الـبداية والنـهاية

البـارت الـ1

كـانت مقعـمزه فـي غرفتها وشـاده مذكرتها يلي فيها كل اسـراها وكل تفاصيل حيـاتها والشي يلي تـحبه والشيي يلي تككـرها كاانت تححاول انها تكتب ككل يلي تحسس بيه او تمر بيه ، من بداية حياتها كانت كلل ماتحط حاجه في راسها خلاصص تمم بنت عنيده تحبب التملك نوعآ ما ودائما تحب تمشيي ع قاعده معينه وعندها احلام مبينه ع اساس قوي ان يخلي حياتها اقوى واتحاول في طموحاتها م ادخلش العاطفهه بكل ، في حياتها هلبا نااس هيا اجتماعيه بس في نفس الوقت لما تتضايق تقعد بروحها مع مذكرتها وطاسه القهوه القويه يلي تححبههااا هيا
كانت الدنيا شتاء ومططر قويهه تصبب وثلج الشئ يلي تحاول انها اديره هوا ان تكون سعيده في اللحضه وبس ماتبيش تفكر وتقعد مهمومه ❤️
خشت عليها حياة  : نوضيي يا بنتي هيا تعشيي وانتي طول الوقت علي هالقهوه لا وكال ولا شراب
اريج  ببرود : حاااضر يا أمي شويه بس واللله ندير كلل شي تبيه بس خلوني بروحي شويي بسس
حياة "الام" : نوضي هي بنقولك حاجه تخليك طايره من الفرحه
اريج: مافي شي يخليني نفرح الا اني نقعد بروحي بس
حياة. : غر هيا راه بوك بيجي بعد اسبوع
اريج نطت بسرعه : بججدد الحمددللله واخخييراا بيجيي بعد قعدد براا سنه ونصص الححمدلله يا ربي به به وسراج بيجي معاه
حياة : لا قالل قاعد عنده شغل غادي
اريج : تمام تو نجيي هي خليي نكلمهه بس
طلعت حياة واتصلت بـ سراج عالفايبر
سراج : ايوه
اريج : اهلين مراد كيف الحال
سراج : تمام الحمدلله ي هبله وانتي
اريج : كويسهه اهو الجو يهببل هني ومطر اللله تمنيتك جنبي توا
سراج : والله تمنيت نجي مع بوي لاكن شغل والله مانقدر
اريج بحزن : بجديات
سراج  : اي واللله بس نوعدك نجي بعدها نقعد عندك نين تملي
اريج : ي ككلبب ما نملش منك اني استاحشتك ي سامط☹️
سراج : حتى اني ي اختي الهبله لكن الله غالب

قعدت تهدرز عليهه وبعدين نزلت لوطه عشان تتعشى
لقتهم مقعمزين ع الطاوله
اريج  : سلامم
محمد & مجد : سلامات
اريج   شافت لي ميلاد : وانت ي سي الباشا خيرك م تردش😒
ميلاد : متت من جوعي الزفف وحني نستنو هيي قعمزي ي وجه الفقر
اريج  بغيظ : هع بش تعرف مايمشي شي بدوني

خلي نعرفكم بالشخصيات "عيلة مارلين "
اريج  مواليد 1999 تهبل وطيوبه واحلا شي فيها شعرها طويل هلبا ❤️
سراج

لكبير في خوته مواليد مواليد 1991 عايش برا معا بوه بحكم الشغل
محمد مواليد 1993 جوه يهببل وعنده في العلاقات والدوه الفارغه عشان يفوت الكساد بس😂
مجد مواليد 1995 يقرا طب اسنان حتى هوا نفس الشي جوه فريي واطلع طول لاكن ديما في الخدمه وييخدم عشان يكون روحه ويأسس حوش
ميلاد 1998 اكبر من اريج  بسنه لاكن قرو مع بعض عشان اريج خاشه قبل عمرها بسه طبعا ديما عراكات ومايتفاهموش لاكن اكتر واحد يفهم فيها وتفهم فيه وهما عكس بعض في التصرفات هلبا
الاب علي خريج لغات ويتكلم حاليا 3 لغات هما انجليزي وفرنسي وايطالي
الام حياة معلمة سابقـا اما توا ربة منزل لا غير وتحب صغارها وماترضاش فيهم دقت الشوكهه

نرجعو للقصهه🌸
تعشو وكل حدد ركب لي الدار متاعه ورفعت اريج  الماعين حطت الصحون في غسساله الماعين وشطبت على كل شي وركبت خذتت كتاب "رواية " ونزلت تقرا فيهاا مابين ماجي الفيلم يل تستنى فيه وكملت وركبتت رقدتت

في مكـان تانـي وبالتـحديـد تـركـيا🇹🇷
كـان مقعمز ومههمموم وكأن كل شي في هالدنيا فوق راسهه هوا بسس من 6 سنين لما جي هالبـلاد كان همهه الوحيد ان امه تشفى من المرض يلي فيها وكان "السرطان" عفاكمم الله كان كان صغير وقتها يعني مش قد انه يحمل مسؤليات  هلبا وخواته صغار وعنده اخ اكبر منه بس قعد في ليبيا  وهوا يلي مشي منن خوته ومن وققتها بعدها شفت انه لانه كان بسيطط المرض  واستقل غادي وكمل قرايته اما عيلته رجعت لي ليبيا ، كون نفسه غادي وقعد يشتغل في شركهه لاكن مهما كان الغربه صعبه ووقت تمرض ماحد معاك والوقت يلي تكون فيه الععيله مجتمعه مايكونش موجود صعبه بكلل في نفس الوقتت بدي عنده القدره علي تجاوز الازمات يلي حياته من وقت بوه مشيي وخلاهمم الوقت يلي مرضتت فيه امه المفروض يكون معاهم بس لا مشيي وخلاهم وعاير امه بي مرضها وتزوج زوجه تانيه ومعش يشوف في صغاره اصلاا وخواتهه  تربو بدون بوهم يلي مشيي وخلاهم من 6 سنين فاتت لاكن كان مالك وعماد الاب ليهم كانو حنين على خواتهم هلبا وهكي نين كبرو صح مالك مش معاهم بس كان معاهم بي روحه وقلبه واهتمامه ما يفوتش يوم بدون مايكلمهم ويطمن عليهم وهما مايديرو شي بدون اذنه واذن عماد

(كن لنفسك ذراعـا تحمـل اوجـاعك 💔🖤)

نعرفكم علي عيلتهم
نادر مواليد 1989 خاطب من سنه وحياته جديه نوعا ما مايحبش يوريي ضعفه لحد نهائي
مالك 1993 شاب حلو عضلات وعيون ومكمل ومتخرج من الهندسه وعايش حياته برا
سما وسمر : تؤام مواليد 2000
امهم ناجيه بوهم ابراهيم
نرجعـو لـي لـبيبـا❤️
صباح جديـد ويـوم جديد
9:30 ص
كانتت اريج راقده وشرين المنبه كانت نغمهه مزعجهه جداآ لدرجه خاطرك تنوض تحدف المنبه على طول ايدك
اريج  : يارربيي ساععدني ، يا ميلاااد ي ككلب والله لما نوريكك عارفتك انتت راا
ميلاد من قدام الدار : نوضيي سادك الزف ديريلنا فطور شني هادا الواحد يقعد يراجي
اريج : سمساام ي ررب خلينيي نرقد وينن واميي
ميلاد : مشتت حوش خالتي نجاة وقالتلي نوض اختك نوضيي
اريج  بنعس : اوك شويه بس ربع ساعه وانوض

فجأة رن التلفون
اريج  : اووووووفف مايبوش يخلوني فححالي يا ربي
شافت المتصل لقاته سميوه ردت
اريج : ايوه
اسماء : اهلينن وسهلينن وين وين ماتقوليش عندي بنت خاله نسأل عليها ولا نشوف شن اخبارها اخخ تفف بس
اريج  : بشوويهه بشويهه خيركك بسم الله ي صبااح النور والياسمين والكرز  والتوت وكل  شي حلو علي بنت خالي العششل 😂❤️
اسمـاء  : رقعيها رقعي غر اسمعي نبيك في خدمه
اريج : شن هيا
اسـماء : بالله عليكك دبري سيارهه وتعالي والنبيي نبي نطلع فددييتت
اريج : والله تو نشوف اليوم جمعه كلهم معطلين  الاولاد نشوف  واحد يعطيني سيارته اصلا ناقصيني شويه حاجات من المكتبه 🌜
اسـماء : تمامم دبري وكلمينيي وبالنسبهه لخالتي تو نقنعها اني
اريج  : اوك ، تشااو بيب❤️
اسماء : تشاو❤️

تممم اول باارت يا رب ينال اعجابكم ، طلبي بسيط انكم تصوتوليي بسس باليز بنات😭❤️❤️