بَياعِين الصبْر

لقائلها~

- هاا يازينب عملتي إيه ؟؟
= لقيتلك شغل خلاص في الشركة اللي أنا شغالة فيها
- بتتكلمي بجد ؟!!
= ااه والله ، ومش أي وظيفة ..هتبقي سكرتيرة المدير ، السكرتيرة القديمة إستقالت عشان هتتجوز وكانوا بيدوروا علي سكرتيرة وقولتلهم عليكِ والمدير وافق تيجي ويعمل معاكِ إنترفيو ويشوفك وأنا متفائلة إنه هيختارك ، وأصلاً المدير عندنا طيب وبيراعي ظروف الناس ..يعني ممكن لما يعرف ظروفك يشغلك أصلاً من غير إنترفيو
- أنا مش هشتغل شفقة يازينب
= هدير أنا مش قصدي والله ، أنا بس ..
- مقاطعاً : خلاص ، أنا عارفة قصدك إيه ومش زعلانة
= طيب المفروض تيجي هنا إسكندرية علي آخر الأسبوع عشان يوم الحد تنزلي الشغل ، وهتيجي تقعدي عندي
- تاني يازينب ، مش إتكلمنا في الموضوع دة كتير
= مانا مش هسيبك تقعدي في أوتيل لوحدك ، وبعدين انتي عارفة ..انا وماما عايشين لوحدنا وأنا قولت لماما وهي موافقة جدا تيجي تقعدي معانا ، وبعدين أنا ماليش أخوات ياهدير عايزاكي تكوني جمبي ونعيش سوا ..عايزة أقرب منك أكتر وأعرفك وتعرفيني ..ماتوافقي بقاا
- بإبتسامة : ماشي ياست زينب ، هكون عندك إن شاء الله يوم الجمعة
= اشطاا جدا ، هستناكي
- يلا سلام

"" طيبة أووي زينب ..من أحسن الناس اللي قابلتها في حياتي ، هي من إسكندرية وأنا من القاهرة ..إتعرفنا علي بعض من حوالي سنة عالفيس ، وفي فترة صغيرة بقينا صُحاب جدا ..من حوالي تلت شهور بابا وماما عملوا حادثة وماتوا 💔 ..مهما حكيت عن الوجع اللي جوايا مش هقدر أوصفه ، ماكنش لياا غيرهم في الدنيا ..حتي اللي كان ممكن يكون لياا سند في وقت زي دة ..راح 💔 ، بما إني بقيت لوحدي كان لازم أدور علي شغل وزينب ساعدتني الحقيقة وبما إني هشتغل في إسكندرية فدا هيخليني أنقل إقامتي هناك ..""

- وحشتيني وحشتيني وحشتينااااااي
= بضحك : إنتي كمان وحشتيني جدا يازينب ، دا إنتي طلعتي قمر أهو
- بضحك : نيجي إحنا جمبك إييه بس ، ماتتصوريش فرحتي بيكي عاملة إزاااي ..مش مصدقة أصلا إن إحنا هنعيش مع بعض
= لا صدقي ياحبيبتي ، هنعيش مع بعض كدة لحد ماأجوزك إن شاء الله وبعدين أفلسع أنا
- بضحك : وإفرضي إتجوزتي إنتي الأول ؟!

"" أتجوز ؟!! ...ههههههههههههه ""

= لا من الناحية دي إتطمني ، أنا مش هتجوز ..قفلت الصفحة دي ومش هافتحها تاني
- بإرتباك وتوتر : هدير ..أنا يمكن مااعرفش حصلك إيه مع خطيبك خلاكوا تسيبوا بعض ، بس دا مش نهاية العالم
= مايمكن عشان ماتعرفيش بتقولي كدة

"" اللي داق الوجع مش زي اللي حسه ، الفعل بيبقي صعب علي اللي داق وبيبقي سهل علي اللي حسه ..ياريت الموضوع زي مابتقول زينب كُنا مخطوبين وسيبنا بعض ..لكن دا دبحني ومشي ، وسابني بجري أدور علي أي حاجة أسد بيها الجرح ومالقتش ولسة بدور ولسة مالقتش  .
تاني يوم زينب خدتني فسحتني في إسكندرية وورتني أماكن ماشوفتهاش قبل كدة ..بجد إيه دة !!!!؟ إزاي ماجتش أعيش هنا من زمان !!!! ..وقعت في غرامها من أول يوم وخصوصا بحرها ، تاني يوم بقاا كنا مستعدين عشان ننزل الشغل ..كنت متوترة شوية بس زينب كانت بتهديني وبتقولي إن المدير كويس وطيب جدا ودا كان بيقلل من توتري كتير ..""