الولد طلعوا أربعتهم وراحو مطعم دينتظرون البنات يجن ....
عمار_ شباب شرأيكم نبطل
تاي_ لا بربك واني ع شنو لابس الفستان الأسود؟؟ 😒
جويّسم_ انت شبيك دترجف
عمار_ متوتر كلش اخاف نور تتأذه مشاعرهة بعدين☹
يونغي_ طير ... بابا صير رجال يا مشاعر يا بطيخ هو شنو الراح يتأذة بس تغار عليك ليش تخربط 😒
عمار_ مو نور حساسة
يونغي_ جان حست بيك منزمان حبيبي 🙂
جويّسم_ هم صح تحجي 🌚
يونغي_ ادري .. خية تاية كعدي يم خطيبج ولزمي ايدة ميصير لاطشة بية خلي الجذبة شوية مقنعة
تاي كام وكعد يم عمار
جويّسم _ غازلة وكذا ☻
تاي بصوت ناعم _ اي صدك حبيبي تغزل بعيوني
عمار_ نجب انت الثاني 😒
يونغي_ شنو ينجب ؟؟ لازم عمري وحياتي وكذا خلي نور تحس انك متحبهة بعد
عمار_ ححاول
__________________
_في مكان آخر_
نور_ يلا مخلصتي ؟؟؟
فاطمة_ ثواني بابا بس البس الحذاء
فيرو_ ترة والله تأخرنة عيب من الولَد
فاطمة_ هسة انتن متكللي اني شدخلني بالنص ؟😒
نور_ نجبي دخلج لازم تروحين ... فيرو هو منو هذا اللي خطب مكلتيلي
فيرو_ معرفة والله بس حميّد كال البنية معدهة احد اهلهة كلهم مسافرين
فاطمة_ اسمعن كلش زين اذا طلعت مثل روحة ذاك اليوم اموتجن وربي 😒
فيرو_ اي اي ميخالف هسة امشي كدامي
البنات راحن ودخلن للمطعم
الولد التفو وهنا الكل جان بصدمة
فاطمة صفنت ع جويّسم
فيرو ويونغي اللي يباوعلهة بحدة
نور اللي تيهت عيشتهة_ ا..اااالسلام عليكم
جويّسم همس باذن عمار_ اثكل
جويّسم_ وعليكم السلام هلو نور شلونج ؟؟
نور_ الحمد لله تمام ؛ لا تكلي انت الخاطب ترة فاطمة لابسة كعب اليوم واني اخاف ع وجهك وربي 🌚💔
جويّسم_ انيي ؟؟ يا ريت والله بس الخاطب عمار ؛ اعرفج ع خطيبتة تاية
تاي بصوت ناعم وحركات انوثية_ هيلااوو حبيبتي مواح
عمار جرة وشد على ايدة وهمسلة بحدة_ لا تتحمس لا اشعل جدك السابع فهمتت ؟؟؟😒😡
تاية_ دأاعيش الدور وبس والله 🌚
