في ديوان الشيخ
للكاتبه هنده العبيدي
اولا. اعتذر علتاخير بسبب تعرضي لوعكه صحيه الشي الثاني مراح اخلي القصه تصير طويله عليكم حتى ميصيبكم الملل راح اختصر شكد ما أكدر واتمنى تكتبون ارائكم بتعليقات
طبعا اكو من يتوقع انه الي حجالي القصه ساره او جاسم طبعا انتو غلطانين الي ديحجيلي القصه شخص آخر راح تكتشفونه من خلال القصه
البارت الخامس
طبعا كلكم تتسائلون ندى شنو وضعها ندى اتقدملها ابن عمها متزوج وعنده أطفال و زوجته طلبت الانفصال منه يعني نكدر نكول زواجه من ندى مجرد علمود أطفاله
طبعا جاسم وافق وهي هم وافقت احسن الها من الغرفه المقوله عليها طول الوقت ساره تحسن نطقها شويه شويه نور حاليا يم ندى بالصالون لان اليوم عرس ندى
ساره:اليوم عرس ندى صح اني اكرهها وبحياتي ما انسه الي سوته بيه بس اليوم هوايه ناس تجي ولازم البس شي مرتب
بتول كالت حرور للسوك اجيب كم شغله محتاجتها وكتلها اريد اروح وياج
طبعا علاقته اني وبتول اتغيرت حيل بتول صارت زينه ويايه وتداريني وتعتني بيه من يوم رجعت للبيت ما اعرف شنو سبب تغيرها بس الله اليسار لا يكون اكو مخطط براسها وصلنه للسوك اشتريت فستان بسيط وبتول اشترتلي مكياجات رجعنه نمشي بلسوك خاف اكو شي ناسيه
ساره:بتول اريد اسأل سؤال وخايفه منج
بتول :اسألي لتخافين
ساره:انتي بعدج شابه ليش قبلتي تبقين ويه الشيخ وهو ميصيرله أطفال؟؟
بتول:اولا الشيخ ديتعالج ويجوز هسه طاب ويكدر يخلف ثانيا....... اتنهدت وخنكتني العبره جريت حسره وحجيت اني صار ويايه حادث وشلت الرحم
ساره:سكتت ما اعرف شاجاوبها خطيه ماكو بنيه متحب تصير ام وتحضن طفلها وتشم عطره وتحس بلامومه خجلت من نفسي ع سؤالي وبعد ما حجينه طول الطريق
بتول:اتذكرت الي صار ويايه بأول شبابي قبل ما اتزوج وشلون انحرمت من الطفل اتمنى لو أكدر اجيب طفل بعدين اتذكرت جاسم وقررت ادوس ع كلبي وانفذ الخطه بقيت ساكته طول الطريق واني افكر بساره شنو رده فعلها وحتقبل لو لا بس هذا الشي لازم يصير تحت أي ظرف واني تايهه بأفكاري سمعت ساره تصيح ورايه تكول هذا البيت وصلنه وين طالعه كبل انتبهت لنفسي عابره البيت ومستمره بلمشي
فتت لغرفتي غسلت وبدلت وبجيت مو سهل عليه الي راح اسوي بس مجبوره عليه ماعندي حل ثاني
كمت من مكاني وصحت ساره بحجه أجهزتها للعرس
فاتت ساره شغلت جهاز الشمع سويتلها جسمها وحفيت وجها وحواجبها صارت تجنن بس اني كلبي مكسور حطيتلها مكياج خفيف ولبست الفستان طلعت حيل مرتبه وحلوه ورتبت نفسي ولبست فستاني ومكياج فساتين كانت للمحجبات لان اهل الولد حيدخلون ياخذون العروس بالزفه
أنت تقرأ
في ديوان الشيخ
Ficção Geralمحور القصه يدور حول ديوان الشيخ حيث كل يوم حدث جديد ينطلق من نفس المكان ليغير مجرى الحياة
