جانت رزان گاعدة بالصالة وي غزلان و دلال ،
دلال : ولجن بنات هسة داخل موديل مالت ملابس داخلية تخبل ،
رزان : صدگ واللة ؟!! ،
دلال : اي واللة ونوبه يخبلن ،
غزلان : اشتريتي من عدهن ؟!! ،
دلال : اي عيني لعد شلون ما اشتري منهن ،
رزان بابتسامة : عفية عليج 👍،
دخل جعفر ،
جعفر : السلام عليكم ،
الكل : وعليكم السلام ،
گعد جعفر وي اخواته ومرته ،
جعفر : لعد وي امي ،
رزان : راحت للسوگ تشتري غراض للبيت ،
جعفر : هااا ..... لعد وين كروري ( موجه الكلام لدلال ) ،
دلال : اخذه عمي حتى يشتريله ،
جعفر : اها ،
گام جعفر وگامت وراء دلال وصعدو لغرفة ،
غزلان : اگلج لمته نروح لبيت خالتي حوراء ؟!! ،
رزان : يمكن العگبة ،
غزلان بفرح : صدگ والله ،
رزان بابتسامة : اي عيني راح تشوفينه الحب ،
غزلان : انجبي ولج لا تخجليني ،
رزان : ههههه ،
غزلان : انتي تحجين علية مووو .... وانتي عيني هم راح تشوفينه ( غمزت ) ،
رزان : اي ولج گلبي طاگ على شوفته ونبي محمد ،
غزلان : يلا اصبري بس يوم وانشالله راح تشوفينه ،
دخلت فاطمة واتلگته رزان وغزلان واخذن العلاليگ منه ،
رزان : هلااو ماما
فاطمة : هلااو حبيبتي ،
غزلان : گواج الله ،
فاطمة : گوة حيلج حبيبتي ،
فاطمة : لعد وين دلال ؟!! ،
رزان : دخلت للغرفة وي جعفر ،
فاطمة : اها .... يلا خل نگوم نرتب الغراض ،
گامت رزان وغزلان وفاطمة ورتبن الغراض واجت وياهن دلال وساعدتهن ،
[ ليل بـ 9 ] ،
جانن البنات و فاطمة گاعدات بالصالة و يسلسن كرزات ويتابعن مسلسل وكرار جان يلعب بالالعاب ،
رزان : ماما لمتة نروح لبيت خالة حوراء ،
فاطمة : انشاللة العگبة اذا الله خلانه عدلين ،
طبعا غزلان ورزان طارن من الفرحة ،
فاطمة : وانتي يمه دلول ترحين ويانه لو تبقين هنانه ؟!! ،
