في ديوان الشيخ

البارت الاول

الكاتبه:
هنده العبيدي
ملاحظه 🌹القصه قيد الكتابه ما أكدر اكتبها كلها بيوم واحد الي تكوله صاحبه القصه الي راح اكتبه على شكل بارت وانشره حيكون النشر كل يوم بارت او بين يوم ويوم بارت حسب الي أكدر عليه

ملاحظه 💕 الي عنده بحياته قصه مميزه حاب او حابه تنشرها القراء بدون معرفه الشخصيات الحقيقيه تكدر تراسلني ع حسابي ع الواتباد وان شفت القصه مناسبه راح نبدى بكتابتها وسردها للقراء

يلا نبدى القصه👇👇
مراح نعرفكم ع شخصيات القصه قبل البارت هاي المره راح تتعرفون ع الشخصيات بالبارت نفسه خلال القصه حتى ما نطولها عليكم

البارت الاول:-

-صباح الخير ياست الحسن (هذا جاسم شيخ احد العشائر في الانبارعمره 35سنه)
-هلا يمه صباح النور والعسل اسويلك ريوك(هذه خيريه ام جاسم)
-تسويله ريوك واني موجوده لعد شنو شغلي عمه اكعدي ارتاحي واني اسويله ريوك(هاي نويله يعني نوال زوجه الشيخ جاسم الثانيه عمرها27سنه ماعدها اطفال)

-الي تسوي ريوك خلي تحسب حسابي(وهايه نور اخت جاسم الصغيره المدلله وعمرها 18سنه)

نوال :ليش ماتكومين انتي تسوين ريوك شنو احنه خدم عندج
-جاسم:ميخالف نوال سوولها ريوك ويايه هاي مدلله اخوها وابويه الله يرحمه وصاني بيها

-لا تتعاركون اني اسوي الريوك روحو اكعدو(ندى اخت الشيخ الجبيره عمرها25 وامها اتوفت بعد ابوها يعني هي من غير ام)

ام جاسم:عفيه ببنيتي سوي ريوك ونوال تروح تخبز بس باقي اخوتك وين يمه

جاسم :يمه علي كسلان ميكعد لساعه 12مدري شوكت يصير رجال ومحمد دزيته ع اوراق يجيبهن
مال السياره

واحمد عنده امتحان وراح يمتحن تعرفين الولد مايريد يضيع تعبه بعد ماحصل الطب (علي اخو جاسم وعمره23 كسول جدا ومديعبر الخامس اعدادي صار سنتين)(محمد عمره30 خلص قانون ويشتغل بشركه جاسم مال سيارات)(احمدعمره25انولد بعد اسبوع من ولاده ندى اخته من ام ثانيه شاطر حيل تعب ع نفسه وحصل الطب ومايريد يضيع تعبه)

ام جاسم:بتول خايبه بتول ليش ماتردين(بتول زوجه الشيخ الاولى عمرها30سنه وهاي عايشه بعالم ثاني ولا كانه موجوده بالبيت)

نور:بتول نايمه يمه عوفيها ختولي خلصانين من شرها

(هذا بيت الشيخ وعائلته طبعا الشيخ الله مارزقه بطفل زوجته الاولى اتمرضت واضطرو يشيلولها الرحم والثانيه تراجع بس ماكو نصيب بطفل)

وفجاه

نور:يمااااا يمااا يمه الحكيلي صوت طلقات يمه

ام جاسم:الله يستر شنو هلطلقات ياربي اتلطف بينه

جاسم:يمه اخذي البنات باخر غرفه واني حطلع اشوف شكو

نوال:جاسم استر علينه لا تطلع لايصيبك شي شلون بينه وين نروح بعدك