اضعت ربيع عمري

بارت الثاني عشر

#اضعت_ربيع_عمري

#بارت12

#بقلمي_سارة_المجيد

مساءكم بقلاوة بالفستق الحلبي 😍😍

جنة ..شنو المشكلة ؟!!

قاسم ..طلعت طماعة وجنت مخدوع بيها للاسف

جنة .... ليش شرادت منك ؟!

قاسم ... طلبت بيت وحدها واسجله بأسمها جان شرط زواجها مني هل شي واني اتذكرتج الج شلون قنوعة وصابرة ويايه ع الحلوة والمره ...

تالي عرفت متفيدني عفتها .... يله شي انتهئ وراح واوعدج ماترجع بعد .....واذا رجعت اخليج انتي بنفسج تطرديها من حياتي

جنة ..عيوني غوركن كتله ماعرف بس ماجاي اصدكك

قاسم ..وداعت ابنه الي ماعندي اغلئ شي منه

جنة ..من حلف بداعة امجد اهنا اني صدكته مدام حلف بداعة ابني لان هو فعلا اغلئ شي عندة ماسولفلكم عن حجم الفرحة الي دخلت لكلبي حسيت بشعور حلو ارتاحيت

قاسم ..والله الصبح من فتحتي الباب وشفتج بملابس العمليه اتأذيت هوايه خفت عليج كله بسببي صارلج هيجي

جنة ..لا هاي ارادة رب العالمين لتكول هيج ... غمضت عيني واتنهدت وشكرت الله الي جبر خاطري واستجاب دعائي .....
بقه قاسم يمي لحد ساعه 11 اجوي عليه الممرضات طلعوا برة كالوا ممنوع تبقئ لان ردهة نسائيه

قاسم ..كمت وبستها وكتلها سامحيني ترا مالي غيرج اني

جنة ...بعد اشوية ابجي من الفرحة كتله روح سامحتك لان كلبي فطير بسرعة ارضئ واسامح وهم احبه موبيدي 😁 سامحته وكتله دير بالك ع مجودي لحد مااطلع من المستشفئ

قاسم ..تدللي حبيبي صدك سالت الدكتور كال باجر نكتبلها الخروج وكبل اخذج ع البيت لان مشتاقلج بكد رحمة الله تعبني فراكج والله

جنة ..يمممه فدوة لحكه شكد حلوو يحجي كلبي راح يوكف من الفرحة كتله عود اتعزز وبثكل يمعود يابيت خلي اتحسن والله كريم 😒😒

قاسم .. لا ماكو هيج حجي خلص بعد مااتحمل ع ابعادج ولج البيت ما ينطاق بدونج وبدون مجود وداعتج اريدج ارجعي 😢😢

جنة ..ابتسمت وكتله الله كريم صار ثاني يوم اجه الدكتور شافني كال الحمدلله صحتج زينه وتكدرين تتطلعين الضهر اجه قاسم كمل معامله مال الخروج واخذني رحنه لبيت اهلي كعدنا اشويه اجه ابني يركض عليه حضنته وبوسته جنت مشتاقتله حيييل

قاسم ..عمي راح ارجع مرتي واخذهم نرجع للبيت وعدتها ماكو غيرها بحياتي

جنة ..جنت فرحانة بشكل مو طبيعي واهلي هم فرحوا كالوا هاي حياتها وهي حرة شتقرر بس ع اقل خلي تبقئ لحد ماتطيب وطبعا باقي ع العيد الاضحئ اسبوع