عذابي صنع قوتي

الحلقة6

ماماها:اوكي انا روح
خلود :اوكي
كانت قاعدة تشوف فيهم كيفاه يحنولها و يغنولها لعزايج لكبار قعدت تتخمم يا درى شكون يلي رايحة تكمل حياتها معاها يعود يستهلها ولالا قعدت تشوف في زهرة كيفاه فرحانة لانوا دات ولد خالتها يحبوا بعض من صغر ❤ هي فرحانة لفرحت بنت عمها مهم تكون تقعد هي الوحيد يلي تعزها لانوا جامي نفقتها ديما تفرح بيها دورت رأسها و شافت بنات عمامها لخرين كامل يشوفوا بيها بنضرات الغيرة و الكره ديمااا بينها و بينهم غير السلام و أو يتلموا غير في عرس ولا شي واجبة برك تنهدت و قال في سرها :انا وش يهمني عندي ماما و خواتي يغنوني على دنيا و ما فيها هههههه انا هبلت نخمم فيهم ربي يسهل عليهم خليني نشطح شوياا نح على خاطري راحت للمولات الدجي
خلود:تعيشي أختي ممكن ديريلي مصري نشطح عليه
الدجي :اوكي يا مولات عينين الزينين هذي في خاطرتك هههه
خلود :هههههههه يعيشك عينيك الزينين ميرسي
درتلها مولات الدجي المصري راحت في وسط و قعدت تشطح و قعدوا كامل حالين فامهم فيها و شحال تعرف تشطح و لا هذوك الدرير نتاعها كيفاه تحرك فيهم و لا قولوا يترعدوا وحدهم رعيد ماماها شافتها تشطح قعدت تتبسم حتان جات مرأة من أهل عريس
مراة:اسمحلي ختي هذيك يلي تشطح بنتك
مسعودة:ااه إيه بنتي خلود
مرأة :الله يبارك ربي يخليهالك بصح مخطوبة
مسعودة:لالا يا ختي مزالها تقرااا
مراة:ايه ربي يحفظها يا نتي مرت ساعد ****
مسعودة:ايه ختي
مراة :اوكي هايا صحاا
مسعودة:صحاا و هم يحكوا مش فايقين بزوج عبادين قاعدين يسمعوا فيهم و يتحلوفوا و كل واحد واش قعد يخمم واش يدير
فاتت سهرة جا عقبة يديهم راحت خلود تودع في زهرة لأنو غدوا متنجمش تجي تشوفها
خلود:زهرة حبيبتي تبغاي على خير ربي يهنيك يا روحي
زهرة :ميرسي حبيبتي لعقوبة ليك أن شاءالله
خلود:انشاءالله ههه احم احم ارتاحي نقلك قدمت لوذنها ربي يفوت غدواااا على خير هههههههههه
زهرة:حشمت كلبة بلعي
خلود:يا ودي يا ودي حشمت عروستنا و هي ملي كانت صغيرة و هي تستنا في هذا نهار
زهرة:اااع بعديني يا كلبة يجيك نهار يا خلود يتشوفي واش ندير فيك ههههه٨ههه
خلود:هههههه خلاص خلاص 😂😂😂 انا نروح هاهو جا عقبة ربي يهنيك بااي
زهرة:اميين بااي

راحت خلود لبست حجابها و جات خرجا تلقات بوليد عمها عماد عند لباب قالت في نفسها اوووووف هذا مش رائح يخطيني جات فايتا عليه
عماد:واش خلود تقولي مكش شايفتنا ولا مانش في مستوا حتان تشوفي فينا ولا تسلمي
خلود:ااه معرفتك و راح لحال عقبة يستنا فيا نروح
جات رايحة حكمها من يدها
عماد:خلود حطي شي في بالك غير نتي يلي راح تكوني ليا انا (بوووووم هذي اول قنبلة مزال الخير للقداام )
خلود:نحتلوا يدوا تحلم نكون ليك انا منحملكش كيفاه نزوج بيك مستحيل فهمت
عماد:متكوني غير ليا تحمليني ولالا نتي ليا انا برك مستحيل يديك واحد خلاف
خلود:نتا هبلت اكيد مستحيل و راحت و خلاتوا هو قعد يشوف فيا كيفاه راحت
عماد:نتي ليا حتى لو انهار نديك نديك
مكانوش منتهبين يلي كانوا يسمعوا فيهم و يضحكوا بخبث
ركبت مع خوها و مخها مش فوقها خايفة بزاااف ملي جاي لأنو عارفة باباها إذ خطبها اكيد راح يمدها بلا حتى ميسقسيهااا المهم يتهنى منها طحتلها دمع بصح مسحتها قبل ما يفوق بيها حد خلود خلود
خلود:ااااا شنهي عقبة عيطتلي
عقبة: من قبيل نعيطلك و نتي مكش هنا واش بيك كشما صرااا
خلود:لالا يا روحي مبيا شي نعست علبيها
عقبة :معليهش المهم فاتت لعرس مليح
خلود:ايه فاتت فور خرجت تهبل
عقبة:مليح ربي يهنيها
لحقوا لدار لقوا باباها و لزهر يستناو فيهم غير دخلواا حكمها لزهر من شعرها
لزهر:ارواحي هنا يا ق***رحتي للعرس ولا ترندفاا قولي و عطاها كف لا يقر ولا يحسب
خلود:اااا هيء هىء والله مدرت شي هىءهىء
جا باباها عطها كف
باباها:هذي تربيتي ليكيا كلبة تقعدي مع رجل
قعد يضرب فيها و أمها و عقبة يحاولوا يفكوا
فعدها عقبة و دارها وراء ظهروا
عقبة:واش دارت حتان درلها هاك
لزهر :خرج تليفونوا شوف هذي هي يلي فلفوتوا لالا
عقبة:شافها و مباعد قال شكون بعثهالك
لزهر :نميروا منعرفوش
عقبة:شاف لبنات مباعد قال و علاه يكون واحد تامر عليها بلعاني ها
باباها :علاه رايح يديروا هاك
عقبة:لانو يعودوا غايرين منها مباعد في لفوتوا في دار عمي يعني ماشي برة يعود غير واحد من أولاد
باباها:شكون هو
خلود:هىءهىء هذا عماد هىءهىء طاحتلي براسلي ورتهالوا في ايدها هو عطهالي مسعتوش ماء شدني من ايدي هىءهىء والله مدرت شي لحبيت عيطلوا
هي صح كذب بصح متجنمش تقلهم واش قالها عماد بصح اكيد هم يلي درلها هذا الشي اكيد
باباها:خلاص كيفاه نعيطلوا عيب هيا كل واحد يحكم داروا راحوا كامل بصح كاين ثلاث بنات يحكوا
سامية:اوووف مدرولها والوا
حليمة:تمنيتهم يبطلها من لقرايا
نادية :معليهش المهم دات ضرب مريقل هاك شفا غليلي فيها شويااا
حليمة:شفتوا كيفاه سمعناهم
*فلااااش باك*
جاو خريجين يحكوا شافت حليمة خلود كيفاه خارجة راحوا مراها شافوا كيفاه عماد يحكي معاها و لما حكم ايدها حليمة خرجت تليفون يلي ديرتوا بلا علم باباها و صرتهم لما خرجت خلود
حليمة:صورتها واش رأيكم نبعثها لزهر اليوم تدي ضرب مريقل
نادية:ايه إيه ابعثي بصح كسريها لبيس متقعدش عندك تخافي يفوقوا بينا
سامية :ايه ابعثت
بعثوها و راحو و كي دخلوا لدار و لقاوا باباهم يضرب فيها فرحوا بصح مكملتش فرحتهم كي دخل عقبة
*بااااك*
سامية:ايا لا علينا انا روح جا راجلي يديني

روحوا سامية و نادية و كل واحد راح لدارو و حكم بلاصتوا لانوا ضكا نص ليل بصح كاين وحدة مش قادرة ترقد و دمعتها على خدها مقدرتش تنسى باباها كيفاه بهدلها قدامهم ولا نظرات يلي قعدوا يشوفوا فيها بيها تنهدت من كل قلبها و راحت توضات باش تصلي بلاك يرتاح قلبها شويا لبسة لبست الصلاة حكمت صلاية تصلي كي كملت هزت يديها ربي و قالت *اللّهم لا تحرمني وأنا أدعوك، ولا تخيبني وأنا أرجوك اللّهم إنّي أسألك يا فارج الهم ويا كاشف الغم، يا مجيب دعوة المضطرين، يا رحمن الدنيا يا رحيم الآخرة أرحمني برحمتك، اللّهم لك أسلمت وبك آمنت وعليك توكلت وبك خاصمت وإليك حاكمت، فاغفر لي ما قدّمت وما أخّرت، وما أسررت وما أعلنت، وأنت المقدّم وأنت المؤخّر لا إله إلّا أنت، أنت الأول والآخر والظاهر والباطن عليك توكلت وأنت رب العرش العظيم، اللّهم آتِ نفسي تقواها، وزكّها يا خير من زكّاها، أنت وليها ومولاها يا رب العالمين، اللّهم إنّي أسألك مسألة البائس الفقير وأدعوك دعاء المفتقر الذليل، لا تجعلني بدعائك رب شقيّاً وكن بي رؤوفاً رحيماً، يا خير المئولين، يا أكرم المعطين، يا رب العالمين اللّهم رب جبريل وميكائيل وأسرافيل وعزرائيل، أعصمني من فتن الدنيا ووفقني لما تحب وترضى، وثبتني بالقول الثابت في الحياة الدنيا وفي الآخرة، ولا تضلني بعد أن هديتني وكن لي عونا ومعيناً وحافظاً وناصراً، آمين يا رب العالمين، اللهم استر عورتي واقبل عثرتي واحفظني من بين يدي ومن خلفي، وعن يميني وعن شمالي، ومن فوقي ومن تحتي، ولا تجعلني من الغافلين، اللّهم إنّي أسألك الصبر عند القضاء، ومنازل الشهداء، وعيش السعداء، والنصر على الأعداء، ومرافقة الأنبياء .اللهم عوضني عن كل لحظة خذل فيها قلبي و عن كل الم اسكن جوفي عن كل موقف ابكاني وعن كل صدمة اضعفتني وو عوضني يالله بعوض الصابرين اميين يا رب العالمين * كملت صلاتها و دعائها هي مهما تكون بارة بالوالدين مستحيل تدعي عليه في صلاتها او تقول عليه شي سئ بصح لخرين حاجة وحدة تقولها حسبي الله و نعم الوكيل .....
بعد مكملت صلاتها رجعت حكمت بلاصتها و حطتها راسها على لمخدة معرفتش كيفاه رقدت( اخخخ شحال ترريح الصلاة ) مكانش علبالها بيلي يشوف فيها مكانش احن من نبع الحنان كيفاه ترقد و بنتها تبكي كي رقدت راحت قعدت عند راسها تمسح عليه و دمعتها على خدها اااه يا بنتي شحال راكي تقاصي اسمحلي بسبتي انا علاه جيتي تشبهيلي علاه 😢😢😢 قعدت حذاها و قلبها يوجع فيها على نورتها ناضت حبتها من راسها و راحت بعدها جاء عقبة شافها لقاها رقدت قال واخيرااا رقدت باسها من راسها و قلها اسمحلي كي خليتهم يضربك ياروحي قطاها مليح و راح حكم بلاصتوا مكانش نص ساعة جاها خالد شافها و قال ربي يصبرك و يصبرنااا هو راح حتى جاتها ختها سلسلبيل لقات لغطاء طايح عليها قطاتها و قالت اخخخ شحال راكي تعاني ربي يصبرك يا حبيبتي و راحت هي رقدت بصح نومها خفيف سمعتهم كامل واش قالوا ضحكت في وسط دموعها لانوا عندها احلى عايلة احلى اخوا و اغلى ام لانهم مستحيل يرقدوا وهي تبكي هذي هي عايلتها مستحيل واحد يرقد و الثاني يبكي رفعت يدها لفوق و قالت *يا رب احفظلي عايلتي و احميها من كل شر يا رب العالمين *بعدها عودت رقدت .....