Snow White and the Other Side (The Evil Queen's Story)

The Evil Queen's Story

Guide:

Evil Queen

Snow White

Both

Sa tuktok ng aking trono

ang ginintuang korona sa aking ulo

nagsisilbing paalala

Na ako ang mahal na reyna

Na ako, wala nang iba pa,

Ang pinakamaganda, pinakamakapangyarihan

Pinakamahusay, pinakamamahal ng taumbayan

ngunit bakit nga ba ako'y magisa

Ngayong ako naman ang iyong prinsesang

'Sing puti ng niyebe, mga labing sing pula ng rosas

At buhok na sing itim ng uling

Masidhing humihiling sa balong malalim

Masinsing naghihintay sa magmamahal sa akin

Inggit, Hinanakit ,Poot, Galit

Oh paano na nga ba tayo nagkaganito

Nagsimula ang lahat nang ako'y magtiwala

Sa isang alipin ng salimin

Siya raw ay di kayang magsinungaling

Salamin salamin sa aking dingding

Sabihin sa akin pinakamagandang

nilikha sa iyong paningin

Oh lubos ang aking galak nang nito'y sabihin

Iyong kamahalan,tanyag ang iyong kagandahan

Bumaliktad naman aking mundo nang nito'y dugtungan

Ngunit walang hihigit sa iyong pamangkin

Na mabuti ang puso't wagas ang kabaitan

Si Snow White

Ito ang binigay na pangalan ng aking ama't ina

Bago pa man sila mawala ....

Minsan ako'y nangungulila

Sa kanilang mga yakap at pagaaruga

Ngunit ayos lang at nariyan naman ang mga kaibigang ibon

Mga ibon na lumilipad at mahal ng Diyos

Mahal. Mahal?

Tila'y nakalimutan ko na yata ang mga katagang mahal.

Kung ang tanging kaloob ng aking pamilya'y pagdusta't paghamak

Kung ang pagibig ng marami'y base sa panandaliang ganda

Lumipas ang panahon

Nagtataka kung bakit nagkaganun

Tinatanong kung bakit napuno ng ingit ang aking puso

Tinatanong kung bakit kailangan ko pang lumayo

Nais ko lang naman malaman na hindi pa lumilipas ang aking ganda

Nais ko lang naman may tumanggap sa akin na pamilya