دخل شاب على محل صغير لبيع السجائر فيه بائع يبلغ من العمر 60 سنه وقال له
- بالله عطيني واحد رويال..
• شن معنى رويال ؟
- لانه اكثر واحد يكيف فيا وماشي معاي
• وكيف عرفت ان هو اللي ماشي معاك ؟ .. جربت الوينستون ولا ال ام ؟
- لا
• معناها انت مش ماشي معاك الرويال .. إنت متخيل إنه ماشي معاك لانك ماجربتش اللي خير منه
- مافهمتش
• انفهمك .. إنت مثلا متخيل إنك راجل محترم .. بس إنت مرات مش محترم .. كل ما في الموضوع إنك مانحطيتش تحت الضغط اللي يطلع عقدة النقص اللي فيك .. زي الفرق ما بين السراق والنزيه.. السراق لانه محتاج فلوس قعد يسرق والنزيه لان عنده فلوس عشان هكي مازال ماسرقش
,
- إنت شن تبي مني بالزبط؟
• نبيك تفهم انها ماشيه بالبركة .. إنت ذكي لان اللي جنبك أغبياء .. مثقف لان اللي جنبك جاهلين .. لكن لو انحطيت مع ناس مثقفة واذكياء راك طلعت انت اللي متخلف وجاهل وغبي
• الحاجه الوحيده اللي زيك وزي باقي الناس انها كلها فانيه ومادايم الا وجه ربي .. الرويال زي الكاريلا زي المالبورو زي الاوريس.. كله دخان .. الكيف مجرد وهم .. إيحاء نفسي .. الموضوع كله واقف على قناعتك الشخصية إن اللي ادخن فيه ايكيف فيك ..
باهي كيف تفسر إن فيه شعوب تاكل في ضفادع وخنازير وصراصير ؟؟ .. لو واحد فيهم جا لليبيا وعزمته على كبدة وعصبان ممكن يرجّع فى وجك لانه يشوف فيها من نظرته انه مقرف لانه مش مجربه..
هذا وهم ياولدي صدقني .. الرويال زيه زي اي دخان ..
- باهي انت لشنو تبي توصل لاني دهشت ونفسيتي تعبت وبديت مستنقص من روحي ؟؟..
• انا نبي نقولك خوذ اي دخان .. لان الرويال تم مني ..
:
.
.
.
تمت
