(((بريئة احيتلي قلبي)))
بقلم ريحانة الجنة
(((الحلقة الثامنة )))#ريحانة
مراد وصل الفيلا ودخل اوضته اللي كانت فيها سجي بسرعة . ودلوقتي حنعرف ليه مراد كان مصمم ان سجي تاخد الاوضة اللي جنبه دي بالذات . علشان فيها باب سري بيدخل علي أوضة مراد ومش بس كدة ده الباب ده بيخلي مراد يقدر يشوف أوضة سجي كلها ويشوف كل تحركتها وتصرفتها . الباب ده عبارة عن مرايا كونسول كبيرة في أوضة مراد وبتقبلها مراية كونسول كبيرة في أوضة سجي هي عند سجي بتشوفها مرايا عادية لكن عند مراد مرايا ولما يفتحها بتبقي باب ازاز كبير بيخليه يشوف سجي وكمان ممكن يتفتح ويدخل عندها في اي وقت واكيد مراد حيستخدمه في يوم. 😉😉
مراد :فتح المرايا علشان يشوف سجي . لقاها رايحة جاية وقلقانة وشكلها خايف . وهو مبتسم . خاليكي كدة ميتة في جلدك وخايفة من اللي حعمله فيكي .
قفل مراد المرايا وخرج وراح لاوضة سجي وجه يفتح الباب لقاه مقفول . خبط جامد .
سجي :طيب . طيب . وفتحت. ايه حد يخبط كدة انت ايه معندكش زوق خالص .
مراد : وهو بيجز علي سنانه . وبعدين في لسانك الاطول منك ده ماتتربي احسنلك .
سجي :قولتلك قبل كدة انا متربية احسن منك . ممكن بقي تقولي عايز ايه .
مراد :قرب منها وهي ترجع لورا . اولا ده بيتي يعني ادخل المكان اللي يعجبني . ثانيا انتي مراتي ومش لازم يكون في سبب اني اجيلك . عادي عايز اقعد معاكي فيها حاجة.
سجي : وهي لسة بترجع . احمم تاني مراتك دي انت مبتزهقش .
مراد :تؤتؤتؤ مبازهقش . وشدها مراد وقربها منه وكلمها بحنية . وعلي فكرة وجودي جنبك ده انتي بتحبيه. وعلي هواكي . بس انتي اللي مش عايزة تبيني .
سجي:بصت لمراد وهو بيكلمها بحنية كدة وقربه منها . حست ان قلبها بيدق جامد ودي اول مرة تحصلها .. احممم . اوعي سبني واوعي تعمل كدة تاني . انا بكره اكون قريبة منك .
مراد : ضمها اكتر . وابتسم. طب عيني في عينك كدة . وقرب اكتر علشان يبوسها .
سجي:زقته بعيد . قلتلك ابعد عني . انا مش جاهزة لكدة دلوقتي .
مراد:حط ايده في جيبه وابتسم زيادة . اممم اومال حتكوني جاهزة امتي .
سجي :معرفش . انا مبفكرش في كدة اصلا . انتي فاكرني زيك .
مراد :امممم طيب . عموما انا مكنتش جاي علشان كدة . انا كنت جاي اقولك تجهزي علشان تنزلي تتغدي معايا .
سجي:مش عايزة مليش نفس .
مراد : بس كدة انتي مش حتكلي لباقي اليوم . علشان لو مكلتيش معايا مش حتكلي لوحدك .
سجي :والله ده تهديد بقي ولا ايه .
مراد :ههههه اه تهديد . وعلي فكرة ده مش بس في الغداء لا الكلام ده في الفطار والعشاء كمان . لو مااكلتيش معايا . يبقي مفيش اكل خالص
