عثرات الحياة

البارت الاول

مساؤؤؤؤ كليباتي شلونكم شخباركم مشتاقتلكم هوايه 😚😚😚رجعت وياكم بقصه جديده انشالله تعجبكم سوو تاكات لصديقاتكم حتى يصير بيها تفاعل ولا تنسون التصويت والتعليق ع الفقرات ادري مراح تقصرون احبكم😍😍😍😍😚😚القصه جنت موقفتها ...نزلتها هسه وان شاء الله اكملها بعد كم يوم❤❤❤

يادنيتي ليش انا حالي غريب ؟؟؟
الكلب يشكي جروح من دون اسباب😔
اكعد وبكلبي طعون وتغريب 💔
والعين كل الوكت تبجي من الاحباب 😔
يادنيتي كافي كضيت كل عمري عذاب 😔
الموت ارحم من زمن ماضل بي احباب 💔

                  💔عثرات الحياة💔

مروه :-كاعده ع السرير ومجهزه نفسي وصار ساعه اعدل بروحي حتى فراس ينتبه عليه والفت نضره ..تالي يجي يلف راسه وينام كبل...ندسته بيدي فراس فراس ...فتح عيونه وباوعلي كال

_اممممممم

_شنو نمت ياعيني شو كضيت حياتك كلها بس نوم كلشي مو مفتهمه منك دكعد هاي شبيك

_تعبان والله اريد انام راسي يريد ينفجر من الصبح الحد الليل شغل هلكت والله عوفيني انام رحمه لوالديج

_تعصبت وكتله تره والله ميصير هيج كل يوم اجهز نفسي والبسلك احلى لبس بس حتى تحس اكو انسانه يمك وعايشه وياك بنفس الغرفه تذكر شوكت اخر مره اتقربت مني ..اكيد مراح تذكر بس همك تشتغل وتخلي بحلك اخوتك واهلك واني طززز بيه مو ...تعدل وكام يعيط واحمد كعد يبجي

_كاااافي حسج وصل لاخر الدنيا حتى الطفل كعد من صوتج عبالك كحا.. مو نسوان بهذا البيت ...اخذ مخده وبطانيه وطلع هففف الباب وراه ..

رحت شلت احمد من السرير مالته واسكت بي كافي يايمه اششش يله ينام واهز بي بحضني وضل يبجي عاد خليته ع رجلي وصرت اهز بي شفته سكت وغمض عيونه ونام واني دموعي تجاره ع خدي طكت روحي من هالعيشه الكشره...شلت احمد ورجعته ع سريره ولفيت راسي ونمت ...

كعدت الصبح نزلت جوه سويت ريوك  لفراس لان يطلع من الصبح لكيته بالصاله نايم بالكاع وحاضن رجليه من البرد دخلت غطيته زين ورحت للمطبخ سويتله ريوك وخليته بالمطبخ وكعدته حتى يتريك بس وجهي ثكيل منه ...اجا ع المطبخ كال

_صباح الخير

_رديت ابرود صباح النور

_شبي الحلو زعلان وتقرب مني ديبوسني من خدي كبل ابتعدت عنه كتله مابيه شي وخر عني

_هاي شبيج مروه حسي بيه تره والله جاي اتعب بالشغل كلش حتى اكل مرات ما اكل في سبيل اعيشكم وما اخليكم تحتاجون لاحد ولا تباعون ع العالم و اوفرلكم كل احتياجاتكم والله مجاي العب ..

_هزيت براسي وعفته طلعت ع غرفتي لان سمعت صوت احمد جاي يبجي ....شلته وياي حتى اوكله ...نزلت لكيته فراس ماكو رايح كعدت اوكل ب احمد واذكر شلون اجيت ع هذا البيت معززه ومكرمه لان جان بابا ينطيهم فلوس ويصرف عليهم عود بيت اخته ويتامى يكسب بيهم اجر وهسه صرت مجرد خدامه للشغل والكرف بس.. مالي اي كلمه من بعد وفاه بابا ..صافنه بذكرياتي فزيت ع صوت سلام