اضعت ربيع عمري

بارت الاول

وبطلة قصتي #جنة
نتعرف ع ابطال القصة
جنة محمد ،،هيه من القوميه التركمانيه، ،،،من مواليد 1986 مواصفاتها تشبه لميس الممثلة التركية البنت الوحيدة للعائلة ماعدها خوات وعندها 3 اخوان عامر وحازم ومحمود .. عامر من مواليد 1987 وحازم من مواليد 1992 ومحمود من مواليد 1997

نجي ع البطل #قاسم يصير حماها لخالة جنة مواليد 73 مواصفاته يشبه الممثل التركي اسمر ..
ونجي ع البطل الثالث #امجد جوارين بيت جنة مواليد 82 يشبه الممثل التركي مراد يلدريم

جنة ... خلوني احجيلكم قصتي من جنت طفلة جان عمري 7سنوات وجان لازم اتسجل بالمدرسه بس ماسجلتني امي اخرتني سنه الئ ان ابويه حجه عليها وعصب عليها يله قبلت يسجلوني بالمدرسه بعمر 8سنوات يعني فات سنتين من عمري .........
جنت طايرة من الفرح لان جنت احب المدرسه والدراسه وداومت جنت فرحانه حيل اول مرة البس صدرية وابويه اشترالي جنطة وجلدت كتبي وخليتهن بلجنطة جنت من الليل احظر جنطتي وملابسي وقراصتي اخليهم بصفي وانام من الفرحة وجنت دوم انام بقلق لان جنت اخاف امي ترجع بكلامها وتبطلني من المدرسة لان جانت عصبية ومزاجية جنت انام بقلق واخاف اتاخر ماتكعدني ....
جنت يوميه اكعد من النوم من وكت اسبح والبس ملابسي ......وامشط شعري كله اسويها بنفسي مااكعد احد وجنت مااطلع صوت اني الوحيدة جنت اروح للمدرسة

لان بوكتها اخوية عامر الي هو اصغر مني بسنه بعده مامسجلين بالمدرسة وايضا حازم بعده اصغير واخوية محمود الي هو اصغر واحد بينا جان بعده ماجاي للدنيا جنت يوميه اروح وارجع لمدرسه وحدي

واطلع من البيت بدون اكل واروح للمدرسة وارجع ميته تعب وجوع جنت حيييل شاطرة جنت دائما يختاروني قدوة لصف ويخلولي شريط احمر مال شطارة

جنت اطير من الفرح طبعا جنت اقراء وحدي ..امي عمرها مالزمت كتبي ودفاتري وحتئ من جنت اخذ النتيجة جنت اني اوقع عليها جانوا مايهتمون بيه ...

وحتئ ع مجلس الاباء ماجانوا يحظرون وبعدها وصلت لصف السادس ابتدائي امتحنت الامتحان اخر السنه واني جنت متاكدة من نتيجتي انو اني ناجحة

وفعلا ورة فترة رحت استلمت النتيجة معلمتي انطتني الشهادة كالت جنة ديري بالج تبطلبين من المدرسة انتي ناجحة وطلعتي اولئ ع المدرسة ....وهاي نتيجة كلها 100 من 100 وهاج اخذي الاستمارة مالتج قدميها ع المرحلة المتوسطة وكالت لاتبطلين ترئ حرامات ....انتي شاطرة حيل كلت لاست شنو ابطل غير اموت لان احب الدراسة اعشقها .....موبس احبها اخذت شهادتي ورجعت للبيت وبيدي فايل الاستمارة حتئ اقدمه لمرحلة المتوسطة جنت فرحانه وامشي واضحك واركص من الفرحه واني بالشارع هههههه جنت من الفرحة ماحاسة اني بالشارع وصلت للبيت جانت دنيا العصر كلت لابوية وامي باركولي نجحت
امي ..يعني شنو واذا نجحتي شنو يعني اول وتالي راح تكعدين بالبيت
جنة ..لاليش اكعد راح اقدم للمتوسطة واني حلمي اصير معلمة ولازم احقق حلمي
امي ..بلا حلم وبلا بطيخ ماكو مدرسة هاي هية وصلتي لسادس واتعلمتي كتابة وقراية كافي بعد شتسوين بالمدرسة وماعدنا بنات يمشون بالشوارع .. خلصتي سادس كافي مدرسة بعد ماكو ..اني هسه حامل ولازم تكعدين بالبيت وتساعديني
جنة ..جنت مصدومة من كلامهم طبعا اني من صغري هادئة ما اعاند ولااحجي ولاادافع ع نفسي خوافة ومصدومة من كلامهم ومقهورة ......والدمعه تلمع بعيوني باوعت ع ابوية لان هو الوحيد يحبني ويدللني جان ينطيني فلوس بالبسكوت من ورة امي لان امي بخيلة وماتقبل ينطيني .....
باوعت ع ابوية كلت بابا انت تقبل ابطل من المدرسة
بابا ..اي بنتي امج محتاجتج كعدي يمها هي ماتكدر تتحرك ولازم اتداريها..
جنة ..دنكت راسي بخيبة امل خنكتني العبرة ..طبعا امي تتمرض بالحمل واني انهاريت بالبجي كمت اتوسل وابجي وابوس ايدهم حتئ مايبطلوني كلت والله ماقصر ويه امي والبيت بس لاتبطلوني والله ما اترك اي شغل بالبيت اطبخ اغسل وانظف واروح الدوام طبعا اني امي علمتني ع شغل البيت من جنت عمري 7سنوات كلت والله اخلص شغلي واروح لدوام كالوا كافي حجي وعناد ماكو دوام وخلص خليت عمامي وعماتي يحجون وياهم بس ماكو ما اقتنعوا بكلامهم وما يسمعون لاي احد .......طبعا اني عمامي مايصير الهم اطفال واني الوحيدة اجيت اول وحدة بالعائلة عمامي جانوا يحبوني حيل توسلت بعمي كلت عمو الله يخليك قنع ماما وبابا يخلوني ادوام
والله اموت اذا يبطلوني
عمي ..والله بنتي حجيت هوايه ويه ابوج ماكو لان امج مسيطرة ع ابوج مع الاسف مابيدي شي خلص ايسي بنتي الج الله امج تريدج خدامة جوة ايدها لان هي بلا قلب قاسية حيل
جنة ..رحت لغرفتي وسديت الباب وكمت اناشغ وروحي طلعت حسيتها لان اهلي حرموني من حلم عمري وهدموا مستقبلي كرفصت نفسي وكعدت ابجي من شفت حلم عمري يتحطم كدامي وماكدر اسوي شي .. للاسف امي مو حنونه وحيل قاسية طبعا جنت اكعد دوم احجي ويانفسي اكول بلة اني شنو شفت من امي لاحب ولاحنان ولاحظن جنت دوم تخوفني وتعصب علية بحياتها ماتشاقت ويايه ولاضحكت بوجهي واني بطلت من المدرسة كعدت بالبيت الحلم الوحيد دراستي وانحرمت منها وبعدها اجه اخوية الصغير محمود للدنيا وامي جانت تنام وتخليني اسهر عليه ومانام  جانت تكلي كعدي يم اخوج ماريد اسمع صوته لاتخلي يبجي جنت مثل الام اله جنت دوم اسويله حليب واغيرله واغير ملابسه واغسله واطبخ بالبيت وحتى كمت اخبز بالبيت وصار البيت من مسؤوليتي جان عمري بوكتها 12سنة دوم امي جانت تعاملني مثل الخدامة هي جانت تكشخ وتلبس احلئ ملابس وتتطلع واني محبوسة بالبيت واخواني 3صاروا بركبتي فد يوم من الايام جدتي تمرضت ام امي يعني راحو يمها واني بقيت بالبيت ويه اخواني كمت نظفت البيت ....وطبخت الهم انطيت الاكل لاخواني ونومتهم جنت كاعدة وحدي اباوع ع تلفزيون ....سمعت صوت الباب يندك طلعت شفت بنت عمي صابرين طبعا هي موبنت عمي بس عمي جاب بنت اخت زوجته ورباها هي اصغر مني بسنه ف شفت بنت عمي اتدك الباب فتحت الها وكالت تعالي نكعد بلطرمة اشويه والله ضوجة كلت لااخاف امي ترجع وتشوفني واخواني جوة نايمين كلت ماشي نكعد اشويه واني هم ضايجة ومخنوكة
صابرين ..ليش اشبيج ؟
جنة ..هيج ماكو شي ماحبيت اكلها من تصرفات امي لان جنت اخاف تروح تكول لامي وجنت دائما اشوف هي وامها اشلون يتصرفون تكعد بحضن امها ويتباوسون جنت اضل مقهورة واختنك جنت احس نفسي وحيدة المهم كعدنا بالطرمة اشويه وشفت 2شباب فاتوا من يم بابنا واحد منهم جان ضخم وابيض وعندة لحية خفيفة ووعيون سود وكبار جان يباوع عليه ومشوا ع سريع اني خفت كلت لبنت عمي هذا اشبي ليش هجي يباوع علينا كومي خلي نفوت اني اخاف ووالله واذا احد شافنا راح ننفضح
صابرين ..يمعودة اشبيج لاتخافين راحوا شيرجعهم بعد لاتخافين كعدي
جنة ..لاخايفة امي اذا شافتني والله ماترحمني وتموتني 😣
وبعدها دخلنا جوة لان خفت لايرجع يسمعنا حجي شي اواحد يشوفنا ومايرحمونا ف مرت الايام ماشفته بعد وجنه بين يوم ويومين نطلع نكعد برة اني وصابرين لو اكعد ويااخوي الصغير بوكتها كبر صار عمرة تقريبا 8 سنوات جنه نكعد اني ويا فديوم دنيا العصر حيييل جنت ضايجة من الشغل البيت ومن تصرفات امي ف طلعت. برة كعدت ويه اخويه الصغير....... وجنه نحجي اني ويا ونلعب ونشاقة واكعدة بحضني ادغدغه .......
شفته هذا الشخص هم رجع فات من كدام الباب ف اني انصدمت ......هل مرة جان وحده وجان يمشي بطيئ ويباوع عليه واني مادري شصار بيه شفت اخويه الصغير صاح باسمه كال هلو امجد هو هم ماصدك وكف عود يحجي ويااخويه واني ضليت مصدومة وفاتحة عيوني وحلكي كلت بيني وبين نفسي منو هذا واخويه اشلون عرفه وعرف اسمه هو هم اجا حجه ويه اخويه ضل يبوسه ويشاقه وباوعلي من طرف عينه بس غمز وراح ...اني شهكت يممه هذا غمزلي اصخام ..سالت اخويه كلت ولك تعال هذا منو واشلون تعرفه كال هذا بيتهم ورانا ...قريبين علينه هو صديق ابن جيرانه صباح كال هذا صديق صباح كل مرة اشوفه يجي يمه واني ضليت بين خوف قلق وافكر هذا اشبيه ليش هجي يباوع عليه بس ماانكر شد انتباهي ...يعني انجذبت بشكله ونظراته وطوله بس جنت اخاف دائما من امي ومر اسبوع من شافني فديوم دنيا ظهر اني ابد ماانام الظهر مااحب نومت الظهر كلهم جانوا ينامون واني جنت اضل اشتغل بالبيت اغسل وانظف وارتب الهي نفسي بالشغل ف جنت اغسل الحوش وطلعت اغسل كدام الباب والدنيا ظهر والحر ومبردات تشتغل خليت الماي بالمبردة وراها غسلت كدام الباب شفته هذا الشخص نزل من السيارة وياصديقه بس صديقه راح هو نزل ولابس ملابس مال الشغل وملابسه كله وصخ بي دهن مال سيارات اجه قريب عليه واني منزله راسي كلت حتئ من يفوت مااشوفه ولاهو يباوع عليه بس فجاة شفت واحد جر الصوندة من ايدي شلت راسي باوعت اله بس ماحجيت شي هو هم اخذ ماي من ايدي وغسل وجه وايدة وانطاني الماي
امجد ..جنت اشوف هل بنية كل وكت اتربعت بنص گلبي يربي شسوي دائما جنت امر من بابهم واباوع عليها اوووف خطفت گلبي بجمالها وحسنها بنت اللذين اليوم جنت راجع من شغلي وشفتها دتغسل البره فز گلبي ومشيت صوبها بدون وعي مني جريت الصوندة من ايدها وكمت اغسل يمها واباوع عليها بعدين كتلها انتي ابد ماتحجين يولي بس لاخرسة
جنة ..رفعت عيني صدت بعينه خجلت ودنكت راسي وابتسمت كتله لا موخرسة بس تعرفني اعرفك حتئ احجي وياك
امجد ..صح اني هم مااعرفج بس كل ماامر منا اشوفج وانعجب بيج اكثر واكثر
جنة ..لااني اسفة مااكدر اني موبكد الحب وهالشغلات
امجد ..ليش سديتي بوجهي اسمعني بالاول وانطيني فرصة اتعرفي عليه
جنة ..لا.اني مااكدر طبعا اني مو من النوع مثل البنات الي يطلعون ويفوتون واكيد انت هم يجي يوم راح تطلب مني هجي امجد ..شوفي اخذي هذا رقم مال بيتنا من يصير الج مجال خابري واحجيلج كلشي واسمعيني زين وبعدين احكمي هسه طبي جوة لاتبقين وحدج بالباب
جنة ..ايدي كامت ترجف انطاني الرقم وراح وراها كبل فتت جوة ومن الخوف مااعرف شسوي ومتوترة وحتئ صخنت اباوع ع الرقم شسوي ف كلت يله خلي اضمه وافكر زين بس بعدين كلت لاااااا لااخابر ولاشي اخاف يفضحني او يسوي شي بيه مااريد ضليت فترة بعد لاطلعت للباب ولاشفته ولاخابرته حبست نفسي بالبيت جنت الهي نفسي بالشغل بالبيت وامي جانت دوم عصبية تصيح عليه لو علمود شي نسيته ماكملته او اخواني يضوجوها اتطلع حركتها بيه مللتني خنكتني هلكد ماتضغط عليه لو يجونا خطار اوووو بعد حتئ خدامة مو مثلي يصير حسرة علية اكعد ويه بنات خالتي او بنات خوالي كله تشغلني ركض بركض خالتي الجبيرة عندها 2بنات و3ولد جانت دوم تجينا هي وبناتها وجانت تحجي ع امي تكول كافي خفي ع البنيه خطية جانت تضحك وتكول لا خليها هجي احسن ماجنت اكدر اكعد وياهم كله تشغلني وجنت اتحسر اكعد ع اكل اكل براحتي لازم تسممني وماتهنئ بالاكل ورة ماراحو بيت خالتي ضلت بس تحجي عليه انوب شنو والله ماعجبها شغلي وتصرفاتي واني اختنكت ومتت قهر وماعرف شسوي جنت محتاجه احجي وابجي وماعندي احد اشكيله همي ...
وبهل لحظة سمعت امي صاحت عليه جفلت كتلها ها
امي ..لاتتطلعين برة اني رايحة يم مرت عمج وسدي الباب ورايا جنة ..ماشي .طلعت امي واني اتذكرت هذا الشخص من انطاني الرقم طبعا اني من اول يوم من شفته ماانكر مارتاحيتلة ف كمت خابرته واحلئ صدفة هو جاوب وعرفته هو بس هم خفت كبل احجي لان مامتاكد طبعا كلت هذا بيت ابو امجد من ارتباكي هههههه
امجد .. اي اتفضلي رايدة منو ؟؟
جنة ..مادري ليش صار عندي جرئة كبل كلت اريد امجد
امجد ..اني امجد !!
جنة ..شلونك ؟
امجد ..الحمدلله بس ماعرفتج منو انتي؟
جنة ..انت المن منطي رقم تلفونكم
امجد ..انطيت رقم لوحدة حيييل عاجبتني بس هي مغلسه عليه مادري ليش
جنة ..اني اهنا ضحكت
امجد ..عرفتج هههه شلونج جنة ..مادري ليش كلت موزينه
امجد ..ليش احجي اشبيج منو مضوجج ماحجيت سكتت بعدين كتله امجد
امجد ..عيون امجد
جنة ..اريد صداقتك ومحتاجه هل شي بحياتي
امجد ..اني كلي الج اعتبريني مثل ماتعتبرني