الاسد واللبؤة(حرب باردة)

4(الحفل)

وصلوا وهبطات ريتاج و دريك بحال شي كوبل وصلات رونج كحلة وهودات عشق وجنان جاو مروان دريك و ريتاج والبنات لخرين موراهم وتحركو بخطوات تابثة و رجال لحاقدين ديك على ديك الوقفة عكسو هو مكرهش غير تفك منو حس بشي حاجة ماضية نغزاتو وشكون من غير جنان
جنان(كضحك وكدوي) : يا إما غتبتاسم ولا عارف شنو كيتسناك
دريك ولا كيقطر بالعرق  كيبتاسم بزز منو وقفات ريتاج ودريك فواحد طابلة و  شي لاخر فطابلة  تجمعو رجال حول دريك وريتاج لتبهضو في جمالها جاو شي رجال عند البنات من غير عشق  مشات طواليط تقاد كسوتها وفهاد الثناء دخل سبع ديالنا بالهيبة. ديالوا داخل بخطى هادية وعينيه لكيقراو افكار الاخرين غير من ملامحهم واعينهم البنات كانو مبهوضين فيه وفي جمالو وعارفينو شكون هو وشكون لمكيعرفوش ليون ملك المافيا كلشي باغين غير الهدرة معاه ولا غير شي ليلة معاه من البنات او دوك لمن موراه من صحابو لكل واحد ومهمتو
غيت:قناص خطير بعني محترف يجيبها من  2كم وميخطئش شي حاجة فيها صلاح ودم هي تلذذو
صقر: غير من اسمو راه بحال صقر عينيه فيهم الغدر هاكرز ومخترق الحواسيب وشبكة السوداء (خاصة المافيا)
ليث: مدرب مختص بتكواندو والكونغ فو الكراطي وجميع انواع رياضات
ناصر:مختصص بتفكيك القنابل وصنع ديالها وتركيبها في اي بلاصة
مراد: خدام في شرطة في FBI  وزديها يقدر يصيب بسلاح باي مادة عندو
واخرا قيصر الاسد ديالنا :متكلف بالصفقات و العقل الشيطاني لعندو   و كيعطي بالاوامر باش تنفذ ولا تلغى
جات عندو بنت شعرها صفر وعينيها زرقين  لابسة كسوة كتبين مفاتينها خلات رجالة يحقدو عليه شدات فيه وبقا غادي داز من حدا البنات
انتصار: هانتي يا ختي تيتيز
جنان:حتى نتي تلاققايه كيشبع فيها غكبتو
ريماد:اصحبتي ضحكي ليك شوية ضبر راسهم
جنان:اوف معرت عشق علاش تعطلات  غنمشي عندها
عند عشق تمات خارجة
الشخص:آنسة
عشق شافت فيه برود وتحركات دازت من حدا طابل لولاد  عكس جنان مشات من طريق خرا تبعاتها ريماد شدها داك شخص من يديها شافت فيه بعيون حادة ونترات يديها شافتها صحر و انتصار جاو عندها
(الحوارت كلهم بالنجليزية فين غتكون بالدالجة  غنكتبها)
انتصار:عشق
الشخص:عشق سميتك عربية اذن نتي عربية
صحر: سوري بات
عشق:كنعرفك
الشخص:واخيرا سمعت صوتك الاميرة زوين بحالك
بالنسبة واش كتعرفيني كن قيم انا وياك في نفس الاوطيل
عشق بقات كتشوف فيه شافت وشمة فعنقو  وفي صبعانو شي كلمات
عشق:ام. عرفت
الشخص:بيتر
عشق: متشرفين  وخا نعرف علاش بغيتي تعرف عليا
بيتر:ايوا نشاف هاد الجمال كامل وزديها كتخدمي مع عصابة ليون فأكيد غنبغي نتعرف عليك
عشق دارت شعرها مورا وذنها وكان اشارة البنات اما بيتر فعجباتو هاد الحركة خصوصا ان ودنيها صغيرة وفيها بزااف طوانك زادتها جاذبية مشات معاه طابلة ديالوز تحت نظرات صقر وناصر لكيعرفو بيتر مزيااان اما قيصر فكان كيدور عينيه مزاال كيقرا ملامح الاشخاص لكينين في الحفل . مهموش تاحد لا بنات لا ستة حمص ماشي بحال كلارا لكانت شادة فيه شوية توجه الاب ديالها لبوص ديال عصابة اخرة
عند جنان خارجة من الحمام من بعد ملقاتش عشق حتى تساطحات مع شي حد
جنان:واش نتا عور
غيث: معرت شكون لعور ديري نضاضر
جنان:شناوا انا ندير لنضاضر سير يا
ريماد:جنااان (ضحكة صفرا) : سوري صحبتي عصبية شي شوية
مراد(ضحكة صفرا) : صحبي كان معصب
مشات جنان وهي كتسب وكتعاير
ريماد:منيتك اصحبتي كون نوضتيها معاه
جنان: شوفيه هو. ولد*حبة لاخر
ريماد: شوية وتزبليها وگاع داك البريستيج يمشي في الخوا الخاوي
عشق:نتا من عصابة تنين
بيتر:هه راك ذكية
عشق: ماشي شي ذكاء غير الوشام كافي
بيتر:ملاحظتك قوية لا
عشق:بحال هكاك
بيتر:ايوا اش جابك لهنا
عشق: داكشي لجابك جابني انا
بيتر:هه وشنو لجابني انا
عشق:شوف نتا
عند جنان وصلات كتعاير
انتصار:مالك عوتاني
ريماد عاودت ليهم كلشي
صحر: بقاي تحكمي في عصبيتك كوني غير بحال عشق باردة مكتعصب لا مع هادة ولا هادة قرطاسة وحدة كافية
جنان:وخا تجيبي لي اربيجي مكافياش نما غوتش وحيحتش منرتاحش وعلى ذكر عشق فين هي
انتصار:راهه واقفة مع هاداك
جنان:شكون هو  هاداك الشخص
صحر:منعرف ولكن لكنعرف ان عشق عجباتو غير من نظراتو
جنان:بففف نساي عليا
شوية جا واحد الشخص  لوقف فوق المنصة ويدوي وهاد الشخص هو اب كلارا كلشي تقدم حتا من بيتر من غير عشق وقفات لور كتراقب الكل بحال شي لبؤة كترقب الفريسة ديالها وهنا لا إراديا وقف موراها قيصر بحال شي سبع دارت جنان وصحباتها كيشوفو في داك المنظر بحال نكان كيقول ليهم ان كل لبؤة موراها اسد يعني تاحد ميتجرأ. يتحداه حتى من صحابو وكلارا واب كلارا بقا كيشوف في داك المشهد كلارا مكرهاتش تكون في ديك البلاصة ولكن القدر لبغاهم يكون فيديك البلاصة وفي ديك الوقيتة بالضبط
هو شاف الاعين عليه حدر راسو بانتليه  واقفة ولكن كيبان غير ظهرها  وهي براسها بغات تعرف لموراها غير من خيال عرفاتو طول منها ولكن مبغاتش دور و تفرطها