اﻵم الماضي

البارت1

اول شي اعرفكم بنفسي..اسمي لجين بدت معاناتي واني عمري14سنه من ميسان...لكن عايشه بكربلاء..عائلتي تتكون من..ماما..بابا..اخواني اثنين واحد موسى عمره17 وواحد حسين عمره12 واختي نورس عمرها18
...........

لجين:...اووف باجر وراي كعده من الصبح ودوام..وبعدني ممترجمه انكليزي...ماماا..شنو العشه جوعانه..

الام:..بيتزا..

موسى:..هاا قرووده ماتدرسين..

لجين:..معليك بيك خير انجح..

موسى:..عالاقل مطلعت دور ثاني لو اذكرج😉

لجين:...ماماااا صيحي بموسى..ميخليني ادرس..

الام:..ولك خليه تقره شلون بيك..

لجين:..درست الاكدرله والباقي عفته جان مستواي الدراسي وسط..ع كد النجاج علمود مايروح واهسي بالدراسه...بالسادس اعدادي كلت اذب كل حيلي واطلع صيدله اذا الله راد...

ثاني يوم كعدت الصبح بدلت ولبست شالي..ما اتريك ابد بس اخذ مصروف للمدرسه..

لجين:..هلا صباح الشر..

نورهان:..عابت من الصباحيات وتدورين شر..

لجين:..شرير مو بيدي😂

نورهان:..ايي شوكت تزوجين يخيه..

لجين:..متانيتج تزوجين يلا اتزوج...لج كاعده ع كلبج..شوكت ماتزوج بكيفي...

نورهان:..غير تكعد نانسي عجرم ع اساس الولد مسطرين بره يردون يخطبوج..

لجين:..هسه انتي شعليج ليش مضغوطه يول..

نورهان:..دكافي سوالف وتعاي حليتي رياضيات..

ضلينه نسولف لحد مدك الجرس..

لجين:..جانت اقرب صديقه الي نورهان مجنت متوقعه يوم تخوني..لكن...

نورهان:..اكولج هسه انتي عليش تقرين للامتحان..اني افتحلج ورقتي..

لجين:..ايي ولله همزين مالي خلك ادرس فديتج..

نورهان:..اوك لعد باجر نلتقي..

لجين:..باي حبي..

وصدك ثاني يوم داومت غشيت من نورهان..

لجين:..شكرا حبيبتي لان غششتيني منج..

نورهان:..ادللي شعندي غيرج اخلف اجيب..😂

لجين:..ايي عندج نسيتي مسلم😂

نورهان:..اووع هم مسلم تره هو يزحفلي اني ولا مفكره بي..

لجين:.ايي صحيح صدكت..

نورهان:..دنجبي لج نسيتي مصطفى😉

لجين:..معليج بي يلا😂

نورهان:..غارت غارت

لجين:..تنلصمين لو اكوم..

نورهان:..كومي🌚

لجين:..دنجبي وسكتي تعبانه من وره هاي تغريدو كلما تجي لازم تنهي الدرس برزاله..

نورهان:..اي ولله..

لجين:. مرت الايام بس نورهان ابتعدت عني.. واتغيرت هواي..والمدرسات نضرتهن اختلفت الي..لحد ما عرفت نورهان رايحه للمرشده مالتنه وكايلتله لجين تنقل مني..عالحاضر..كوميني من يمه..

هواي اتأذيت من سمعت هيج مسويه وشكد بجيت وانقهرت..بس كلت تبقه صديقتي..وسامحته..بس يبقه الالم بالكلب محد يحس بي..

نجحت للثالث متوسط وبدت العطله..مجنت متوقعه يوم راح احب شخص..

جان عدنه عرس مال كرايبنه..بالقاعه من ساعه 7 ل12..جانو كرايبنه منفتحين سبورت حفلاتنه مختلطه وكولشي عادي..

حضرنه نفسنه ورحنه للقاعه..كالعاده المكياج اهم شي😂..بس اني ماخلي هواي طبيعي..بالبدايه جانت الحفله بس بنات بس بعدين كالو حيجون الولد رحنه بدلنه ولبسنه مستور ..وطلعنه فجنت واكفه ورفعت راسي جان اشوف ابن خالي صافن عليه بعدين انتبه لنفسه دار وجهه دار اتلبك اني هم رحت لغرفة التبديل استحيت..

كملنه الحفله ورجعنه بس نضراته بقت ببالي..والف سؤال يجي ليش باوعلي وشنو سبب..دخت لحد منمت ثاني يوم داومت سولفت لصديقاتي كالن عادي يمعوده وماهتمن للموضوع..بس اني هواي اتأثرت بنضراته لدرجة بقيت7اشهر..ما يوم نمت واني ممفكره بيه ومن نلتقي بكرايبنه اشوفه ممهتملي ابد...مرت الايام وحبه يوم عن يوم يزيد...قرت اعترفله وشيصير خل يصير..دزيتله رساله..يسر ممكن احجي وياك..

يسر:..هلا لجين...

هذه اول اخطأي لان كان اعجاب مراهقه مو اكثر..تصرف طفولي ..وغبي مني..

يتبع...