Nakapagtataka,
Umaga na,
Pero wala akong makita,
Parang may piring ang mga mata.
Nakapagtataka,
Tanghali na
Kahit munting liwanag
Hindi ko maaninag.
Bakit ganito?
Bulag na ba ako?
Bakit nag iisa nalang ako?
Bakit 'di ko na makita ang mukha mo?
Nakapagtataka,
Gabi na,
Pero kahit ilaw ay wala,
Wala talaga akong makita.
Bakit ganito?
Nasaan na ako?
Naalala mo pa ba ako?
Nasaan na ang mga pangako mo?
Nakapagtataka,
Madaling araw na,
Wala na talagang pag asa,
'Di kana makikita pa.
