قلب امتلك القسوه و لكن

جزء ٤

الفصل الرابع

قلب أمتلك القسوة ولكن

في صباح يوم جديد

عند حازم في الشغل

حازم بغضب : انت بتقول ايه

الضابط : والله يا فندم هو ده اللي حصل

حازم بعصبيه : ترقبوه تاني ومش عاوزكم ترجعوا  الا لما يكون موجود معاكم انتم فاهمين...... وكان بيتكلم وهو غاضب كثيرا

الضابط بخوف : تمام يا فندم

حازم بغضب : اتفضل امشي....... ومش عاوز الرائد سليم يعرف بأي حاجه من الموضوع ده

الضابط بتوتر : حاضر يا فندم........ وبعد كده ضرب تحية السلام

وبعد كده حازم قعد علي مكتبه وهو متعصب

وبعد حوالي ربع ساعه دخل عليه سليم وهو باين عليه الابتسامه السعيدة

سليم : مالك يا حازم سرحان في ايه

حازم بتعب : مفيش حاجه ولا سرحان ولا حاجه

سليم بشك : متأكد ان مفيش حاجه

حازم بجديه : يا بني مفيش حاجه والله .......متقلقش وبعدين كمل كلامه : اومال انت ايه اللي غير حالك كده ......حسك باين عليك الفرحه النهاردة يعني .........مشوفتكش مبسوط زي دلوقتي

سليم قعد علي الكرسي المجاور له وهو يقول بمكر : خلاص يا حازم قريب اوووووي هنتقم لحق ابويا وقلبي يستريح ........مرحلة الانتقام هتبدأ وتنتهي في اقرب وقت

حازم بجديه : انت عملت ايه بالظبط يا سليم ........ مبقتش استريح لتصرفاتك يا سيادة الرائد وكمل كلامه الاخير له بسخريه

سليم وهو يعتدل في جلسته : انا قابلت والدها امبارح واتعرفت عليه وعازمني انا والدتي وليلي عنده علي الغداء يوم الجمعه

حازم بعدم فهم :  والد مين بالظبط ..

سليم بضحكه خفيفه : والد فاطمه اللي ودتها المستشفي ....... انا كده خلاص استريحت ولقيت للي كان السبب في موت بابا الله يرحمه

حازم بانفعال : انت اتجننت يا سليم ......عاوز تنتقم من بنت عشان خاطر حاجه او معلومه جتلك غلط عن باباها يبقا كده هو السبب......... فيه ايه يا سيادة الرائد انتقامك عماك للدرجادي وخليك تنتقم من بنت ملهاش ذنب

سليم قام وخبط علي المكتب وهو يقول بغضب : ذنبها انها بتكون بنته ....... انا عاوزه قلبه يوجعه علي بنته كده زي ما وجع قلبنا انا وامي واختي علي ابويا ........ موت ابويا كسرني وقررت اني اجتهد في الثانويه وابقا ضابط عشان انتقم

حازم بانفعال هو الاخر : انت كده بتغلط جامد يا سيادة الرائد وبكرا هتندم اوووي علي اللي انتي عملته ده ....... هتندم اووووي يا سليم في وقت مينفعش فيه الندم ......وبعد كده سابه ومشي وهو غضبان من تفاعلات صديقه وتهوره