياملك
هيغمي عليا
همام:تكونش ذبحه ونخلصو عاد
ابتسام:ان شاء الله انت يابعيد
ملك:بعد الشر عليه ياماما
همام:تصدقي اني كنت هروق امك تمام
بس بعد اللي قلته ده ياقمر عفونا عنها
ملك :هههههه انت فظيع حقيقي
مش عارفه ايه هبلني وخلاني اوافق ع الجوازه الغريبه دي
همام:جلتلك همام مايترفضش
ملك:طب يلا بينا ولا هنبيتو اهنه
همام:لا ياجي منيكي بتتعلمي بسرعه
أنت تقرأ
ملاكي
Hành độngقصه من الصعيد عندما تحب شخص اخر تسعي لتغييره حتي وان دب اليأس طريقك فلن تيأس بدافع الحب وهكذا الاخر يتغير رغم العادات القبليه والتقاليد
