الخاطر ملتمات عليه ... قراية وفراق غواليه
الشنطة ما فيهاش كتب ... الشنطة فيها رسايل حب
اليوم الغالي ملك حياتي ... اسمه حتى في كتاباتي
شاطت نار وزاد حطبها ... طالب في الطب مسببها
قرايتنا قراية كسادي ... هز شناطي جاي وغادي
كل ما تخطر نص الحصة ... نكتب سطر وننسى نصه
كل ما تخطر نص الحصة ... نتكدر وتجيني غصة
كله م العطلة الفراقه ... ضعنا بين غلاه وأشواقه
لا نرقد لاندير وسادة ... لين نجيبوها الشهادة
ليش الناس عليه تعاتب ... اسمي في كتاباته كاتب
نحنا قرايتنا غير تعب ... العقل مع الغالي يهرب
هات الدفتر والكراسة ... نكتبلك في الصوب دراسة
هات الدفتر والمحايا ... نمسح منه سطور غلايا
يا أستاذ اللغة العربية ... كلمة حب اشرحها ليا ( ههههههه )
ياريته طول العام قراية ... في المرواح نشوف غلايا
يلعن بوها قراية غبرة ... مشيت نخطب قالولي تقرا ( هههههههه )
نريد نسألك يادارسة القانون ... عقوبة العاشق بالله كيف تكون
