اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وبعدين طلعت للكليه المهم وصلت لهناك جنت دا اتمشى ومنزله راسي على الكتاب لانو جان عدنا امتحان احياء وكلش صعب فجنت دا امشي ما حسيت بروحي الا واكعه رفعت الكتاب جان اشوف ولد يخبل كله عضلات وابيض وهيج ( كافي لج فضحتينا )😹 جان يباوعلي ويكول :
جود : شبيج عميه متشوفين 😤 شهد : وشدراني حضرتك كدامي 😬 جود : لا والنوب لسانها اطول منها 😠 شهد : اي لساني اطول مني 😐 جود : المره الجايه انتبهي 😬 شهد : اذا اكو مره جايه 😂 جود : يلا اني اروح احسن مما اكابل هالجهره حتى اسفه متعرفين تكوليها 😤 شهد : اي هاي اذا جنت الغلطانه ثانيا اصلا اني ما كلت اسفه لاهلي اكولها الك تهي بهي 😂 جود : ولج لسانج شطوله يلا امشي ولي 😑 شهد : اشرفلي من هالحجي السخيف 😹
جود : جنت دا امشي بالكليه لازم الفون جان ما احس الا بنيه كبالي واصتدمنا ببعض بس من رفعت الفون شفتها جنها ملائكه لك غير تخبل اول مره احس بهذا الشعور واني من طبيعتي اكره البنات ما ادري شلون هاي البنيه عجبتني اشو حسيتها كلش كيوت وحبابه بس لسانها شطوله تكولون لسان ضفدع 😹
شهد : عفته ومشيت صدك ميستحي يعني فوق غلطه يحجي عليه والله يا الله شوكت ينقرضون هالعالم اصلا المفروض هو يعتذر لانو هو الغلطان مو اني 😐
المهم خلصنا الكليه صارت الساعه 12:05 طلعت دا انتظر الخط مالتي يرجعني للبيت ما اشوف بس شباب واكفين يمي اني كلش خفت ورأسا ركضت 😧 وعفت الخط وما حسيت بروحي الا واني مبتعده كلش عن الكليه ما ادري وين اروح وما اكدر اروح لبيتنا مشي كلش بعيد واني اخاف فلكيت سياره واكفه لكيت رجال جبير بالعمر شرحتله الموقف
وقلي : صعدي بنيتي اني اوصلج
شهد : اني كلش فرحت وصعدت وفعلا وصلني رجعت للبيت هلكانه كلش رأسا ذبيت روحي على الفراش ونمت ( بعد الشاور والتبديل ) كعدت لكيتها ساعه 7:49 دقيقه مساءا حسيت بروحي ميته جوع رحت دا اشوف شنو بالثلاجه اكل اسويه
يارا : اني هم جعت ورحت اشوف شكو ماكو بالمطبخ نزلت لكيت شهد بالمطبخ عاد هي سوتلنا اكل اني وياها وكعدنا نسولف شويه
شهد : يارا اني راح اروح ادرس وراها انام لان بعدني تعبانه اليوم كلش هلكت من الكليه💔
يارا : يلا روحي حب باي 🗿
شهد : باي ❤
كعدت ثاني يوم رحت للكليه ورجعت لكيت زين وحسين ويارا واختي الجبيره سمر كاعدين كلهم بالصاله وسمر دتبجي ويارا هم تباوع عليه ودموعها عشره عشره وحسين سوده عليه منزل راسه ومبين عليه متأذي حيل ويزن اللي ضحكته متفارقه لكيته كاعد يبجي وعيونه حمر ومنتجي على الحايط وداير وجهه
شهد : شبيكم شكو شصاير ليش دتبجون ؟!
محد رد عليه ما لكيت غير حسين شبكني وكعد يبجي كتله : شبيك حسوني حبيبي اني ممتعوده عليك تبجي شكو ؟!
حسين : همس باذني وكال ابوج باعنا وراح يزوجج غصب 💔
شهد : اني متحملت الصدمه وركضت للغرفه مقهوره ودا ابجي واكول فوك ما ماما ميته وتيتمنا من احنا صغار وبابا متزوج وميدري عنا انوب يريد يزوجني غصب اني شعليه ليش يعني اني ليش مو يارا ؟! بعدين فكرت كلت يارا صغيره وما اريدها تتحمل على كل هي اختي الصغيره واحبها وسمر متزوجه بس اني معرفت شنو سبب زواجي ؟ ومنو زوجي ؟ وشيشتغل ؟ ظلت كومه اسأله ببالي ودايخه بس اريد اعرف ولو كلمه وحده 💔 -------------------------------------------- يتبع .......
