قلب امتلك القسوه و لكن

جزء ١

الفصل الاول

قلب أمتلك القسوة ولكن

في ڤيلا عثمان الالفي

تنزل فتاه تشبه الملائكه من علي الدرج وهي مبسوطه وتنادي علي والدها بصوتها العالي

فاطمه بمشاكسه : صباح الخير عليك يا احلي بابا...... احلي صباح ده ولا ايه....

عثمان بضحك علي مرح ابنته : حبيبت بابا انتي....... صبااح النور يا حبيبتي......

راحت فاطمه ناحية والدها وباست كف يده بحب

سهير وهي تمثل الحزن : ايوة ايوة........ يعني تصبحي علي باباكي وانا كأني مش موجودة........ يا خسارة.....ما انتي حبيبت بابا

فاطمه بصتلها بابتسامه وجريت عليها وحضنتها بحب

فاطمه بابتسامه : وهو انا اقدر برضه يا سوسو.......دا انتي اللي في القلب برضه

سهير بضحك علي مشاكسه ابنتها : ايوه ايوه ما هو باين كلي بعقلي حلوة بقا عشان عارفه مبقدرش ازعل منك

فاطمه بضحك : قلبك ابيض يا كبير

سهير بابتسامه : ربنا يديم الابتسامه ديه علي وشك علطول يا حبيبتي

فاطمه : حبيبتي يا سوسو........ يخليكي ليااا ياارب وبعد كده راحت قعدت علي كرسيها ليبدءو فطورهم ولكن اوقفهم صوت ابنتهم سارة

سارة بضحك : ايه يا حاجه عثمان...... هو انت والحاجه سوسو نسيتوني ولا ايه.......... يعني مش المفروض تكلفي نفسك وتطلعي تصحيني كده يا سوسو

سهير بضحك :  لا وانتي الصادقه......... دا انتي بتطلعي عيني وفي الاخر ما بتصحيش........ دا ربنا يعين اللي هيتجوزك

سارة بفخر : دا هتبقا امه دعيالله

فاطمه بضحك :  قصدك هتكون داعيه عليه ....... دا احتمال يتجنن من افعالك

سارة بغيظ: هيهيهي ....... خفه والله

عثمان : يابنتي اهدي بقا واقعدي افطري........ بطلي كلام هتتأخر علي جامعتك

سارة بمرح : حااضر يا مزي انت......  وانت حلو النهاردة كده......  والله لو مكنتش انت ابويا كنت طلقتك من الاخت سهير واتجوزتك

عثمان بضحك : بكاشه اووي انتي...... كلي وانتي ساكته بدل ما امك تيجي تعلقك

سارة بضحك : لا يا حاج علي ايه انا هسكت احسن

وبعد حوالي ١٠ دقائق كانت فاطمه خلصت فطورها وبتستعد للذهاب لجامعتها

فاطمه وهي بتقوم من علي سفرة الفطور

فاطمه بابتسامه : انا همشي انا بقا عشان متأخرش ......... تأمرني بحاجه يا قمري انت

عثمان بابتسامه : لا ياحبيبتي الامر لله وحده....... خلي بالك من نفسك يا حبيبتي