وجدت النور

البارت الاول

كاعد بلحديقه واباوع للسمه زركه وبيه غيوم قليله جان الجو يخبل وافكر بربي خالق الكون صافن وافكر فزنني صوت بنتي رجوان: بابا بعد يومين يصير عمري 9سنوات شنو حجيبلي حضنته وكتله:الشي الي يخليج دائما مميزه رجوان:شنو هو كلي بابا ازهر:يجي وكتها بابا بسته بجبينه وحضنته لصدري
مها:يلا ابو رجوان تعال اتغده رجوان ماما تعالي ساعديني
ازهر:واخيرا خلصتي شعندج ذبيحه يمعوده متت جوع
مها:هههههههه بعد قلبي سويتلك دولمه من ايدي الي يحبه قلبك
ازهر:جايج ركض هههههه
مها:هلابيك بعد روحي
كعدت ع الطاوله اني ورجوان
رجوان:بابا سلمان اتاخر ب12وعشره
ازهر:على جيه بابا مو طريق
رجوان:اني هم ورأيه مدرسه
ازهر:توضيتي بابا
رجوان اي بابا توضيت حتى اصلي واروح للمدرسه
ازهر:عفيه ببنيتي .يمعوده مهاوي راح ياذن لعد نصلي وبعدين نتغده
مها: اجيت من المطبخ لصاله اركض
ازهر:هاي شبيج
مها:دا البس ملابس الصلاه نصلي ونتغده
ازهر:ههههههه الله يهديج
ازهر:كومي بابا رجوان نصلي
كمل الاذان تقدمت زوجتي وبنتي كبرت وصلينه كملنه الصلاه دخل سلمان
سلمان:السلام عليكم 😊
العائله:عليكم السلام
ازهر:هلابوليدي غسل وصلي والحكنه للغده
سلمان:صار بابا
مها:يلا تعالوا صبيت الغده
ازهر:الله شهل الريحه الطيبه
مها:ستوك تاكل طبخي
رجوان:3لكمات واجه السايق اخذت جنطتي وركضت للسياره
مع السلامه
ازهر: الف سلامه بابا
مها:يحرسج الله بنيتي
ازهر: كملت غده وكعدت اقره بكتاب اسلامي عن الاسلام الكاتب كان شيعي كاتب أن الأرض لا تخلو من حجة الله أن بعد النبي محمد ص أوصياء يجب الاقتداء بهم لان رسالتهم رسالة الانسانيه
صفنت يابه يمكن كلامه صح ضليت افكر ممعقوله اكيد كلامه صح مو يمكن لازم اكو حجج بلارض يقودون الاسلام لان الله سبحانه وتعالى ماخلق الناس عبثا وخلق لهل الناس قائد حق يقودهم عندي صديقي علي اي خلي اتصل واستعين بيه كمت ركض للتلفون دكيت رقمها وره شوي جاوب
ازهر:السلام عليكم اخوووي علي
علي:عليكم السلام ابو رجوان الغالي شخبارك
ازهر:الحمد لله بخير اكلك علي سؤال؟
علي:جواب!
ازهر:بعد النبي محمد ص اكو اوصياء ابو بكر وعمر وعثمان وعلي رضي الله عنهم لكن هؤلاء كلهم ماتوا واني اكول ممعقوله الارض تبقى بدون قائد؟
علي:ازهر خويه الامام علي ع هو أول الاوصباء واحنه على يقين وحادثة الغدير تشهد...
ازهر:اريد اعرف اكثر
علي:راح انطيك اسم كتاب اقراها راح تعرف كلامي صح كتاب الفلاني للمرجع الفلاني الشيعي
ازهر:اليوم اروح واشتري صار عندي فضول
رجعت لغرفتي مها نايمه كلت انام ساعه واكعد اروح للمكتبه واخذ الكتاب نزعت الفانيله بقيت بلكيمونه وتمددت ونمت ساعه 4ونص كعد الجو جان ربيع كولش حلو طلعت بره للطارمه كعدت بلحديقه رشيته مي واباوع للوردات شون يكبرن وريحتهم تخبل والوانهم احلى واتبسم خلي اطمئن على سلمان وابدل واطلع للمكتبه مريت ع غرفة سلمان فتحته شفت سلمان نايم الحمد لله متغطي سديت الباب رجعت لغرفتي طلعت ملابس الطلعه اباوع بيهن والله مليت من ملابس الدوام خلي البس دشداشه صارت عيني ع البيضه اي هاااااي اخذته ولبسته لبست محبسي ومسبحتي الحلوه احبها واعتز بيه لان هديه من زوجتي الغاليه وكفت ع المرايه مشطت شعري وهمس لمها:حبيبتي اني رايح للمكتبه ساعه واجي
مها:كوه افتح بعيوني ماشي بعد عيني ديربالك ع نفسك
ازهر:بصوت عالي ماشي مهاوي الغاليه
مها:نزيت من صاح اسم الله شبيك
ازهر:ههههههههههههه يابعد قلبي ارجعي نامي في امان الله
مها: هههههههههه فدوه لضحتك الله يحرسك عمري
طلعت للكراج صعدت سيارتي وسقتها وصلت للمكتبه نزلت دخلت
ازهر:السلام عليكم
صاحب المكتبه:عليكم السلام
ازهر:اريد الكتاب.........
صاحب المكتبه:اي اخي موجود راح للرفوف المكتبه وجابلي الكتاب جذبني صوره الي ع الكتاب شخص غركان وشخص اخر ينقذه
ازهر:خويه خلي يمك الكتاب اني اتمشى بلمكتبه واختاري بعد كم كتاب
صاحب المكتبه:تفضل براحتك
افتر واكلب بلكتب اخذت بعد كم كتاب لمراجع وكتاب شيعيه عن العدل وامامتهم عناوينهم شغله فكيف الي بداخل الكتاب اخذتهن وانطيت سعرهن وطلعت صعدت السياره ومريت على السوك اخذ كم شغله للبيت
يتبع.......