#جيجي
هلو اني فرح عمري 19 سنه
طبعا كانت حياتي كلش بسيطه مع عائلتي لمتكونه من والدي واخي وامي واختي
بدات قصتي من كان عمري 13 سنه
احنه وضعنه لمادي مو كلش زين
جنت نايمه وبوحدي بغرفه وكل اهلي مموجودين امي واختي لصغيره طالعين اخويه يلعب ابويه بلدوام
واني،نايمه اكو فراش لنوم كله خالي بجهه وحده وجان
اكو شمعه شاعليهه وخاليهه ع لميز يم لفراش
اني كعدت واشوفلك لغرفه كلهه تحترك ولنار محاوطتني من كل مكان صحت ب اعلا صوتي مفاد لباب مينفتح عبالك احد قافله علي لحد منترست لغرفه نار واني كل مكان بجسمي حسيته حترك من لحراره اجوي لناس وهلي وطلعوني وطفوو لنار
طفله وكل جسمهه بي حروق ووجهه وشعرهه وكلهه
شتتوقع شصار بيه
عشت هلفتره عذاب
لا انام لا اكل لا اطلع اخاف حته اشوف نفسي بلمرايه
ولا اكو احد حاول يخفف عني ويواسيني حته استجمع قوتي وثقتي بنفسي
لا بلعكس جان محد يباوع بوجهي ولا احد يكلمني هلشي الي زاد من احباطي وخيبه املي
لمن جنت اشوف اختي لصغيره بليل وهي تبجي تخاف مني
من جنت اشوف اقاربي يجون ومحد يجي يمي
ضليت سنه كامله اني معزوله ووحيده
هو بعد هلسنه راح وجع جسمي
بس الاثار واوجاع كلبي شوكت تروح مادري
اجت لسنه الي كلت حتتغير حياتي بيه حكون صداقات واطلع بيهه وانسي الي صار وياي
بس شنو الي صار
لعكس
رجعت للمدرسه ونفس لشي
ولا اكثر جنت اتحمل لتقليد من لطالبات
جنت اتحمل الاهانات على شي مو خطاي وشي مضاره بي احد شنو ذنبي اذا تشوهت اني
بس تحملت كلشي وجنت اقرا حتى انجح
من زمان جان حلمي اصير عارضه ازياء
او ممثله خاصه اني جنت حلوه
بس بعد مستحيل هلشي اخذت كل لصور وذبيتهن
وجنت اشوف لبنات الي جانوا يقلدون علي من اكللهم اني حصير عارضه من اكبر
شون يشمتون بيه ويكلولي ها حصيرين هسه
وخلصت لمتوسطه بلكوات
لان دراسه جانت صعبه علي خاصه اقرا بوحدي وبدون مدرسين خصوصي ولا صديقات لاشي جنت مجرد اداوم ورجع حته وجهي جنت مخلي يبين لان استحي من شكلي جنت مرات ادنك مرات اغطي بشي مرات البس بوشيه
وبقت هيج حياتي
وخلصت امتحانات الثالث ونجحت ومعدل عالي
بس لفرحه مكملت لان ابويه توفه بمرض بلقلب
وبقينه بوحدنه وحنه بس هو النه حته عمام معدنه واني صرت مشوهه ويتيمه
صارت امي تشتغل تخيط
لان ابويه مكان موظف واخويه صغير واني صار كل شغل لبيت علي فزادت معاناتي
وصرت بلخامس عدادي
وامي صارت كبيره وحتى متكدر تخيط اخي جان 11 سنه ودراسه ف مستحيل نخلي يشتغل
اختي جانت هم 7 سنوات
ولعيشه يرادلهه كومه مصاريف رغم احنه مجنه نطلع او نبدل يعني ع كد الاكل والشرب وللبس
وبلكوه مكفينه
قترحت ع امي اشتغل بس مقبلت كالت شلون بعدج صغيره وشنو تشتغلين مثلا
انيهم مجنت اعرف شنو اشتغل ف سديت لموضوع
جنت. كل يوم نفس لشي اروح للدوام وارجع واني لابسه بوشيه حته بلدرس
وارجع ادرس واشتغل وانام هاي كان لروتين لحد ماجه ليوم لغير حياتي ليوم الي خلاني اغير تفكيري كله
جنت بلدوام ورغم كل ليجان يصير وياي اني جنت مماذيه احد بس معرف السبب الي يخلي لكل يكرهني لهلدرجه
جنت اتلقه كره هواي لدرجه اني صرت اكره نفسي واكره شكلي واستحي من امشي رغم مغطيه وجهي
حتى بسبب عيشته كانت صعبه امي رادت تزوجني لاكثر من شخص بس هم الي رفضو لان اني مشوهه
وهم مكانوا احسن مني اشو لا شغل لاشي حتى اكو جان عندهم اشياء موزينه ومو اخلاقيه بس هم جان تفكيرهم وقلوبهم مشوهه
اني فرحت لان مصار وزوجت من واحد منهم بس بنفس لوقت نقهرت وضجت لان. رفضوني بهلطريقه وليش هم بسبب شكلي
وصار الي الي جنت بي مداومه عادي
واكو بنيه يالله شكد تكرهني هي وصديقاتهه واني ممسويتله شي رحت طلعت رجعت لكيت كل كتبي مشككه
عرفت انو هيه. جان اسمهه نرجس
فرح: هااي انتي الي سويتي هيج انتي شككتي لكتب موو
نرجس: يي اني عندج مانع
فرح
وتعاركنه بس هن جانن 4 واني بوحدني
ف صار علي لدك بفلس
بس لحقيره نرجس اخذت بوشيتي وشكتهه
واني جنت ماطلع بدونهه
وخاصه يم مدرستنه جان صيرر كومه ناس
بقيت محتاره شلون اطلع
وجتي لحقيره نرجس تكلي سويلنه عرض ازياء بهذا شكلج
ذكرتني بحلمي
باوعت ع روحي ليش عيج اني
ليش هيج كل الي ديصير وياي اشو بعمري ماذيت احد
وصلت بيه ادعي اموت واخلص من عيشتي
وطلعت وجان كلهه تباوع علي
كلهه مستغربه من شكلي
جان 85 %اليقلدون و15%الي يكولون خطيه
مجتمع نعدمت بي لرحمه
ناس تباوع ع الوجوه فقط
اني الكل جان يشوف وجهي ويشرد صوتي محد سامعه
رجعت وبيومهه كلت بعد مستحيل ابقه بهاي عيشتي
لازم اغيرهه بديت من نفسي
كلت خ اتقبل نفسي اني يلا انتضر من الناس تتقبلني
بديت اطلع بدون بوشيه ورافعه راسي وممستحيه من شكلي
الي جان يحجي علي مااسكت ونقهر بلعكس ارده
كله جانت مستغله ضعفي
لان جنت اني اكره نفسي
بس بعد لا تقبلت شكلي وحياتي
