تاني يوم البنات مشو المدرسه وكان في مجموعه كبيره من الطلاب والطالبات واقفين جمبها ( الشعب السوداني والشمارات 💁♀) و...
منال : دا شنو😳😳😳
رهام ولجين ومرام:😳😳😳
رهام : لو سمحتي المدرسه ماله كدا
البنت : والله ماف زول هنا عارف حاجه احنا زاتنا متحيرين ( بعد مساافه كدا جات المديره وكلهم وقفو جمبها)
المدير : السلام عليكم
البنات : وعليكم السلام
المديره : زي م شايفين المدرسه حالتها في غنى عن الحديث عنها صراحه امس حصل فيها حريق وفي اسلاك عمود وقعت في المدرسه وزي م كلكم عارفين المدرسه الشجر فيها كتير شديييد عشان كدا ساعد في انتشار الحريق واي حاجه في المدرسه اتحرقت الكتب والملفات الفيها واي شي والحمدلله اولى وتانيه امتحنو واستلمو نتائجهم وفضل تالته بس احنا حالياً م بنقدر ندرس والمدرسه بالوضع دا لأنو اي شي فيها مكهرب واحنا م بنخاطر بالحاجه دي عشان كدا المدرسه م حتكمل لأنو م سلمنا ارقامكم الوطنيه للوزاره وما طلعنا البطاقات وبعتذر ليكم عارفه دا غلط كبييير وحاجه صعبه بالنسبه ليكم وما اعتقد تقدرو تتمحنو السنه دي وتلحقو لأنو فضل 3 اسابيع او اقل عشان كدا اعتقد انو تجمدو السنه دي وتتحولو السنه الجايه مدرسه تانيه وعارفه انو الاعاده صعبه شديييد بالنسبه ليكم لكن ماف حل تاني.. وشكراً
( البنات كلهم ردت فعلهم م بتتوصف كانو مصدومين شدييييد بالكلام السمعوهو وانو كيف يعيدو تاني كان بالنسبه ليهم صعب شديييد انو يستوعبو )
علا : كيف كيف يعني نعيد
مرام : لالا م مصدقه والله
لجين : يعني بعد تعبنا دا كلو
غصون : يعني ماف حل تاني؟
رهام : هي انا م بعيد مستحيل يكون ماف حل
منال : انا زاتي م بعيد اكيد في حل
خنساء : ماف حل غير انو نعيد
ساره : الحمدلله بس
هديل : تعبنا دا كلو يروح في ثواني بس
اسماء : لا مستحيل يشوفو لينا حل هم كانو وين لمن حصل الحريق
نور : اصلاً دي م مدرسه ي ريت لو م قريت هنا
( المهم اتناقشو في الموضوع كدا وما عرفو يعملو شنو في النهايه رجعو بيوتهم .. عن ناس مرام و لجين ومنال امهاتم واخواتهم كانو مجمتمعين في بيت لجين اصلاً كل فتره عندهم جمعه كدا مع بعض مشو ليهم وكلموهم بالموضوع )
هناء : كيف يعني الكلام دا
سميره : الناس ديل م جادين ولا شنو
موده : اصلاً المدرسه دي م جايبه حقها والله وانا م بتستغرب منهم حاجه زي دي
( اتكلمو في الموضوع وقدر م حاولو يشوفو حل م قدرو وفي النهايه م لقو طريقه غير انو يعيدو 💔 .... كانت بالنسبه ليهم صدمه شدييييده وكل يوم ببكو ويتحسرو لأنو بالجد الاعاده صعبه وخاصة انو هم مجتهدين ومستواهم كويس واجتهدو شديييد في الفتره الاخيره ونسبهم كان ممكن تكون كبيره بس راحت عليهم💔 .. عدو التلاته اسابيع ولسه ببكو وما قادرين يستوعبو وفي النهايه قررو ينسو الموضوع ويكملو عادي والسنه يعيدو .. طبعاً الفتره دي كلها م كان فاتحين تلفوناتهم لكن بعد امتحانات 3 انتهت فتحوهو كانو واعدين بعض م يفتحوهو الا الامتحانات تنتهي بالرغم من انهم م امتحنو .. في القروب)
غصون : كيفكم بنات😪💔
لجين : يعني حيكون كيف💔
ساره : م تمام😭✋
هديل : الله يصبرنا بس
منال : م عافيه ليهم نهائي
رهام : بتهون🙂💔
علا : ان شااء الله
ــــــــــــــــــــــــــــــــــــــــ
( منال وامجد كان بتكلمو مكالمه)
امجد : سلام
منال : وعليكم السلام
امجد : كيفك
منال : تمام الحمدلله وانته
امجد : الحمدلله ... قالو لي بي مشكلتكم
منال : الحمدلله بس 💔💔
امجد : بتتعوض
منال : امين ي رب( وبكت)
امجد : ي بت😳😳
منال : ...
امجد : منااال
منال : نعم
امجد : مالك بتبكي
منال : ماف شي
امجد : عايني م تبكي عاادي بتحصل وكلو لي خير
منال : ...
امجد : منال م تبكي
منال : ...
امجد : ي بت انا بتكلم معاك😡
منال : طيب
امجد : اها حتتحولي وين
ــــــــــــــــــــــــــــــــــــــــ
في الواتس..
محمد : حمدلله ع السلامه حبي😍😍❤️
رهام : 💔💔
محمد : مالك😳😳 م اشتغلتي كويس؟
رهام : ي ريت💔
محمد : طيب ف شنو
رهام : م امتحنته
محمد : نعم😳😳 لشنووو
رهام : ( حكت ليهو)
محمد : لا اله الا الله ياخ بالغو والله 🙆♂🙆♂
رهام : الحمدلله بس نقول شنو
محمد : ونعم بالله ❤️ حتتحولي صح
رهام : اكيد
محمد : بالتوفيق يااخ
رهام : امين ي رب 🙂❤️
يتبع....
