عبدالله: هلابك يالغالي
عقيل: هلابك زوووود هااا مانويت ترجع ياخي ماصارت كل ذي دوره ..عذاب ذي مش دوره
عبدالله بحزن بان على صوته : آآآآآآآآآآآآآآآآآآآآآآآآآآآآآآآآه ياعقيل ماشفت اللي انا شفته
الله وكيلك حادث صار قدام عيوني وبما اني وكيل في مستشفى الملك الي راعيتها الدولة هناك..
مع المبتعثين صرت انا المسؤل عن بعض الحالات
اللي حصل ان رجال وزوجته سعوديين
كانو يمشو بالطريق صدمتهم شاحنة نقل كبييييييره مرررره
بسبب سرعتها ماسيطر راعيها ان يمسك ؟؟؟؟..... لاحول ولا قوه الا بالله
عقيل : الله يرحم حالهم ...ماتو؟
ايه ماتو... الرجال ومرته سعوديين ومن اهل الرياض كمان وراعي الشاحنه امريكي
:لاحول ولا قوه الا بالله طيب ماعرفت شي عنهم؟
: الا.... الرجال اسمه شهاب وزوجته فاطمه على مااظن
:الله يرحمهم
:آآآآآآآآآآآآآمين قطعو قلبي لان بنتهم متوفيه قبله بيوم
:الله يعوض اهلهم فيهم هذي قسمة الله
:عزالله انك صادق
راشد بعد ماخرج من قاعه النسا
تذكر صاحبه اللي عزمه وماحظر .....فقده
وكان ملزم عليه..
اتصل عليه: مرحبا
: يااهلابك يالغالي .. نور الجوال
: منور بصاحبه والله اني صادق...............وينك ماحضرت الزواج؟
:يووووووووووووووووووووووه ياراشد الوالد طاح علينا من كثر التعب يابعد قلبي الله لايحرمنا منه
مهلك نفسه بالعمل ومايرتاح ثانية واذا جا يعيي ولا ياكله حاجه ..
يقول مانيب مشتهي
وكل دقيقه طايح علينا مغمى عليه والدكتور حذره وان الانيميا حاده صابته..
بس مافاد نجيب الاكل لفمه ...بس عاد النفس وماتشتهي ..وش نعمل؟
تعبت ياااراشد والله تعبت معه
الدكتوور يقول فيه انيميا حاده من قلت الاكل
:ماعليه تحمل.. ماعليك باس دامك في خدمة والديك... ودام اللي ردك الوالد اجل معذور واسعى لرضاه ومايحب قبل تفقده يالغالي الله يطول بعمره
حاول معه بالكلام الزين والركاده موب بالهواش
بيسمعلك وياكل حاول مره مرتين.. وبياكل
:واللي ضيق خلقي زياده..ولد عمي عبدالله مبتعث لامريكا دوره دكاتره الله وكيلك متصل علي مرررررره حزنان على حال سعوديين هنا عنده قدام عينه عاملين حادث
:الله لا يورينا قوته..هذي السرعه اللي بهدلت الناس...كلن بيمر والطريق مايكفي الا لواحد منهن .. بس عاد مين اللي بيفهم
: عز الله انك صادق...الله يرحمهم
:آآآآآآمين...
نغز لؤي راشد وهو يتحاكا بالجوال : اقوووووووول امش الوالد ساعه يحتريك تقلط على العشا يقول والله ماياكل ولا يطب الاكل فمه
الا انت موجود
راشد بابتسامه: ياعلني ماخلا منه...جاي اللحين
... رد حط السماعه على أذنه : اخليك اللحين يالغالي تامرني بشي الوالد يبغاني اتعشا معه ههه
:ماآمر الا على سلامتك.. فيه العافيه
والف مبروك زواج فيصل الله يوفقه ولاتنسى تبلغ سلامي للوالد ..بجيكم ان شاءالله بس لما تهدى الامور
:لاتضغط على نفسك معذور والله يوفقك وباكر بإذن الله اكلمك
:ماتشوف شر
:فمان الله
دخل راشد للقاعه
ابو راشد :فينك يابوفارس
راشد باس راس ابوه وهو في قلبه ( آآآآآآآآآآآآآآآآآآآآآآآآآآآآآآآآآآآآآه والله اني احترق لما اسمعك تدللني وانا خايف اقولك موضوعي وتنكرني...........الله يعين)
:موجود كنت اكلم صديقي تراه يسلم عليك ويباركلك ويتعذر عن حظوره ابوه بالمستشفى
:الله يبارك فيه ويشافي ابوه...هو مين؟
:ولد خالد الجاسر
ابو راشد بقلق : خاالد الجاسر ..عسا ماشر علامراشد استغرب : ماشر يقول ماياكل وتعبان من العمل ويدوخ عليهم واشتبهو فيه انيميا حاده
:الله يشافيه والله لولا ان الوقت موب متأخر والا مايدرني عنه باس.
:تعرفه يالغالي؟
:كيف ماعرفه هو وولده ماجد متعاملين معهم وبينا شراكه في مقاولات السداد العالي اللي بامريكا وافرعنا هي افرعهم اللي عملناها بفنيسيا ولهم مركز توزيعي فيه الاعمال المتشاركه معنا ..برقابة عقيل ولده
...وغيره اعمال كثيييره ياوليدي..
عياله معه في كل حين
موب انتو ... اللي كل واحدن فيكم في ديره؟؟
راشد توه يدري عن ذا كله: وانا ويني عن ذا كله اثاري عقيل طلع قريب ماهو بعيد
يابعد روحي... الله لا يخليني منك
انا دكتور والوقت اللي افضى به عندك دايم
وفيصل معك كمان
ابو راشد بتحسر : انت .؟؟ انت شاغلن نفسك بسفارتك اللي خابرني مغفل تقولي شغل ... ماشاب عقلي للحين ياراشد حتى تضحك علي.... بس دامي حي ماعاد انك مسافر الا علمك معي سامع ...؟
كان تهديد صريح
واضح
قوي
له قيمه
وله هدف
................>|| راشد بهدوء: تامر امر يالغالي انا من لي غيرك في دنياي
: الله لا يبعدكم عني ياعيالي
: آآآآآآآمين ... تراني جعت وبطني بدى يوصوص || وضحك هههههه
ابو راشد يضرب راشد بمزح : ههههههههههههه ياحبك لتضييع المواضيع...... مشينا
