حٌبوكبرياء (باللهجه العراقيه)

بدايه الحكايه،،

7/12/2004..........7:10
في صباح بارد لبدايه اسبوع....
سمعت صوت امي وهيه تصيح عليه يلا ماما تاخرتي عندج امتحان يلاا
مديت ايدي بتكاسل حته اشوف الساعه بلنقال فزيتت علة طولي واني اشوف الساعه بالسبعه وعشرة وعندي امتحان يبوو متاخرة
كمت بسرعه بسرعه غسلت وجهي وبدلت ملابس المدرسه المعتادة صدريه نيلي قميص ابيض وجاكيته رصاصي ضفرت شعري ضفيرة صفح اخذت جنطتي وطلعت تلكتني امي:يلا ماما تعالي تريكي...لا ماما تاخرت وعندي امتحان اكل بلمدرسه عود بسته بخده وطلعت عفته تدردم عليه لان يوميه اكعد متاخرة طلعت واني مستعجله مدري اخلي فلوس بمحفظتي مدري اكلب بلكتاب اراجع...واني واركض ماحس غير نضربت بحايط رفعت راسي داشوف بشنو انضربت جان طلع شاب لابس عسكري وشايل اوراق كولها وكعت بلكاع جان طويل وشويه ضخم بحيث ضعت يمه عيونه حادة عسليه وبيه نضرة صفنت بيه وعيت ع نفسي واعتذرت منه بسرعه لان خفت من عگدت حواحبه ومبين عصبي كلش داريدادنك الم الاوراق الوكعو مالته بس حجيه خلاني مثل صنم بمكاني...
(اذا فكرتي مجرد تفكير تدنكيين لا اخليج تندمين ع ساعه طلعتي وفكرتي تندكين بنص شارع وحق الحق اطرج طر)
عگدت حواحبي وحجيت كتله والله يالله فوك منريد نلم غراضه يتامر مناصقني غير هل شكول من صباحيات،، هوة ضل صافن عليه وني احجي بعصبيه عفته ومشيت اصلا اني منا متاخرة اففف الحمدلله بعده مداك الجرس فتت للمدرسه ودك جرس.......
____________________________________________________________
كاعد ادخن جكارة واني  كاعد بلحديقه بلمرجوحه والدنيا توه بدت تطلع شمس صافن واني افكر بحياتي وشون راح تصفه وياي..كعدت امي لكتني كاعد جتي عليه:هايمه وليدي خما بيك شي ليش كاعد هينه جا مانمت يابعدامك..
هلابالغاليه..هلابرويحتي..لاولله بس جو حلو وكعدت هينه،يلا يايمه  اذن الفجر امشي صلي واقرالك غران(قران)..انشالله يمه
فاتت واني فتت وراها رحت صعدت لغرفتي بدلت لبست بدلتي العسكريه وبسطالي"اكرمكم الله" نزلت جوة لكيت  امي تسبح رحت يمها بست راسها ..ها يوليدي  طالع لدوامك؟اي يايمة عندي شغله اكضيها والتحق مناك..خلني اكوم احضرلك لكمه تاكلها تسند نفسك يابعد امك،لايمه  لاتعبين روحج اني اكل اي شي هناك،لا يمة ماطولني اشم الهوة ماخليك تروح على لحم بطنك..يطول بعمرج يالغاليه..اكلت وسلمت على امي وطلعت..
وصلت لمنطقة(.....) امر على عقيد كلفني بشغلة احلها الة
اني وامشي ماحس غير نضربت ببنية بس شنو من بنيه سبحان الخالقه جنه ملاك صفنت بيها وبعيونه شايله حسن وجمال العيون كبار والرمش طاخ الحاجب والخشم احمر والخدود كبار والحلك مرسوم بس من شفت لبسه عگدت حواجبي لابسه صدريه مخصرة ومبينه تفاصيل جسمه البارز المنحوت جاكيته كصير وصدريه كصيرة والرجلينن طالعات جتي تدنك تلم  الاوراق الوكعن ني تخبلت شون تدنك بهل لبس بنص الشارع كتله حاولي تفكرين تندكين لاطرج طر هيج عگدت حواجبه بغضب وكامت  تحجي وتعلي صوته وعافتني وراحت  واخذت كليبي وياها واني سارح بجماله فزيت من صفنتي واني واكف بلشارع لحكته شفته راحت لمدرسه اعداديه خليت اسم لمدرسه ببالي ورحت بس اني دايخ بعدين حاجيت نفسي مواني التهزني مرة رجعت لوجهي الجامد ورحت
هي:شابه مدللة مرحه وحبابه فطيرة وعصبيه وام لسان
هو:بارد عصبي قوي كلمته متصير ثنين
هل ياترى يجمعهم  لقدر؟وشنو توقعاتكمم للقادم؟
__________________________________________
هلاو حبايب شونكم كولولي رايكم بالمقدمة وصوتو حته اكمل احبكم كومه💗💗
اعذروني علة الاخطاء الاملائيه واذا عدكم اي  افكار اوشي تحبون اضيفه كولولي💗