كعدتت لكيت نفسي بلمستشفى حيل تعبت أعصابي ونفسيتي بس اعيط واصيح يومين واخذتني امي وليث لكربلاء زرت وبجيت ارتاحيت نمت ماادري بروحي كعدتت امي كاعده تقرأ على وتبجي مسحت ادموعها كتلهه يمه ادعيلي الله يعوضني ويصبرني
زرت مره ثانيه وصليت رجعت للبيت كال ليث هدى امشي للبيت ولله محتاجج رحت وياها سبحت واجه هو مشط شعري ونومي بحضنه واحس نفسي تغيرت
ثاني يوم اجن اخواتي وبنات خالاتي وامي كلهن اجني يسولفن ويضحكن يريدن يغيرن من نفسيتي بس اجامل مااكدر انسه نبض كلبي ابني لعايش باحشائي..
تغير ليث مو القديم يجي بس بليل نهار كله بلشغل
إني هامله نفسي مرت أربعين يوم واني لابسه اسود
وشكلي متغير ياهو يشوفني يكول آلله يصبرج
ضليت أدعي ربي يعوضني فجأه بيوم وليله فقدتت ابني
وزوجي لتغير مرات اكول حقه هو ابنه مثل ماابني
مرات اكول المفروض واحد يسند الثاني
اجت امه وإخواته وامي سوينه ثواب حلاوه واكل وزعناه بليل كالت يمه انتي بعدج شابه وزوجج همين شاب عينج عليه وربج ليعوض لو ضلين لابسه العمر أسود مايتغير شي
كتلها ولله مااذب الأسود لا تلحين اني مارايح مني طير دجاج
هدى الهادئه تحولت الى كتله عصبيه ضليت ابجي وأدعي عل نفسي بلموت باستني ضلت صبر عليه
بلعشره كلمن راح لبيته اجه ليث كتله عشه كال مااريد سم
عافني و راح نام بلغرفه الثانيه عفته ورحت نمت ثاني صبح كعدتت على صياحه
هااا شبيك ليث انجبي لا تكووولين شبيك
غير افهم شبيك احجي
كال بيج مرض انتي تخبلتي ولججج هذول ملابس بشر شوفي لوسخ اكوي اغسلي صخمي
واني كبيت عليه صياح واعياط وكسرت البيت الجام فقدتت بكد مااعيط عليه ركض بيه للطوارئ لكو كزاز طلعو وخيطو ايدي
وكف ليث يلا كومي الحمد اللة على سلامه
مارديت.
كال يلا لبيتنه كتله مااروح للمهجوم مالتك وديني لهلي..سكت كال يلا براحتج كومي
...يتبع
