حتي يطير الدخان

البداية

. حلم بيسعي ليه عقلي وعقلك
طموح بشغف اتمناه قلبي وقلبك
واتضح ان اللي قبلي وقبلك
كان عندهم اكتر من كده بكتيير.

.بس اليأس وقتها محطمش
الا اللي كان راسم في خياله طريق
محتواه انه في يوم هيكون بخير
وعدي العمر ....
ولسه مستني نفس الرسمه تتحقق
بنفس الطموح ونفس التفكير

اوعي تنسي
ايامك اللي بتعدي .سنينك اللي بتطير.

حتي الدخان في الوقت ده كان بيخلي الوقت بطئ
العقل بطئ وشايف من خلال شبكة العين ..
اوهااام...توهان ...مفيش تركيز غير في نفسك وبس
في حالك في دنيتك .صدقني مش مهم حالتك المادية ظروفها ايه
فيه هنا عامل مشترك بيني وبينك واللي حواليك
مش عارف تركز ..تبدأ بايه...مش بقول عليك انك مسطول
بالعكس !!

انت بس مش عارف تبدأ منين...
حتي انا اللي رفيقك كل يوم
انت نفسك بتفكر تنهيه..
لكنك مش قادر

هتعملنا فيها برئ وتعاملني كأني مريض
- مريض بايه ياسيد العاقلين

مش لازم تسكر وتتعربد عشان اقول عليك مريض
كل مافي الامر اننا كل يوم بنقعد نفس القعده
وتفتح لنا في مواضيع ..لا انا ببطل تفكير
ولا انت منعت التحشيش

خليك فاكر بس ان اللي باقي مش قد اللي راح
وان اللي جاي ياعالم يكون ايه .
لكنه وقت هتندم فيه ع اللي عدي وضاع
من عمرك ..
اولهم تضييع وقتك معايا ...في كلام فاضي
مفيش منه نتيجه غير انه مجرد كلام تسالي
حتي يطير الدخان ...