Ang Istorya sang Kabuhi ni Padre Pedro Chirino

Ang Kabuhi ni Tomas M. Claudio

TOMAS CLAUDIO Y MATEO

(Mayo 7, 1892 - Hunyo 29, 1918)

Si Tomas Claudio ang ginbun-ag sang ika 7 sang Mayo, tuig 1892 sa Morong (Parte sang Probinsya sang Rizal). Ang iya ginikanan amo anday, Gregorio Claudio, apo ni Ignacio Claudio nga nangin kapitan sa Tigbauan, Iloilo sang tuig 182 kag ang iya iloy amo si Pelagia Mateo, isa ka manugtahi.

Nagtapos sa elementarya sang Morong si Tomas. Nag eskwela man siya sa Pasig High School pero wala siya nakatapos. Nagsulod man siya sa Manila High School tubtob nga naka tapos siya. Ginkuha siya sang Bureau of Prisons bilang guwardya ukon manugbantay. Pero wala ini nagdugay tungod nadakpan siya sang iya opisyales nga naga katulog sa dis oras sang ubra kag ginpahalin sang tuig 1911.

Sang nag uso ang sakadas sang pinya kag kalamay sang tiyempo sang mga Amerikano nga halin pa guid sa tiyempo sang mga Katsila, ang mga soltero ukon mga lalaki nag urubra sa plantasyon sini. Isa sa nagpadayon diri si Tomas kag ginsaylo sa Hawaii sa plantasyon sang kalamay. Nagdugay man siya ubra sa plantasyon sa Alaska.

Nagkuha sang kurso nga Komersiyo si Tomas sang ara siya sa Nevada. Nag ubra man siya sa isa ka opisina sang Central Post Office sa Spark bilang kleriko.

Bilang PilKano, naisipan niya nga magsulod sa U.S. Army kung sa diin siya una ginbalibaran. Sa iya ikaduwa nga aplikasyon nakasulod na siya kag nangin miyembro sang 41st Division sang American Expenditionary Forces sa idalom ni Komandante John "Black Jack" Pershing sang Nobyembre 2, 1917. Gindesignar siya sa France halin sa England. Ginpa pwesto sila sa Montdidier.

Sang Hunyo 29, 1918, sang naga padayun ang Nahauna nga Gyera Pangkalibutan batok sa mga German ang mga soldado nga naga pakigbato diri ang naga padayun man gyapon sa pakig away. Sa lugar nga Chateau Thierry, France nagtapos ang kabuhi ni Tomas.

Tungod sa iya kaisog, si Tomas M. Claudio, Post 1063, ang ginhatagan sang pagtahod. Ginhatagan sang mga ngalan ang iban nga mga eskwelahan, taytay kag iban pa sa iya pangaran pareho sang Tomas Claudio Memorial Elementary School, pundahan sang tuig 1921, kag sang Tomas Claudio Colleges, sang tuig 1950 nga makit-an sa Morong, Rizal, Pilipinas.