الحلقه الأولى
.
.
.
.
حنان :نوضي ياوسن هيا وقت ع المدرسه
وسن:الا منبيش نبي نرقد
حنان:تعال يا خالد لبنتك تبيش تنوض
خالد:نوضي سلم بنتي
وسن:باهي اني نايضه وانتم متخلوش الواحد يرقد
حنان:هي نوضي البسي وانزلي تلقي الفطور واتي
وسن:حاضر
وسن لبست ونزلت
وسن:صباح الورد يأحلى ام ف الدنيا
حنان:صباح النور
وسن:وين بابا
حنان:بوك طلع يولع ف السياره
وسن:امبه
خالد ينادي:هيا يابنتي اطلعي
وسن:هي اني طالعه
وطلعت وسن ركبت ف السياره
وسن:صباح الخير
خالد:صباح النور
وخالد وصل وسن المدرسه وهوا مشي العمل
طبعا وسن قريب اتم المدرسه مزال اسبوع ع الامتحانات النهائية
وصلت المدرسه
رواسي طول مشت ضمتها
رواسي:حبي استحشتك❤
وسن:حتى اني ياكلبه
وطبعا وسن شاطره وحتى رواسي
ومر الوقت لن جي وقت انهم بيروحو من المدرسه
رواسي جاها خوها محمد روح بيها وسن كلمها بوها قلها عندي عمل روحي مع رواسي
وطلعو رواسي لقت خوها
وسن:قصدك هدا خوك اول مره نشوفه😞
رواسي:هههه اي خيرك
وسن:لاشي غير خوك يهبل😍
رواسي:خوي ياحيوانه
وسن:هدا الحق
رواسي وسن :ههههه
وركبو السياره ومحمد قعد يشبح لي وسن وهوا اول مره يحس هكي ناحيه بنت
وسن:السلام عليكم
محمد:وعليكم السلام
رواسي:محمد هدي صحبتي وسن
محمد:اه به كويس
او وسن قعدت تشبح لي محمد معجبه بجماله
ومحمد كذلك وحايس في روحه
محمد بينه وبين نفسه
الله ع البنت هدي اول مره تجذبني بنت هكي ماشاء الله الحق
رواسي:خيرك وسن ساكته هدرزي
وسن شبحت لي رواسي بمعنى اسكتي
محمد ساكت ويفكر في وسن
وصلو لحوش وسن
وسن:شكرا رواسي
رواسي:المفروض تشكري محمد مش اني
وسن:شكرا محمد
محمد:العفو
نزلت وسن روحت لحوشهم لقت امها في المطبخ
وسن:السلام عليكم ماما حبيبتي
حنان:وعليكم السلام شن المدرسه اليوم
وسن:اهو زي كل يوم
حنان:به سلم بنتي اركبي غري حوايجك وبوك قريب يوصل باش نتغدو
وسن:حاضر
.......................................................................
عند رواسي ومحمد
بعد ما وصلو وسن
محمد:من هدي
رواسي:صحبتي وسن وعلااش تسأل شن عجباتك🙄
محمد:اااه عجبتني لا لا😶😶
رواسي:خيرك تحشمت هههه
محمد:سكري فمك خيرلك😡
رواسي:به به خلاااص😁
وصلو لحوشهم رواسي مشت لدارها ومحمد حتى هوا مشي طووول لداره ومبطلش تفكير ف وسن
رواسي طقت ع محمد
طق طق طق
رواسي:تعال الغدي واتي
محمد مردش سارح
رواسي:شن متت😁
محمد فاق لنفسه
محمد:به اني جاي
رواسي:به إلي رديت هي نستنو فيك
يتبع........
التفاعل حبايب قلبي ❤❤
#Mema🌹
..
