فتاة الميتم

فتاه الميتم الحلقه الاولى

فتاه الميتم
الحلقه الاولي
ساره فتاه في اول العشرين تخرجت من تمريض ولكنها تربت في ميتم او ملجا للايتام لا تعرف شيء عن ابوها او امها كل ماوجدوه معها  سلسله ذهب عليها اسم ساره فاطلقو عليها هذا الاسم فربما والدتها وضعت لها هذه السلسله حتي يعرفو اسمها
ومع انها تربت في ملجا الا انها فتاه محترمه تحافظ علي شرفها
وقد  عملت ممرضه في مستشفي
ولكن ماينغص حياتها هو حمو شاب نشا ف الملجا ولكن صايع ومعه شله فاسده ولكنه يحبها ويبعد عنها اي مضايقات من احد فالجميع يعلم انها تخصه ولا احد يجرؤ علي ان يعترض طريقها والا مصيره الموت
حتي انها تعود بعض الليالي متاخره بحكم عملها ممرضه فتجده امام الملجا منتظرها
حمو:مش هتحن عليا ياقمر بقي والله بحبك
ساره:والله لو اخر واحد ف الدنيا يا سيد مش هعبرك
حمو:قوليلي حمو عاوز اسمعها منك
تمشي ساره وتنظر له وتتركه
فيجذب ذراعها مش عاجبك فيا ايه مااحنا من توب بعض وتربيه ملاجيء امال عاوزه بيه يبصلك
ساره:سيب راعي احسن لك بدل مااصوت واصحي المشرفين والمشرفات
حمو:ماشي ياساره بس مسيرك ليا هتروحي مني فين وانتي عارفه ماحدش يقدر يبصلك لان الكل عارف انك بتعتي والا هعلم عليه واللي يجي جمبك اشرحه
ساره :تبعد عنه يااخي حرام عليك ابعد عني بقي مابطيقكش وتجري وتتركه
وهكذا الحال باستمرار
وتدخل باكيه  فتقابلها المشرفه سعاد التي طالما تحنو عليهم
سعاد:مالك ياحبيبتي حمو بردو
ساره :هو في غيره ياابله سعاد مش راضي يسيبني ف حالي
سعاد:ماهو بيحبك
ساره:وبعدين اطلع عيالي بلطجيه دا انا لو مش هجوز خالص يبقي ارحم
سعاد:طب معلش خشي اغسلي وشك ونامي انتي جايه تعبانه
تدخل تتوضا وتصلي ركعتين  كعادتها وتدعو ربها بما في قلبها واهم دعوه يارب انا مش طالبه غيرالستر مش عاوزه ولادي يعيشو نفس حياتي مش كتير عليك يارب انا عارفه انك سامعني ومش هبطل ادعيك وعارفه انك هتحققلي دعوتي وتبكي بحرقه ثم تنام ودموعها علي خدها
.......................
ف المشفي
الدكتور:شوفي ياساره في ست كبيره مريضه ومحتاجه ممرضه تقيم معاها وانا عارف ظروفك فرشحتك للمهمه دي وهتبقي حياه اكيد افضل من الملجا انا مرضتش ارشح حد من زمايلك لان ممكن اهاليهم يعترضو انهم يقيمو اقامه كامله لكن هنا ممكن نخاطب اداره الملجا ومش هيعترضو
ساره:واحست بارقه امل وانها ستتخلص من حمو حتي لو مؤقتا لحين شفاء السيده العجوز فلا تدري لكم من الوقت ستمكث معها ولكن حتي لو ايام او اشهر فهي تحتاج الي البعد في هذا الوقت
الدكتور:ايه ياساره ماردتيش
ساره تستفيق من شرودها
موافقه طبعا امتي استلم 
الدكتور : هنبعت الجواب اليوم وناخد الامضاءات وتستلمي من الصبح
ساره:الف شكريادكتور مش عارفه جميلك ده اوديه فين
وانهت عملها وذهبت جهزت شنطتها حتي تبدا حياه اخري لا تعلم عنها شيء وعندها حسن ظن بربها انها ستكون افضل