مهر بالدم

قصة مهر بالدهب - الجزء الاول

القدر والنصيب كلنا مؤمنين بيهم بس ساعات بيوجعو اوي وبيموتو حاجات كتير جوانا. ساعات النصيب بيفرق ما بين اتنين عاشو سنين مع بعض كلهم حلمهم يكونو لبعض وساعات القدر بياخد مننا ناس غاليه اوي في قلوبنا وممكن يكونو ملناش غيرهم بعد ربنا في الدنيا وكلهم وبيروحو تحت اسم القدر والنصيب..

ساعات الخوف بيضيع مننا ناس لو مكناش خوفنا عليهم بزياده كانو فضلو لكن اهتمامنا بيهم الزايد خلاهم يحسو اننا متقلين عليهم فبيبعدو ويسيبونا عشان حبناهم بزياده وعملنا عشانهم اللي مفيش حد عرف يعملو ليهم لكن النفس عمرها ما حبت اللي غير اللي مش ليها لكن لو ملكها تهمله وترميه وتبيعه..

وبالرغم من كتر ما في ناس بتحاول تقرب مننا إلا اننا مش شايفين غير اشخاص معينه يمكن لو كنا بصينا ليهم كان الحال اتغير او يمكن كنا عقلنا لكن حبنا نفضل مجانين لحد ما اللي حبناهم راحو مننا واتجننا فعلاً، وصلنا أننا بقينا مش عارفين نفرق من اللي بيحبنا للي بيكرهنا. بقينا تايهين جوانا..

عمرهم ما فهموا ان اقل كلمه حلوة منهم كانت بتبسطنا وبتخلينا نحس بحاجات بشعور جميل لدرجة أن صعب توصفه وعمرهم ما فهموا ان اقل كلمه بتضايق حتى لو هزار ممكن تخلي الدنيا سوده في عيونا واحساسنا بنفسنا يقل وتبهت نفسنا وتبدأ حاجات جوانا تموت، عمرهم ما فهمو حبناهم قد ايه ولا حسو بينا..

مين قال أن انا مكسور ولا حزين ؟ انا من برا كويس و واقف على رجلي لا اتهزيت ولا بكيت ولا فارقين معايا في حاجه ويروحو ولا هسأل عنهم ولا حتى هفكر فيهم لدقيقه واحده لانهم ميستاهلوش اي حاجه عملتها عشانهم لان اللي زيهم خساره فيهم اي حاجه، انا من برا سليم لكن من جوايا ربنا اللي عالم..

- يعني أنت كويس !

- أيوة انا تمام..

- بس عينيك قالت كلام غير اللي قلته !

- مش مهم، المهم إن أنا من برا كويس حتى لو من جوايا ميت..

- عارف انا ساعات بسأل نفسي " ليه حبيت " مبلاقيش اجابه ولا فاهم ايه فيهم اللي خلاني احب. لا شخصيتها شدتني ولا صوتها حببني فيها، انا لما شوفتها حبيت بدون اسباب اتعلقت بيها وسؤالي اللي محيرني أنا ليه حبيت او ايه اللي فيها خلاني اتعلق كده !

- هي عارفه أنك بتحبها !

- أيوة، وعشان هي عارفه سابتني.

- ،،!!

- سابتني عشان عارفه لما تفكر ترجع هتلاقني موجود.

- ومن بعد حُب سنين كل شيء ينتهي .

- النصيب ..