كرونيك بعنوان:💞 اعشقك💞

💕البارت01💕

مساااؤوووو كشروووودات كرونيك جديده تلمووووو وتفااااعلووووو😘
منقولة
أعشقكِ 😘💜
الحلقة 1
سلام انا صافية عندي 24 سنة يتيمة الام والاب
عندي ختي (نور) وخويا (مهدي) متزوجن مهدي عندو بنوتة صغرونة اسمها (اسيا) وختي بلحمل حكايتي
بدات من كان عندي 18 سنة جوزت الباك مجبتوش حبست لقراية بعد وفاة اهلي تحطمت وقررت نحبس رحت قعدة عند ختي (نور) وراجلها رحت ليها رحبت بيا غير تسايس فيا علبالها متاثرة من الحادثة ومزالني مشوكية (للعلم اهلي ماتو اكسيدون) وجدتلي شمبرة وحدي الله الله كفاه تهبل 💜
دخلت للشمبرة تاعي نحيت قشي وترميت فوق سرير تفكرة يماا مي عفست علي قلبي وشديت دمعة رقدة غدوة صباح ندت فطرة وعاونت ختي ف قضيان دار يعني روتين يومي 😂😂😂👌👌
فاتو 5 شهر وانا علي هاذ الحالة نخرج مع ختي ندورو نحي علي خاطري شوية
خطرة عيطلي خويا قالي ارواحي ريحي عندي مدة منها تبدلي الجو قاتلي
نور: روحي واش فيها مي اذا مريحتيش عندهم ولا تقلقتي عيطيلي نجي نديك
انا: اكي
(للعلم خاوتي ميسكنوش فنفس بلاصة ختي تسكن فـAlge وخويا ف قالمة يخدم تماك ) ايا جاء خويا داني معاه رحت وطريق كاملة وانا دايرة كيت نسمع فغناء وندندن معاه 😂😂 نغنيلكم لحبيتو
وصلنا لدار خويا رحبت بيا مرتو
رحاب: يااعمري شحال توحشتك صفصوفتي علاه مدوريش كامل متجيناش
انا : ههه حتي انا توحشتك
دخلت حطيت قشي شربت ماء ريحت شويا
كانو يسكنو ف بااطيمة
كان عندهم شوية ديق بصح الزهوة عندهم تهبل
لحق وقت العشاء قعدنا فوق طابلة طبطب الباب نطقت مرت خويا
رحاب: اااي هاذا ميكون غير ادهم
انا:شكون ادهم هااذا
مهدي: خوها
انا:ااه
جات مرت خويا رايحة تحل الباب قتلها
انا: ريحي نروح انا نحل
رحت حليت الباب ويقابلني وحد البقلاووووة يمااااااامي عسل عسل (مع انو ختو مش كامل تشبهلو بصح معليش 😂😂 المهم عندهم في عايلتهم كيما هك بقلاوة)
نوصفولكم ادهم طفل في 20 من عمرو اسمر وعينين خضر طويل و لحية خفيفة واطاي تهبل اي طفلة تتمنا حنونها هاكا
انا: تفضل شكون تسحق
ادهم: نتي لي شكون هاذي دار ختي
انا: هاهاهاها سامط وانا هاذي دار خويا
جات رحاب
رحاب: يااا ادهم تفضل علاه واقف برا
دخل وقعدنا كلنا في طابلة وحدة راح نتعشاو
انا:حمدلله شبعت بصحتكم جيت نايضة كامل قلولي يسلمك الا ذاك السامط
انا:(في قلبي) ببففففف يخي جايح حتي ميعرفش يرد 😡😡
جايح بصح شباب