غلطه اخي
منقوله للكاتبه طيبه سامي
لاتنسون التصويت والتعليق وتاگات
☄💗☄☄☄☄💗☄☄☄☄💗☄
هلاو اسمي ساره عمري 17 سنه
عندي اخ واحد اسمه يزن امي
وابويه توفو وعمري
3سنوات
واخويه ترك دراسته واشتغل بمحل اسواق ابويه
وعدنه بيت على گد حالنه الحمدالله
وعندي صديقة الطفوله
واكثر من اخت اسمهه نغم
يزن جان ابويه وامي ومخلاني بعازة احد
يزن...السلام عليكم ساره شوكت رجعتي من المدرسه حبيبتي
ساره...قبل ساعه شلونك
يزن...زين الحمدالله ليش متأخره
...اكلنه اني وصديقتي نغم لفات بالحانوت
مالت المدرسه
...هااا بالعافيه بس بعد لا تتأخرين
صبيلي غداا
وخلي انام وارجع للمحل على وكت
ساره...اي يا احسن اخ بهالدنيا
تدلل هسه
صبيت الأكل وكملت
حبي يزن وينك تعال صبيت الغدا
يزن...عاشت ايدج هاي خوش اكله ههههه كل فتره سويلنه منهه احبها
ساره...بالعافيه هاي من البارحه سويتهه لان خفت اتأخر ومالحگ اسوي غدا
طيبه صدگ
يزن...اي والله عاشت ايدج
ساره
تغده يزن ودخل نام واني غسلت المواعين
ودخلت درست امتحاني
كالعاده
صار العصر طلع اخويه للشغل......
يزن ...رجعت متأخر حدود الساعه 11بليل
خطيه لگيتهه نايمه ساره
بس مجهزتلي العشا ع الميز
ومغطيته تعشيت وقفلت البيت وطلعت
يم اصدقائي ننجمع يم الباب
كلنه صارت الساعه 12 رجعت للبيت دخلت غسلت وفرشت اسناني ونمت
ساره...گعدت غسلت ورتبت نفسي سلگت بيضتين ليزن
وحظرت جاي اله اني مااحب اتريگ الا بالنوادر اطلع على لحم بطني
اعرف طبيعه موحلوه
بس مااحب الريوگ ابد وصلت لباب المدرسه
شفت صديقتي نغم نزلت من سياره اجتني
گتلهه هذا منو؟
نغم ...ضليت اشاقه وياهه
هذا حبيبي حلو مو؟
موتخلين عينج عليه ولج😉
ساره...من شوكت تعرفين هالشاب وليش محاجيتلي
نغم...مااريد اگلج لان اعرفج تحسديني 😒
ساره تبتعد عن نغم ...عابتلج خليج وياه احسن من صديقتج ياحقيره
نغم..ولج تعاي تعاي اشاقه وياج والنبي
ساره اوگفي عليج القرآن
ولج هذا اخويه محمد معقوله معرفتيه
ساره...ولي نغم اني طلعت احسدج انتي
لوما انتي صديقتي
الوحيده وتعرفيني اني شنو
...والنبي اشاقه وياج ساره
...نغم مااحب هيج شقا يالله گوليلي منو هذا
نغم....لج اخويه محمد معقوله معرفتيه
