ألاسمر الخائن

بداية عشق البارت السابع

اماني: صار الصبح كعدت على صوت جيرانه كعدتني ع ريوك يااا شكد عيب نمت بيتهم خل اكوم بسرعه ميينا بنتي كعدي يلا خل نروح عل بيت احضرج عل مدرسه اتريكنه لاحضت على الرجال يباع عليه نضرات مختلفه ماعرف بس اني مانزعجت منه بل عكس فرحت ماعرف ليش  ورحنه ع البيت شكرتهم عل الوكفه الوكفوها ويايه والله خوش ناس هنيالها على زوجها قابل مثل هشام عمه بعينه بس مو رجال لو يموت ما خابره ولا اسئل عليه

وسيم: كعدت الصبح غسلت وبدلت اجيت شفتها كاعده جيرانه يابه حته اسمها ماعرفه هههههه شنو جمالها خرافي ولا نقطه مكياج بوجهها العيون تلمع الشفايف يخبلن ورديات الخدود حمر ضليت صافن عليها مو بيدي شسوي ههههههه بس خفت اتلاحظ علي وخرت عيني منها وكمت ع شغل ضليت افكر بيها ياربي شسوي اني كلش عاجبتني هل مرة لازم اتقربلها اخذ رقمها شي حتلو رفضت احاول وياها وهم اساعدها زوجها ماكو

آية: صارت الظهر ان حضرت غدا وحدي جنت ضايجه كلت خل اصيح جيرانه هم اتعرف عليها اكثر هم اتقرب منها لان وحدي داضوج رحت دكيت بابهم فتحتلي الباب كتلها معزومه عندي ع الغدا

اماني: جنت كاعده وحدي ضايجه اكلب بل فيس اندك باب كمت فتحته شفت جيرانه كلتلي معزومه ع الغدا اني هم مرفضت مو علمود اكل بس ضايجه اريد اتقرب منهم ماعرف ليش قلبي يريد هشي المهم رحت عدهم صبت غده ضلينه نسولف وعرفتها على نفسي واسمي وحجيتلها قصتي كلها وقصه زواجي من هشام وانطيتها رقمي واخذت رقمها والفيس وكذا اتقربنه اكثر ويوم عن يوم كثرت زياراتنه لبعض

آية: طبعا اجت عدنه صبيت غده خلصنه غسلنه ماعين كعدنه ضلينه انسولف ونضحك عرفتها ع نفسي واسمي انطتها رقمي وهي  نطتني رقمها والفيس وباقي البرامج كلش تونست وياها وكلتلها اني وحدي انتي هم وحدج خل يوميه تعالي عندي هيه هم كلتلي تعالي عدنه المهم اتقربنه اكثر صارت صديقتي تقريبا

تسريع احداث تقريبا بعد شهر

وسيم: مرت الايام وكثرت زيارات جارتنه اماني وصارت صديقه آية واتقربت الها اكثر صار بيناتنه شقه وكل جمعه اطلعهم هيه وبنتها ويانه اني وآية وكلما اشوفها اصير مثل المخبل ماعرف ليش شنو هاذ حب او شهوة لو شنو مافتهم آية اتغيرت ويايه صارت تهتم بيه بس ليش مدتملي عيني ؟ مع انو اني متزوجها عن حب وبعدني احبها شنو داحب شخصين بنفس الوقت مدافهم شنو الي اريده بل ضبط مداسيطر على نفسي ابد اريد احاجيها اعترفلها بحبي الها بس ياترا هاذ حب لو لا لان اني احب آية شلون يصير هيج شي شخصين بنفس الوقت

آماني: مرت الايام وهشام يجي عل بيت يضل يومين ويروح ومرات اسبوعين مانشوفه او اكثر اني اتعودت على هشي بس الكعده ويه آية نستني كل هل هموم كمت اطلع وياهم سوه كل جمعه وواحد يروح للثاني صرت كلش قريبه منهم حته شقه وميانه صارت بيني وبين وسيم بس ياربي ليش كل ماشوفه قلبي يوجعني واحس باحساس غريب شنو اني داحبه معقوله لان كلش تعلقت بي كمت اهتم لنفسي ولشكلي وحركاتي كدامه احاول الفت نظره الي دائما بس اتراجع من اشوفه ويه مرته لان احس يحبها ونفس وقت احسدها عليه بس اني ما اكرهها ال آية ليش اضوج من اشوفهم سوه شبيه ياربي مو حاله هاي لازم اسيطر على نفسي وانسه هلشي لان اكيد يحب مرته ممعقوله حيحبني

شتتوقعون؟ وسيم راح يعترف ال اماني بحبه لو لا وياترى هاذ حب لو مجرد شهوه لان هوه يحب آية بنفس الوقت

صوتوووو حته انزل البارت الثامن اليووم واذا صارلي مجال التاسع والعاشر هم انزله 🤩🤩🤩