سخرية القدر

الجزء 2

حكايتنا غدي تبدا من كاليفورنيا في إحدى الأحياء الراقية فواحد لفيلا لنايض فيها الصداع على الجهد
الأب:يزيد غدي تجمع راسك عيقتي بزاف تنقولو الدري دار عقلو هو فين طار ليك ديال بصح اليوم غادي تجمع قشك و تزيد قدامي عند دار جدك
يزيد:(صعر وبدا تغوت)أنا ماشي دري صغير إيلا نتا نسيتي أنا لا عمرني نسيتي ملي مشينا25 عام هادي و كيفاش خرجونا بحال لكلاب من هاديك الدار قسما عظما إيلا مشيت غادي نريبها فوق ريوسهم كاملين
يزيد الإدريسي 30 عام من أب مغربي و أم أمريكية شخص عصبي و عنيد أكيد متوارت العناد من الجد إلى الحفيد ،طويل و عريض عضلات مطراسيين عوينات كحلين فحال الليل تلف فيهم و مشفرين حجبان غلاض معقودين ديما اللحية مطراسية زادتو وسامة و هبة بنيتو شخصيتو القوية دكاؤو و عصبيتو خلاتو يكون رجل أعمال ناجح ماكر فعملو شرس فاجتماعاتو لعوب فلقاءتو مع الصحافة مخلي الأضواء عليه هو ..نجاحاتو المستمرة خلاتو يكسب أعداء النجاح و لكن مع شخص خبرتو كبيرة أكيد مكاينش اللعب .
أحمد الإدريسي الأب ديال يزيد 55 سنة الوسامة من عندو هو و الشيب زادو وقار هو من عائلة غنية و معروفة في المغرب سبب الصداع راجع 31 عام هادي ملي أحمد تغرم بكاميليا أو فاطمة لهي الأم ديال يزيد عيون زورق صافيين بشرة بيضاء شعر زعر و ملامحها البريئة لخلات أحمد يطيح فشباك حبها . أحمد شاب عندو 24 عام صيفطو الأب ديالو عز الدين الإدريسي لكاليفورنيا باش يكمل الدراسة ديالو في الجامعة تخصص إدارة الأعمال ، الجامعة لشهدات على قصة حب بسيطة و أسطورية الأحاسيس الجياشة و المشاعر النقية ممكن عذرية قلوبهم لخلاتهم استاجبو لمغناطيس ليجدبهم لبعضياتهم أولا الفراغ لكبير لكان فحياتهم غريب.....صديق....حبيب...رفيق الدرب...توأم الروح هادو مراحل عشقهم ، الحب لكان الثمرة ديالو يزيد ،لكن عز الدين رفض كاميليا لسلمات على يد أحمد و ولات سميتها فاطمة،كونها نصرانية أجنبية زائد تقاليد العائلة لتتبزز عليهه يتزوجو بنات البلاد،، ملي كبر يزيد و ولات فعمرو خمس سنين داه معاه أحمد لعند باه ربما يحن قلبو بشوفة حفيدو لكن هيهات لو كان لنتمناوها نلقاوها سي عز هان ولدو قدام كلشي و حرمو من الإرث و جردو من أملاكو هدشي لخلا يزيد يحقد على عائلة الأب ديالو، من مورا هادشي أحمد رجع لكاليفورنيا و حاول يتجاوز الأزمة لتمر بيها ما هو رب عائلة و لازم يكون قد المسؤولية كان خوفو تخلا عليه فاطمة كونو ولا فقير لكن الحب هنا فين تبان وقفات مع زوجها وقفة الرجال و بداو من الصفر و ف 5 سنين أسسو مقاولتهم لسماوها شمس على نور حياتهم و بنتهم الغالية شمس لضوات حياتهم من جديد و من بعد عشرين عام ولات مجموعة شركات الشمس نامبر وان في المحيط الأطلنتي كامل ...
                                                                            يتبع😊😊