اليعجبه بكلبي يسكن لايجرحه
والما عاجبه خلي يتنحى
هاي الناس ثاري تسبب امراض
خيرهم صحبته تسوي قرحه
أريد ابتعد عنهم كبل ما اموت
مدام الله بعد منطيني صحه
أطكهم شلع حتى المستعز بي
الكتبته بمي ذهب هم راح امسحه
ربعي تربعوا فوك ويدبجون
أضربلك مثال انطيك لمحه
واحد كل دقيقه يريد تقرير
بيش الساعه انام ويمتى أصحى
ويا هو المر عليك ويا هو حاجاك
النصب روحه شرطي اليوم اسرحه
والثاني شغلته منيلك هاذ
وشلون اشتريته،،،، شها لملحه!
بيش منين ليش وانته شعليك!
متفضل علي منطيني منحه
وواحد حاط روحه بسلعه البيت
كل شي تكله عاطل كال اصلحه
ماقصر كبل من ايده للجول
العليه عرفني يامشعول صفحه!
وواحد عود يتمنالك الخير
يقرالك دعاء صدرك يشرحه
أول مايروح اهلك يصخنون
الحاسد من يجيك عيونه رمحه
طيب جنت كلبي وبابي مفتوح
بالبرده بعد ما اخلي فتحه!
ولاتسألني هيج تصرف وهيج
ولاتنصحني هيج تصرف وهيج
النصيحه تكول قافل لاتنصحه
أحطلها لحن خاطر تفهمون
أحجيها انكليزي احجيها فصحى
بوجه واحد عشت ماعندي وجهين
هذا الكائن الما شاف فرحه!
هذا اليبتسم من فشله الناس
بتقاسيمه تعرفه شكثر ضحى
عوفوني رجاءا انه عاشور
دوروا عالفرح يم عيد الاضحى
**********
الشاعر يحيى العلاق
،،،،،،،،،،،،،،،،
الكاتبه jihantota
،،،،،، ،،،،،،،،،،،،،،،
احبكم اهواي
باااااااي
أنت تقرأ
تـرافـة روح 🌷🍃🌹🍁
Random" لنا قوم لو أسقيناهم العسل المصفى ما أزدادو فينا الا بغضا ولنا قوم لو قطعناهم اربا ما أزدادو فينا الا حبا" قول الامام علي ابن ابي طالب (عليه السلام)
