ساره.. باوعت عليه والتفتت جان اتشوف جود منتجي على السياره ويضحك على نضراته الكله شراره وغضب
مينا.. ابتسمت وباوعت عليه رحت عليه وحضنته والبنات يباوعون علينه
بنيه.. هاي شنو مو عساس مينا منعزله ومتحب لعد هاي شنو
مينا.. سمعته وضجت باوعت عليه كتله لج هذا مو حبيبي هذا اخويه ياثوله وإني ما احب ولد غير بس اخواني فتهمتي
ساره.. يله مينا ما علينه بهيج بشر جريته من ايديه وصعدنه بسياره
مينا.. وديني الاستاذ ايمن جود
جود.. استاذ أيمن خابرني وكال راح اروح لأربيل
ساره.. صدك لعد نسيت يله عادي
جود.. صاير بيج فقدان ذاكره المهم ميمي اليوم راح يجون اهل زينب
مينا.. واحنه شعلينه
جود.. يعني اليوم تجاهليه
مينا.. اوك
وصلنه ساره البيته ورحنه لبيتنا طبيت ولا كأنه اكو احد جان بابا كاعد وزينب بصفه وحاط ايده على جتفه صعدت الغرفه احمد وتجاهلتهم شفت هاشم كاعد يم احمد هاي شنو الحلوين كلهم اهنا
احمد.. هه روحي بدلي ملابس وتعلي يمنه
مينا.. اوك رحت الغرفتي لبست ملابسي مال بيت واسمع صوت زينب تحجي ويه اهله ابع طلبت الغرفه احمد وكعدت بصفه
احمد.. اشبي الحلو معبس
مينا.. اجوي اهل زينب
احمد.. امشي بدلي خلي اوديج يم ساره
مينا.. ليش ؟؟
احمد.. اني ادري شتربد اتسوي أتريد اتسويج خدامه الاهله
مينا.. اوك رحت الغرفتي وبدلت لبست بنطرون وبلوز وشلت شعري ذيل احصان هيج يسمو ونزلنه اني واحمد
زينب.. وين رايحين تباوع علينه ومخنزره طبعا كلش ضجت ومتحمل نضرته
مينا.. سمعي لج نزلي اعيونج لا ابكهن بعياط وعصبيه
زينب.. لج هاي ويامن دتحجين بعصبيه
مينا.. وياج قابل ويه الحيطان
احمد طلع ديسوي السياره وإني جنت دا اجيب تلفوني
زينب.. رادت تضربني راشدي لزمته ابديه
مينا.. هه ترا اني مو هينه والله احذرج مني
ام زينب.. لج يا قليله أدب عوفي ايد بتي امج معرفت تربيج
مينا.. اني اهنا انشعلت نار دفعت زينب خليته توكع بالكاع هه اني قليله أدب لو بتج الي جلبت بأبويه وهي تدري انو بابا متزوج وثانية لتحدين على امي بسبب بتج التافه خسرت حنان امي الي انحرمت منه اسنين مو بس حنان امي وحنان بابا هم بعياط وعصبيه ودموعي تنزل
احمد.. سمعت العياط وطبيت اركض شفت مينا تبجي باوعت عليهم نضرت غضب وشراره تطلع من عيوني اول مره اشوف اختي تبجي زينب خافت سكتت وباوعت على امه
ام زينب.. نزل اعيونك لك لا اجي افكسهن بعياط
نزلو جود وهاشم بسرعه على صوت العياط
جود.. باوعت على اختي تبجي ضجت وناضرته نضره احتقار
ام زينب.. لك انته ثاني لتباوعلي هيج
جود.. راح احترمج لان جبيرة والله اول مره اشوف اختي تبجي بسبب انسان تافه
هاشم.. يلا برا برا بعياط
ام زينب.. لا والله مطالعا منا انت الاطلعو يا ادب سزيه
زينب.. اي برا يله ماعندي حثالة بيتي
