ساكته
لبنى- ماريد اهلي يعرفون باللي صار قبل
قصي- ماشي
لبنى- عدنا ميصير البنيه تجي وره زواجها ب10اقل شي بشهر شواح يسوون بيه
قصي- ذبيها براسي كوليلهم حيطلع خفر شهر
لبنى- خوش انداريت عليه
قصي- النوبه بالنقاب بارزه بس عيونها تضيعني من اباوعها
شبيج تباوعين تردين تكولين شي
لبنى- مراح يهدوك اهلي
حيجلبون بيك الكل راح تجي حته يشوفوك
قصي- مالج دخل انتي عوفيها عليه
ضليت اباوع بعينها درت وجهي عالطريق ماريد انعجب بيها
وصلنا للقريه
لبنى- كلبي طار من وصلنا وكمت ادللي عالطريق
لحد موصلنا لمزرعه جدي
وصلنا هنا اركن السياره
نزلت ركض ورحت على خالي رفعت النقاب ركض عليه وحضني كان يحصد بالطماطا
قصي- حضنت شاب مااعرف منوه
وراها اجه يمي اقترب اني مديت ايدي اسلم وهو كذلك وميحجون الل بسيدي وسيدي
تلكوني بحراره عبالك ابنهم وجاي من السفر جانت عيونها تراقبني دخلت امها سلمت وعرفًوني على خوالها وجدها وبيبيتها وبمجرد طبتي عدهم ذبحو الذبيحه يعني ناس يحسسوك باهميتك وره ساعه اللكل صار والكعده وياهم متنمل تغدينا سوه والاكل يخبل من هاي اكلها طيب
قصي- يله يابه اني اترخص ورحمه الله والديكم
على هالاستقبال مقصرتو
الجد- وين تريد ماكو روحه اليوم تبات يمنا 3ايام عدنا النسيب يبقى يم اهل مرتو 3ايام
قصي/ والله جدي عدي شغل
الجد- ابد مامقبوله ترد حجايتي هاي الماصارت
قصي- باوعت للبنى باوعتلي كانما تكلي مو كتلك دنكت هاهي جدي صار وحجايتك ماعاش اللي يردها بهاليوم بيتهم مفرغ كلسا جايين عالم حتى يشوفوني ويعرفوهم عليه.
خيانة زوجة
بارت 6
قصي- خوالج حيل متعلقين بيج
لبنى- اي هم ربوني
قصي/ اي بس ميصير هالحضن والبوس كلسا
لبنى- ابتسمت ودنكت صار
قصي- بقيت اباوعلها ذبت بعيونها شفتها كعدت عالحشيش جيت كعدت اني هم
لبنى-دتشوف هذا السره مال طماطا هاي اني زرعته بايدي قبل شهر شوف شون كبرانه الشتله
قصي- ها حلو منهاي مكلبه الحديقه
لبنى- وهذا البرتقال هم زرعنا العام
قصي- حلوه سكتنا باوعتلها من نرجع اجيب بذور وزرعي الحديقه
لبنى- تقبل ارجع وياك
قصي- اي فد سبوعين شسوي بعد ورطه باوعتلها
لبنى- الله يساعدك وينطيك الصبر
قصي- يله خل انام باجر ورايه طريق
لبنى- متكدر تروح باجر جدي كال 3ايام
قصي-والله اني مرتاح ومتونس بس اريد ابقى ببحدي
لبنى- اخذ راحتك كمت رحت لغرفه امي نمت يمها ومشتاقه لحنانها وامانها حضنتها ونمت
قصي- عافتني عبالها ضايج منها بس هم زين ردت ابقى بوحدي ارتاح والهدوء وجمال الطبيعه حيل هدئني
تالي رجعت نمت بالديوانيه .
غزوان .الديوانية يعني براني اخاف متعرفون البراني يعني استقبال اخاف متعرفون الاستقبال يعني غرفة مستقلة من البيت للضيوف اكثر من هيج بعد مااكدر اوضح الله ياخذكم ياخذكم سفرة لباريس ها هههه. نرجع للقصة
لبنى- حسيت وي الفجر كمزت صليت ورحت ركض للحضيره حلبت الهوايش والمعزات وطلعت الحليب فرحانه فورته وره ساعه صار الكيمر يخبل امي تعجن بالكاهي وسويت الشنيني
وهي 10بيضات بطاوه صغيره البياض يصير ثخين والصفار كاعد وحده بصف اللخ جنت طايره هناك رحت خبزت بتنور الطين هاي حياتي اللي خذوها مني حياتي اللي احبها واموت عليها اخذو راحتي الحمد لله ربي لخاطر ابوي اتحمل حضرنا الريوك صارت ب6ونص دخل جدي كعد قصي وخلينا الريوك
خليت كباله الحليب
قصي- هاي شنو الحليب انتي حلبتي
لبنى- اي ضحكت
قصي- ضحكتها حلوه ابتسمت وشربته
قربو الكاهي والكيمر كل حياتي مضايك مثله
ام لبنى- هاي الكاهي بدهن الحر وهذا بزيت عادي اذا ماتحب دهن الحر اكل من هذا
قصي- خاله الاكل يدووخ عاشت ايدكم
شربت الجاي وطلعت اشوف ديسوون بالمزرعه
لبنى كانت وي خوالها تزرع وتضحك كانت فرحانه اراقبها من بعيد تقرب خالها يلبس مثل الطاك مال زرع خلاه على راسها اقترب يحضنها دفعته على كيفها وعافته تكمل زرع
فرحت مخلته يحضنها اجه يمي جدهم وانطاني مثل المسحاه صغيره
هاك روح ساعد مرتك هاي الكاع معجزه ياهو الزرع بيها حبها بدون ميحس هاك البزر وروح
قصي- ابتسمت واخذته من ايده عجبني اجرب رحت يمها باوعتلي ابتسمت ودنكت
لبنى- عاجبك تجرب
قصي- هاي اوامر جدج
لبنى- تعال تحفر هيج تكلب الطين وراها تذب البزر وراها ترجع تكلبه
قصي- ماشي خلنشوف تاليها وي جدج
باوعتلها واشتغل وهي تشتغل بحماس
ليش مخليتي خالج يحضنج
لبنى- تزوجت بعد ماعدت صغيره
قصي- ههممم كملنا زرع وكفت ضهري تكسر هاي شون تكدرين كل يوم من الصبح هيج تزرعين
لبنى- رفعت راسي متعوده وعدي روحي من الدنيا
قصي- الشمس صارت بعينها مي مو عيون
ضليت اباوعها دنكت عالزرع
وراها رشو المي فوك البزر انتبهت عليها ركضت
قصي- ها يمعوده وين رايحه بعد
لبنى- اساعد امي بالغده ركضت لامي جانت تنضف بالدجاج ساعدتها وحشينا الدجاج وخلينا بتنور الطين جنت فرحانه بكلشي اسوي وقصي كلما انداريت اشوفه يراقبني
وره ساعه ووكف صله وره جدي وخوالي منضرهم حلو
وبعدها صبينا الغده جان منضر الدجاج يخبل امي حشت 7دجاجات وتغدينا وجان مبين علي عاجبه
