للكاتبه: ود الباشا
لتتعايشي علىٰ سطح هذا الكوكب
عليك ٱن تتجاهلي .. و تتناسي .. و لا تبالي
و لا تحترقي .. و لا تنفعلي .. و لا تغضبي .. و لا تسألي .. و لا تهتمي👌💕
قدر: ثائر عبدالله جان يسحب من الذهب مالتي بين كل فتره علما مبقت ولا قطعه
ثائر: هسه يلا تذكرتي تحجيين
قدر: خفت احجي واكول الاحد فدوه ثائر لا دكول البابا اخاف ينقهر
داحجي ويا وجان يجي عبدالله والمحامي ماله
ثائر: روحي كعدي
قدر: رجعت كعدت بمكاني ثائر من شاف عبدالله تخبل احسه يريد يهجم عليه وذاك الحقير بس يستفزه
جنت كاعده يم بابا تقرب عبدالله
عبدالله: هلا بمرتي الحلوه شلون معنوياتج لهل خطوه
ابوقدر: روح من وجهي لا تخليني اتصرف وياك تصرف ثاني
عبدالله: شوفني عرض جتافك عمي
قدر: بابا فدوه عوفه خلي يحجي ويا نفسه
هسه يسكت
عبدالله: اخخ ولج لو هسه الزمج اطلع قهر 4 شهر بيج
قدر: عززه العزاني اجه ثائر والله راح تصير عركه
ثائر: شعندك اهنا تعوعي ولي منا يلا
عبدالله: هلا بعشيق مرتي الحلوه
ثائر: ابن عمها ولو ماعندك هيج شي عايش بوصاختك
قدر: كافي عبدالله توكل يلا
اني حجيت هيج وثائر لزمني من عكس ايدي
عبدالله صاحه المحامي
ثائر : مو بعيينج احنا
قدر: ثائر ايدي فدوه دتاذيني
ثائر: روحي من خلقتي قدر راح اگلب المحكمه علئ راسكم
قدر: شبييك ثائر انت مكدرت تحجي ويا جاي هسه تطلع قهرك بيه
ثائر: انجبييي تدرين ليش ماحجيته هوه ديسوي هيج عن قصد خاطر يكوول اعتدو عليه
قدر: عزه بعيني ليش دائما اچفص كدام ثائر ماعرف
اجه دورنه يم القاضي الحمدالله خلص كلشي ونفصلت عنه بس ثائر زعل مني بعد محاجاني
رجعنه للبيت هدئ تلكتني بهلهوله وماما جانت تبجي شبيج ماما الله عليج لا تبجين
ام قدر: مو سهله ولج يمه اشوف وحده من بناتي تتطلك
قدر: حضنتها وكعدت ابجي وياها
مرت الايام وتقريبا تعودت علئ هل شي من جنت زعلانه جان اكو امل عند اهلي ارجعله بس هسه هل امل نكطع ادري بيها صعبه عليهم وعليه هم بس بعد شسوي حضي وكع اعوج بعبدالله
اليوم كلت افاتح بابا بموضوع الشغل بلكت يقبل ارجع لشغلي
سويت ريوك وانتضرت بابا يكعد
أنت تقرأ
وجهه اخر
Romanceعندما تتساقط الاقنعه وتظهر الوجوه الحقيقيه حينها فقط نكشف حجم غبائنا وسذاجتنه ماحلل احد ياخذ قصصي بدون ذكر اسمي (ذمه )
