حب لا ارادي 1

part 1

اهلين اسمي مريم عمري ١٦ سعوديه و لاول مره بحياتي بدرس في مدرسه مختلطه ، غصب عني حدرس مع عيال مع اني اكرههم كله ذا عشان ابويه يبغاني ادرس في احسن المدارس ، بس سمع انو مستوى المدرسه عالي سجلني فيها ، مقهوره شويه بس اصلا ما يهمني كثير بروح المدرسه بس عشان ادرس حتى لو اكره الدراسه و حرجع البيت زي محترمه ان شاء الله
.
"في البيت"
ماما- مريم جهزي نفسك للمدرسه لا تنسي بكرا اول يوم
مريم- اتجهز كيف؟ مقدر اتضبط اصلا بما اني حجلس بالحجاب  لا تنسي اني رايحه ادرس مع عيال !
ماما-اقصد جهزي اغراضك اللي همك بس شكلك؟
مريم- لا اصلا حكون معفنه معفنه ما يهم ، صحباتي يجهزو مكياجهم و يفكرو في تساريح للمدرسه انا غصب عني اتحجب كله ذا عشان تبوني ادرس في مدرسه مختلطه
ماما- لمستقبلك ي مريم مدرستك الجديده معروفه ب انها من احسن المدارس فكري في مستقبلك يبنتي المدرسه مو للعب
مريم- طيب ، حاضر
.
ففف مقهوره مره ، المدرسه مو للعب؟ طيب انا ما احب ادرس؟ ليش اروح المدرسه اذا ما احب ادرس؟ ليش كل شيء مبني على الدراسه؟ يعني اذا ما درست خلاص مستقبلي فاشل؟ اكره تفكير المجتمع السطحي ما يهم خليني انام و اتهرب من الحياه على الاقل كم ساعه .
"الساعه ٤:٤٥"
ماما- مريم قومي صلي الفجر و تجهزي للمدرسه
انا : ماما خليني انام شويه كمان
ماما- لا قومي صلي الفجر بيروح عليكي
انا : طيب
Pdv مريم
يععع ايش ذا الوجه بسم الله افجع ليش وجهي الصباح كذا استغفرالله !؟ ما يهم اصلا زي ما قلت امس شكلي مو حلو بالحجاب يعني مو حلو سوا كان وجهي مفقع او لا !! اغسل وجهي ، افرش اسناني والبس عبايتي بدون ما اغيير لبسي اللي تحت..
.
ماما - ها خلاص تجهزتي؟ ايش لبتسي؟
انا - ما يهم ايش لبست كذا ولا كذا لبسي محا يبان
ماما - بلا قرف لا يكون تبي تروحي بالبجامه؟
انا - ماماااا ما فيا اغيير
ماما- يبنت لبس البيت للبيت روحي غييري بسرعه
انا - ها طيب
.
Pdv مريم
اغيير لبسي و احط بنطلون جنز مع اول بلوزه الاقيها قدام عيني ، امشط شعري و البس عبايتي و طرحتي
.
ماما- يزين بنتي المرتبه ، حلوه بكل حلاتك
انا - اكره شكلي بلحجاب
ماما- اصلا الحجاب للستر
انا - ادري
ماما- اديني بوسه بابتك يستانكي برا
انا- حتى وانا ثانوي بتعامليني كاني صغيره؟ قلت لك استحي ابوسك
ماما- تستحي من مامتك ليش؟
انا مع ابتسامه - غوو خلاص خدي لك بوسه
ماما مبسوطه- يعمريي الله يوفقك يروحي
.
في السياره بس افكر و اتخيل كيف بتكون مدرستي مع عيال ، اتخيلهم مشاغبين و مزعجين و اتخيل البنات يتدلعو عليهم ، ييعع اكره ذي النوعيات بس احس اني حقابل كثير منهم ... وصلت المدرسه اخيرا ، حسيت انو الطريق مره طويل بس بنفس الوقت  متوتره مره
بابا-بتوفيق
انا- الله يوفقك
.
اخش المدرسه و الاقي العيال لحالهم مع بعض والبنات لحالهم يااه رتحت .
الجرس يدق
المدير : يلا زي كل سنه العيال يصفو على اليسار والبنات على اليمين و بنادي الاسماء
.
كويسس حتى في الطابور احنا لحالنا يووه احب وطني ، الزبده خليني اركز على الاسماء عشان اعرف انا بشعبه كم
.
المدير - شعبه واحد ، البنات تسنيم محمد ، مريم سمير... العيال ابراهيم احمد ، راشد عبد الله ...
.
احس شكل اسمي جنب اسماء عيال غلط خصوصا انو عيال شعبتي احسهم شايفين نفسهم خصوصا واحد فيهم ، لابس بلوزه لاكوست و جنز واسع مع ساعه فخمه، مشيته و نظرته تخقق الصراحه بس طبعا حتى لو شكله حلو مستحيل اقع في حبه زي بعض البنات ، اكره العيال للابد ...
تسنيم : اهلين
انا : تكلميني؟
تسنيم بضحكه خفيفه : ايوا انتي
انا : اها معليش بس كنت مركزه في شيء ثاني
تسنيم : ايوا شفتك تطالعي في ابراهيم
انا : اها ذاك اسمه ابراهيم؟
تسنيم تأشر عليه : ذاك على قولتك كان معايا في المتوسط
انا : اها وبعدين؟
تسنيم بضحك : لا تسويها عليا بس عايدي اتعودت كل البنات خاقين عليه
انا - خير تستهبلي ؟صح انو شكلو حلو بس ماني خاقه يعني اقصد لا تحسبي اني معجبه من ناحيه اني اتخيله حبيبي او شي كذا تراني اكره العيال و مره مو مودي
تسنيم : ههههههه طيب نشوف بعدين المهم خلينا نطلع
انا - منجدك انتي؟
.
تبتسم لي كأنها تقولي قفطتك  ، يعع مدري ليش تحسبني خاقه عليه ، فشله اصلا مستحيل اخق على احد هوا عايدي شكلو حلو بس مو لدرجه انو بخق عليه سلامات؟ لا من اول يوم سووت لنفسها فلم ... ندخل الفصل و هيا فاضيه ، اول ناس دخلنا شكله الاخت دافوره ما شاء الله
تسنيم : مريم ايش رايك نجلس قدام عشان نركز
مريم : شكلك دافوره
تسنيم : لا عايدي بس احنا في الثانوي خلاص غصب نركز
مريم : طيب تمام بس خلينا نجلس عند الشباك احسن
تسنيم  تضحك : قلتي مو خاقه على ابراهيم قلت اوكيه بس لدرجه انك تبي تجلسي عندو؟
مريم - فين جنبو؟ ايش دراني ب مكانه
تسنيم مع ضحكه: عند الشباك جهه العيال !!
مريم - ايشش؟
تسنيم : خلينا نجلس هنا و نترك العيال في حالهم
.
مو من جدها دي؟ شكلها صدق مسويه لنفسها سيناريو غبي في عقلها ، خلاص عشان طالعت فيه ومدحت شكله غصب حبيته؟ يويلي مره ثانيه بمسك عيوني لا تحسبني خاقه على الشعب كله ...