"Para pala sa'yo Seith" Nakangiting sabi ni Jerson sa akin habang inaabot sa akin ang isang bouqet ng rosas.
"Bakit mo ako binibigyan nang ganyan?" Tanong ko
"Kasi Gusto kita" Sagot naman niya
"Okay., Salamat"
Nandito kami ngayon sa classroom naghihintay na dumating yung mga kaklase namin na nahuli sa amin. Nauna kami dito kasi sabi niya may importante siyang sasabihin. Ito pala iyon.
Maya-maya ay nagsidatingan na nga ang aming mga kaklase. At hindi nakatakas sa paningin ko ang mapanuring mata ng best friend ko.
"Uy! Ano yan?" Tanong ni Rechel sa akin nang nakalapit na siya akin.
"Ha? Ito ba?" Tanong ko sabay turo sa bulaklak na binigay ni Jerson sa akin kanina.
"Kanino galing yan?"
"Kay Jerson"
Agad naman siyang napatingin sa gawi ni Jerson na ngayon ay nakikipag usap na sa tropa niya.
"Nanliligaw ba siya sa'yo?" Kuryoso niyang tanong.
"Ewan? Wala naman siyang sinabi"
Tinantanan din ako sa wakas ni Rechel ng pumasok na ang aming adviser.
"Free ka ba bukas?" Tanong ni Jerson sa akin pagkatapos kaming ma dismissed sa huling subject namin ngayong araw.
"Bakit?"
"Pwede ba kitang ayain lumabas?"
"Sure! Free ako before lunch may gagawin pa kasi kami ni Mama."
"Okay. I'll text you the details nalang"
"Okay. Bye!"
Ganun ang naging eksena namin ni Jerson sa nakalipas na tatlong buwan. Inamin niya rin sa akin na nanliligaw siya. Nagpakilala na nga siya Kay Mama at Papa eh. Hatid-sundo niya ako araw-araw at sabay din naming ginagawa niyong mga project namin tuwing sabado at sabay naman kaming nagsisimba tuwing linggo.
Alam ko sa sarili ko na Mahal ko na si Jerson kaya balak sagutin sa bukas. Nakangiti akong pumasok say classroom at dumiretso agad sa upuan ko na katabi ni Jerson. Oo magkatabi na kami simula noong nanligaw siya sa akin. Agad ko namang sinulyapan si Jerson kasi nakita kong nakayuko lamang siya.
"Uy! Anyare sa yo?" Tanong ko sabay kalabit sa kanya.
Agad naman siyang tumingin sa akin
"Ha? Wala. Sorry pala at hindi Kita nahatid kanina." Sabi niya sabay ngiti sa akin
"Ano ka ba. Okay lang yun. Di naman problema sa akin yun." Sabay ngiti ko sa kanya.
Pagkatapos kong sabihin yun ay bigla na lang siyang tumungo at hindi na umimik pa. Itinaas niya lang muli yung tingin niya nang dumating na si Ma'am Liezel.
Nang nag dismissal na. Ay nakita ko ang mabilis na pagliligpit ni Jerson sa gamit niya. Ni hindi man lang siya nagpaalam na uuwi na siya. Dali-dali siyang tumakbo palabas ng classroom.
"Anyare sa manliligaw mo?" Kuryusong tanong ni Rechel sa akin.
"Ewan ko dun. Baka may pinabibili yung Mommy niya" Kalmado kong sagot kay Rechel kahit na ako ay nabahala rin sa kilos ni Jerson.
Simula ng araw na iyon ay nagbago na yung tungo sa akin ni Jerson sobrang cold na niya sa akin at halos hindi na rin siya nag rereply sa mga text ko. Saturday ngayon kaya balak ko siyang ayain lumabas dahil sasagutin ko na siya.
"Are you free this day?" Msg sent!
After 5 minutes ay nagreply siya
"Yes. Why?" Tipid niyang reply
"Pwede ba tayong magkita? May importante akong sasabihin"
"Sige. May sasabihin rin ako."
"Okay. Magkita tayo sa Starbucks. 1pm."
Pagkatapos kong masend iyon ay hindi na siya nagreply pa. Kesa mag isip nang kung ano-anong bagay ay nag prepare nalang ako para mamaya. Pasado alas diyes na kasi.
12:30 pm palang pero nandito na ako sa meeting place namin. Ayoko kasing maghintay siya nang matagal sa akin.
Maya-maya lang ang nakita ko siyang pumasok. Nakangiti pa akong nakatingin sa kanya ngunit agad din iyong nawala ng makita ko ang nakabusangot niyang mukha. Hinintay kong makalapit siya bago ko siya hinalikan sa pisnge.
