خاطري نلقاهم
وخاطري نكمل العمر امعاهم
اعزاز خاطري
خاطري نحضنهم
وخاطري نملى انظاري منهم
وخاطري ما نغيب لحظه عنهم
وخاطري ما نعيش يوم بلاهم
خاطري نسعدهم
خاطري ما لحظه اتجي نفقدهم
خاطري نبقى اعزاز سندهم
وخاطري ما ندفى ابغير دفاهم
خاطري نقربهم
وخاطري نقعد اعزاز طربهم
وخاطري كيف العسل نشربهم
وخاطري انشيله اعزاز اعناهم
خاطري نمشيلهم
وخاطري انقضي معاهم ليلهم
وخاطري بيدي فوق انشيلهم
وخاطري نبقى اعزاز اغطاهم
وخاطري ومناايا
نقرب ونحضنهم امع سهرايا
وخاطري يبقوا قمر ياالايا
اعزاز وانذوقه لذيذ غلاهم