عجبتني القصة 💖💖
منقوووووله 😂😂😂😂💔💔
لما كنا صغيرين نمشو حوش حناي كنت حاطه عيني ع ولد خالتي كنت ديما نتلصق فيه نعطي في حصتي شكلاطه لما نلعب معاه ونجي جنبه يقولي بري يازوله نجري لي حناي نبكي نقولها هيتم قالي يازوله كانت تقولي يجيك يوم تكبري تتغيري وتبدي زي باربي واني نفرح ونراجي في هاا اليوم بش هوا بس كان يقولي فيها حته اختي لما نتعارك معاها تقولي يازوله لان باختصار (شيانه العيله) 😂💔طبعاا اختي واخده جمال كله واني طالعه لي حناي سمراء وشعر ملوي (الاحرش) عكس اختي تماماا كبرناا قاعدين زي مااحني لاباربي لافله شعر حالف مايطول سانتي في الاعراس نلبس ونتكم روحي وفيش حد يشبحلي واختي الا كل سبوع عريس خشينا جامعه وقريب نتمها وفيش عريس واحد حته بالكدب لا حته حد عاكسني ندكرش 💔😒😂😂😂😂
وزيدك بنات العم والخاله وحده نخطبت وحده جابت ويلوحو ف كلام وقعد هكي الحال لين مايوم مشيت العياده مع اختي خشيتش معاها رقمها 19مطول جيت ع كرسي برا وقعمزت ونلقا جزدان طايح قمته فتحته قيت فيه فلوس وتلفون بيلا وفي لوبان ملوي ف بورزه طلعت تلفونها بنتصل عندهاش رصيد تصلت من تلفوني قلت الو رد عليا ولد قالي منو قتلا اني قيت جزدان طايح وقيت تلفون ف رقمك متصل بيها رآه جزدان طايح قدام عياده وفلوس عندي قالي باهي شويه ونجي رديت تلفون ف جزدان وسكرته وقعدت شاده تلفوني نلعب بيه شويه ويتصل نفس رقم قالي وين انتي قتله ع مكاني قالي شفتك شفتك ويقرب مني ولد ااه ع جمال عضلات ولحيه وهيبه والمشيه وجنبه عزوزه سلمت عليها وقتلها تفضلي ونتلفت لي الولد الايشبحلي ياويلي ع عيوووونه وف خاطري بالله تشبحليش نعرف روحي عبده زوله قعدت تشكر فيا العزوزه وخدت جزدان ومشت خشيت لي اختي نشوف فيها وبعدها روحناا ف ليل مع 10ونص تصل بيا نفس رقم واني مصدومه قلت حي حي كان ما الفلوس ناقصات ويقولو اني وااخدتهم رديت قالي اهلا قتله طول اسمع كان فلوسكم ناقصات حق ربي مامسيتهم ولا حته عديتهم صح شفتهم وشفت لوبان كان خاطري فيه وحته هوا ماقربته ايواه لدالك اني مادخلي ف شي ونسمع ضحكته قالي بشويه ياودي اني قلبي يرفرف دهشت من كلام ونرعش قالي فلوس كاملات ولوبان كامل قتله باه ريحتني وعلاش متصل ؟ قالي بنشكرك لان لو بنت بدالك رآه خدتهم الفلوس قتله سلم الارباني قالي باهي اسمك شنو يالمتربيه وف بالي قلت بيزودها شكله صايع ومتع بنات طول لصق قتله اسمي نعطيش في وبش كان رديت عليك معناها خلاص لا بابا لاا هياا توكل العب مع غيري وسكرت عاود تاني سكرت بعد رابع نهار بعت رساله قالي اسف لاكن والله عجبتيني وخشيتي خاطري تحسابيني متع بنات غير اعطيني فرصه رديتش عليه وبعدها بايامات تصل رديت قتله نععععم شن تبي قالي اعطيني فرصه يابنت الناس راني ناوي الحلال
بعدها بي سنه و6شهور ودرناا العرس 😂 وخش صاله وكلهم مصدومين كيف شينه طيح واحد بجماله يزازي بيا غير شن تبي بدأ يعلم فيا فسواقه قالي نشريلك سياره وسوقي وماعمره نداني باسمي ديما ياقلبي والله حته نبات حوش ماليا نق عليه مايخلينيش يقولي تعودت عليك لونحمدربي صبح ليل نقدرش نشكره ع نعمه الا أعطهالي اخر اشاعه طلعيينها ساحراته و سلفاتي ههههه عزوزتي موريتهم الويل تنادي فيهم ياسوسات😂 واني تحبني اكتر من بناتهاا من لقطه رديتلها فلوس وهيا تنادي فيا يابنتي
وقتنعت أن دنيا نصيبات لاهي ديبورا ولا ريتشي 😆😅
