Mabilis na inilagay ni Ashley ang mga gamit niya sa loob ng kanyang malaking backpack na nasa bakanteng silya sa tabi niya. Katatapos lang ng huling subject niya para sa araw na iyon. Dahil araw ng Miyerkules, kailangan niyang magmadali papunta sa gymnasium ng unibersidad nila-- ang Ateneo De Manila University o ADMU-- para sa practice niya. Varsity player siya ng women's volleyball team.
Pambihira! piping hiyaw ng isip niya ng sulyapan niya ang malaking relo na naksabit sa itaas ng whiteboard. Eksaktong alas- singko nagsisimula ang training nila. Siya lang sa team ang alanganin ang schedule. Karamihan kasi sa teammates niya ay hindi kumukuha ng subjects na pang-Wednesday at Friday na inaabot ng alas-kwatro y medya ng hapon para hindi ma-late ang mga ito sa practice. Hindi na siya nag-abalang isukbit sa kanyang balikat niya. Binitbit na lang niya iyon, saka nagmamadaling tumakbo papunta sa corridor ng Business and Accointancy building.
BINABASA MO ANG
Just Love ❤
Romance"Handa akong maghintay hanggang sa kaya mo na ulit akong tanggapin sa buhay mo.❤
